ഉപരോധം പിൻവലിക്കണം -ഇറ്റലി
text_fieldsദോഹ: ഇറ്റാലിയൻ സെനറ്റ് പ്രസിഡൻറ് മരിയ എലിസബറ്റ കസല്ലറ്റിയുമായി അമീർ ശൈഖ് ത മീം ബിൻ ഹമദ് ആൽഥാനി കൂടിക്കാഴ്ച നടത്തി. ഖത്തറിൽ ഒൗദ്യോഗിക സന്ദർശനത്തിനെത്തിയ തായിരുന്നു അവരും സംഘവും. അമീരി ദിവാനിലെ അമീറിെൻറ ഒാഫിസിലായിരുന്നു കൂടിക്കാഴ്ച. ദോഹയിൽ കഴിഞ്ഞ ആഴ്ച നടത്തിയ 140ാം ഇൻറർ പാർലമെൻററി യൂനിയൻ സമ്മേളനം വൻവിജയമായതിലും സമ്മേളനത്തിെൻറ ഗുണഫലങ്ങൾ വ്യാപകമായി ചർച്ച ചെയ്യപ്പെടുന്നതിലും സെനറ്റ് പ്രസിഡൻറ് അമീറിനെ അഭിനന്ദിച്ചു.
ഇറ്റലിയും ഖത്തറും തമ്മിലുള്ള ഉഭയകക്ഷി ബന്ധം കൂടുതൽ ശക്തിപ്പെടുത്തുന്ന കാര്യവും ഇരുരാജ്യങ്ങളും തമ്മിലുള്ള സൗഹൃദ ബന്ധം കൂടുതൽ ദൃഡപ്പെടുത്തുന്നതും ചർച്ചയുടെ ആദ്യത്തിൽ തന്നെ വിഷയങ്ങളായി. ഉപരോധം മൂലം മേഖലയിൽ ഉടലെടുത്ത പ്രതിസന്ധി ഏറെ ഗൗരവത്തിൽ ചർച്ച ചെയ്തു. ഉപരോധം ഗൾഫ്മേഖലയുടെ സുരക്ഷിതത്വത്തെ പ്രതികൂലമായി ബാധിച്ചിട്ടുണ്ട്. ചർച്ചയിലൂടെയും സംവാദത്തിലൂടെയും പ്രശ്നം പരിഹരിക്കണമെന്ന ഇറ്റലിയുടെ നിലപാട് സെനറ്റ് പ്രസിഡൻറ് ആവർത്തിച്ചു.
ഖത്തറിന് മേലുള്ള ഉപരോധം എത്രയും പെെട്ടന്ന് അവസാനിപ്പിക്കണം. മനുഷ്യാവകാശലംഘനങ്ങൾക്കും പെെട്ടന്ന് പരിഹാരം കാണണമെന്നും അവർ പറഞ്ഞു. ഇരുരാജ്യങ്ങൾക്കും ഇടയിൽ പരസ്പര താത്പര്യമുള്ള മറ്റ് വിഷയങ്ങളും ചർച്ച ചെയ്തു. തൊഴിൽ മേഖലയിൽ ഖത്തർ നടപ്പാക്കിയ വിവിധ നടപടികൾ തൊഴിലാളികൾക്ക് ഏെറ ഗുണകരമാണെന്ന് സെനറ്റ് പ്രസിഡൻറ് പറഞ്ഞു. തൊഴിലാളികളുടെ അവകാശങ്ങൾ അവർക്ക് കൃത്യമായി ലഭിക്കാനുള്ള ഖത്തറിെൻറ ഇത്തരത്തിലുള്ള നടപടികൾ അനുകരണീയമാണ്. ഗൾഫ്പ്രതിസന്ധി പരിഹരിക്കാനുള്ള കാര്യങ്ങളിലെ ഇറ്റലിയുടെ ഭാഗത്തുനിന്നുള്ള നല്ല നടപടികളെ അമീർ പ്രകീർത്തിച്ചു. ശൂറാകൗൺസിൽ സ്പീക്കർ അഹ്മദ് ബിൻ അബ്ദുല്ലാ ബിൻ സെയ്ദ് ആൽമഹ്മൂദും ചർച്ചയിൽ പെങ്കടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.