ദഹ്ലാൻ അൽ ഹമദ് വീണ്ടും ഏഷ്യൻ അത്ലറ്റിക്സ് അസോ. തലപ്പത്ത്
text_fieldsദോഹ: ഖത്തറിെൻറ ദഹ്ലാൻ അൽ ഹമദിനെ ഏഷ്യൻ അത്ലറ്റിക്സ് അസോസിയേഷെൻറ പ്രസിഡൻറാ യി വീണ്ടും തെരഞ്ഞെടുത്തു. ദോഹയിൽ സമാപിച്ച 23ാമത് ഏഷ്യൻ അത്ലറ്റിക്സ് കോൺഗ്രസിലാണ ് 2019–2023 കാലയളവിലേക്കായി ദഹ്ലാനെ വീണ്ടും ഐക്യകണ്ഠേന തെരഞ്ഞെടുത്തത്.
തന്നെ പിന്തുണക്കുകയും വിശ്വാസമർപ്പിക്കുകയും ചെയ്തതിന് 45 അംഗരാജ്യങ്ങൾക്ക് നന്ദി രേഖപ്പെടുത്തുകയാണെന്നും പുതിയ കാലയളവിൽ ഏഷ്യൻ അത്ലറ്റിക്സിെൻറ ശാക്തീകരണം ലക്ഷ്യം വെച്ച് പ്രവർത്തനം ഉൗർജിതമാക്കുമെന്നും അംഗങ്ങളായ എല്ലാ ഫെഡറേഷനുകളുമായും സഹകരിച്ച് ഏഷ്യൻ അസോസിയേഷെൻറ വളർച്ച സാധ്യമാക്കുമെന്നും തെരഞ്ഞെടുപ്പിന് ശേഷം ദഹ്ലാൻ പറഞ്ഞു.
അസോസിയേഷെൻറ ചരിത്രത്തിലാദ്യമായി നാല് വനിതാ അംഗങ്ങളും ഗവേണിംഗ് കൗൺസിലിലേക്ക് തെരഞ്ഞെടുക്കപ്പെട്ടിട്ടുണ്ട്. ഇന്ത്യയിൽ നിന്നാരും ഇത്തവണ ഗവേണിംഗ് കൗൺസിലിൽ ഉൾപ്പെട്ടിട്ടില്ല.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.