റുവൈസ്​ തുറമുഖം: സൗജന്യ ചരക്ക്​ സൂക്ഷിപ്പ്​ ദിവസങ്ങൾ കൂട്ടി

ദോഹ: റു​ൈവസ്​ തുറമുഖത്ത്​ കമ്പനികൾക്ക്​ സൗജന്യമായി ചരക്കുകൾ സൂക്ഷിക്കാനുള്ള ദിവസങ്ങൾ വർധിപ്പിച്ചു. ഏപ്രിൽ 14 മുതൽ ഇൗ സൗകര്യം ലഭിച്ചുതുടങ്ങിയതായി മവാനി ഖത്തർ പ്രഖ്യാപിച്ചു. മുമ്പുണ്ടായിരുന്ന സൗജന്യസൂക്ഷിപ്പ്​ ദിനങ്ങ ൾ നേരെ ഇരട്ടിയാവുകയാണ്​ പുതിയ ക്രമീകരണത്തിലൂടെ. വിവിധ കമ്പനികൾക്കും ഉപഭോക്​താക്കൾക്കും​ നിലവിൽ ഉണ്ടായിരുന ്ന സൗജന്യസൂക്ഷിപ്പ്​ ദിനങ്ങൾ ഇതോടെ ഇരട്ടിയാകും. ജനറൽ കാർഗോ ഷിപ്പ്​മ​െൻറുകൾക്ക്​ (കയറ്റുമതിയും ഇറക്കുമതിയും) ഇൗ സൗകര്യം ലഭിക്കും. ഇറക്കുമതി ചരക്കുകൾക്ക്​ നിലവിലുണ്ടായിരുന്ന മൂന്ന്​ ദിനങ്ങൾ എന്നത്​ ആറു ദിനങ്ങൾ ആകും. കയറ്റുമതി ചരക്കുകൾക്ക്​ ആറു ദിവസം എന്നത്​ പത്ത്​ ദിവസങ്ങളും ആകും.

ഇറക്കുമതി കണ്ടയ്​നറുകളുടെ സൗജന്യ സമയം മൂന്ന്​ ദിവസം എന്നത്​ അഞ്ചുദിവസമായാണ്​ വർധിക്കുക. കയറ്റുമതി കണ്ടയ്​നറുകളുടെ സൗജന്യസൂക്ഷിപ്പ്​ ദിനങ്ങൾ അഞ്ചുദിവസങ്ങൾ എന്നുള്ളത്​ ഏഴ്​ ദിവസങ്ങൾ ആയി വർധിക്കും. പുതിയ പദ്ധതി സ്വകാര്യമേഖലയെ കൂടുതൽ സഹായിക്കുന്നതി​​െൻറയും അതുവഴി രാജ്യത്തി​​െൻറ വികസന പ്രവൃത്തികൾ കൂടുതൽ ശക്​തി​െപ്പട​ുത്തുന്നതി​േൻറയും ഭാഗമാണ്​.രാജ്യത്തി​​െൻറ വടക്കൻ പ്രവേശന മുഖം എന്ന അർഥത്തിൽ അതിപ്രധാന​െപ്പട്ടതാണ്​ റുവൈസ്​ തുറമുഖം. ഖത്തറി​​െൻറ വർധിച്ചുവരുന്ന ഭക്ഷ്യ ആവശ്യങ്ങൾ നിറവേറ്റാനുള്ള പ്രധാന മാർഗമാണ്​ ഇൗ തുറമുഖം. ഉപഭോക്​താക്കൾക്കും ഇടപാടുകാർക്കും കൂടുതൽ ഇൻസൻറീവുകൾ നൽകുക എന്ന ആശയം കൂടിയാണ്​ പുതിയ സൗജന്യ ചരക്ക്​ സൂക്ഷിപ്പ്​ സൗകര്യങ്ങൾ നൽകുന്നതിലൂടെ ചെയ്യുന്നതെന്ന്​ അധികൃതർ പറയുന്നു.

റു​ൈവസ്​ തുറമുഖത്തി​​െൻറ രണ്ടാംഘട്ടത്തി​​െൻറ പ്രവർത്തനത്തി​​െൻറ ഭാഗമായാണ്​ സൗജന്യസൂക്ഷിപ്പ്​ ദിവസങ്ങൾ കൂട്ടിനൽകുന്നത്​. ഇതി​​െൻറ ഭാഗമായി തുറമുഖത്ത്​ 160,000 സ്​ക്വയർ മീറ്റർ കൂടുതൽ സൂക്ഷിപ്പ്​ സ്​ഥലമാണ്​ പുതുതായി കൂട്ടിച്ചേർക്ക​െപ്പട്ടത്​. ഗതാഗത വാർത്താവിനിമയ മന്ത്രാലയത്തി​​െൻറ പുതിയ നയങ്ങളുടെ ഭാഗമായാണ്​ തുറമുഖം കൂടുതൽ സൗകര്യങ്ങൾ കമ്പനികൾക്കായി നൽകുന്നത്​. രാജ്യത്തി​​െൻറ വിവിധ ഭാഗങ്ങളിലേക്ക്​ അവശ്യസാധനങ്ങൾ പ്രത്യേകിച്ചും ഭക്ഷ്യസാധനങ്ങൾ സുഗമമായി എത്തിക്കാനുള്ള വഴികളാണ്​ റു​ൈവസ്​ തുറമുഖത്തി​​െൻറ പരിഷ്​കാരങ്ങളു​െട ഭാഗമായി ഉണ്ടാകാൻ പോകുന്നത്​. പ്രത്യേകിച്ചും രാജ്യത്തി​​െൻറ വടക്കൻ മേഖലകളിൽ ഭക്ഷ്യവസ്​തുക്കൾ കൂടുതൽ സുലഭമായി ലഭിക്കാൻ ഇത്​ ഇടയാക്കും.

ഭക്ഷ്യവസ്​തുക്കൾ മാത്രമല്ല മറ്റ്​ വിവിധ തരത്തിലുള്ള ചരക്കുകളുടെ നീക്കത്തിലും വരവിലും റു​ൈവസ്​ തുറമുഖം മികച്ച പുരോഗതിയാണ്​ കൈവരിച്ചുകൊണ്ടിരിക്കുന്നത്​. 2018ൽ 2,848 ചെറുതും വലുതുമായ കപ്പലുകൾ ആണ്​ തുറമുഖത്ത്​ എത്തിയത്​. 2017നേക്കാൾ ഇക്കാര്യത്തിൽ 35 ശതമാനത്തി​​െൻറ വർധനവാണ്​ ഉണ്ടായിരിക്കുന്നത്​. ജനറൽ കാർഗോ ഇനത്തിൽ 119,774 എണ്ണമാണ്​ കൈകാര്യം ചെയ്​തത്​. 2017നേക്കാൾ 30ശതമാനം വർധനവ്​​. 548,967 കന്നുകാലികളെയും 2018ൽ തുറമുഖം വഴി രാജ്യത്ത്​ എത്തിച്ചു. ഇക്കാര്യത്തിൽ 2017നേക്കാൾ 118 ശതമാനം ആണ്​ വർധനവ്​. തുറമുഖത്തി​​െൻറ മൂന്നാംഘട്ട വികസനപ്രവൃത്തികൾ നിർമാണഘട്ടത്തിലാണ്​. 2020ൽ ഇത്​ പൂർത്തീകരിക്കപ്പെടും. ഇതോടെ പത്ത്​ മീറ്ററിൽ തന്നെ വലിയ കപ്പലുകളെ സ്വീകരിക്കാനുള്ള ശേഷിയാണ്​ തുറമുഖത്തിന്​ കൈവരാൻ പോകുന്നത്​.