ലോ​ക​ത്തെ മി​ക​ച്ച പ​ത്ത് വി​മാ​ന​ത്താ​വ​ള​ങ്ങളിൽ ഹമദ്​

ദോ​ഹ: 2019 സ്കൈ​ട്രാ​ക്സ് വേ​ള്‍ഡ് എ​യ​ര്‍പോ​ര്‍ട്ട് അ​വാ​ര്‍ഡ്സി​ൽ ഹ​മ​ദി​ന് വീണ്ടും കുതിപ്പ്​. ലോ​ക​ത്തെ മി ​ക​ച്ച പ​ത്ത് വി​മാ​ന​ത്താ​വ​ള​ങ്ങ​ളി​ല്‍ ഹ​മ​ദ് രാ​ജ്യാ​ന്ത​ര വി​മാ​ന​ത്താ​വ​ള​ത്തി​ന്(​എ​ച്ച്ഐ​എ) ആ​റാം സ്ഥാ​നമാണ്​. ക​ഴി​ഞ്ഞ വ​ര്‍ഷ​ത്തെ അ​ഞ്ചാം സ്ഥാ​ന​ത്തി​ല്‍ നി​ന്നാ​ണ് ഒ​രു സ്ഥാ​നം മെ​ച്ച​പ്പെ​ടു​ത്തിയത്. പ ്ര​തി​വ​ര്‍ഷം 30 മി​ല്യ​ണി​ല​ധി​കം യാ​ത്ര​ക്കാ​രെ ഉ​ള്‍ക്കൊ​ള്ളാ​നു​ള്ള സൗ​ക​ര്യ​മു​ണ്ട്. പ്ര​വ​ര്‍ത്ത​നം ആ​രം​ഭി​ച്ച് കു​റ​ഞ്ഞ വ​ര്‍ഷ​ങ്ങ​ള്‍ക്കു​ള്ളി​ല്‍ത​ന്നെ ലോ​ക​ത്തി​ലെ മി​ക​ച്ച വി​മാ​ന​ത്താ​വ​ള​ങ്ങ​ളു​ടെ പ​ട്ടി​ക​യി​ല്‍ ഇ​ടം​നേ​ടാ​നാ​യ​ത് ഹ​മ​ദി​നെ സം​ബ​ന്ധി​ച്ചി​ട​ത്തോ​ളം അ​ഭി​മാ​ന​ക​ര​മാ​യ മു​ഹൂ​ര്‍ത്ത​മാ​ണ്. ഈ ​വ​ര്‍ഷം ആ​ദ്യ​ത്തി​ല്‍ എ​ച്ച്ഐ​എ​യു​ടെ വി​പു​ലീ​ക​ര​ണ​പ​ദ്ധ​തി​യു​ടെ ര​ണ്ടാം​ഘ​ട്ട​ത്തി​നു തു​ട​ക്കം​കു​റി​ച്ചി​ട്ടു​ണ്ട്. 2022 ആ​കു​മ്പോ​ഴേ​ക്കും പ്ര​തി​വ​ര്‍ഷം 53 മി​ല്യ​ണ്‍ യാ​ത്ര​ക്കാ​രെ ഉ​ള്‍ക്കൊ​ള്ളാ​ന്‍ ക​ഴി​യു​ന്ന വി​ധ​ത്തി​ലേ​ക്ക് വി​മാ​ന​ത്താ​വ​ള​ത്തി​​​െൻറ ശേ​ഷി ഉ​യ​ര്‍ത്തു​ക​യാ​ണ് ല​ക്ഷ്യം.

കാ​ര്‍ഗോ ശേ​ഷി പ്ര​തി​വ​ര്‍ഷം മൂ​ന്നു മി​ല്യ​ണ്‍ ട​ണ്ണി​ലേ​ക്ക് ഉ​യ​ര്‍ത്തും. തു​ട​ര്‍ച്ച​യാ​യ അ​ഞ്ചാം വ​ര്‍ഷ​വും പ​ശ്ചി​മേ​ഷ്യ​യി​ലെ ഏ​റ്റ​വും മി​ക​ച്ച വി​മാ​ന​ത്താ​വ​ള​മാ​യും ഹ​മ​ദി​നെ തെ​ര​ഞ്ഞെ​ടു​ത്തു. ല​ണ്ട​നി​ല്‍ ന​ട​ന്ന പാ​സ​ഞ്ച​ര്‍ ടെ​ര്‍മി​ന​ല്‍ എ​ക്സ്പോ 2019നോ​ട് അ​നു​ബ​ന്ധി​ച്ചാ​യി​രു​ന്നു സ്കൈ​ട്രാ​ക്സ് പു​ര​സ്കാ​ര​പ്ര​ഖ്യാ​പ​നം. പ​ഞ്ച​ന​ക്ഷ​ത്ര പ​ദ​വി​ക്കും ഹമദ്​ അ​ര്‍ഹ​മാ​യി. മി​ക​ച്ച ഗു​ണ​നി​ല​വാ​ര പ്ര​ക​ട​ന​ത്തി​​​െൻറ അ​ടി​സ്ഥാ​ന​ത്തി​ലാ​ണ് പ​ഞ്ച​ന​ക്ഷ​ത്ര പ​ദ​വി ല​ഭി​ക്കു​ന്ന​ത്. ഉ​ന്ന​ത ഗു​ണ​നി​ല​വാ​ര​ത്തി​ലു​ള്ള സൗ​ക​ര്യ​ങ്ങ​ളും സേ​വ​ന​ങ്ങ​ളും യാ​ത്ര​ക്കാ​ര്‍ക്ക് ന​ല്‍കു​ന്ന വി​മാ​ന​ത്താ​വ​ള​ങ്ങ​ള്‍ക്കാ​ണ് ഈ ​പ​ദ​വി ല​ഭി​ക്കു​ന്ന​ത്. ആ​ഗ​മ​നം, നി​ര്‍ഗ​മ​നം, ട്രാ​ന്‍സി​റ്റ് എ​ന്നി​വ​യും വി​മാ​ന​ത്താ​വ​ള​ത്തി​ലെ സൗ​ക​ര്യ​ങ്ങ​ള്‍, ഉ​പ​ഭോ​ക്തൃ സേ​വ​നം, സു​ര​ക്ഷ, ഇ​മി​ഗ്രേ​ഷ​ന്‍, വാ​ണി​ജ്യ സ്ഥാ​പ​ന​ങ്ങ​ള്‍, ഭ​ക്ഷ്യ, ശീ​ത​ള പാ​നീ​യ സൗ​ക​ര്യ​ങ്ങ​ള്‍ എ​ന്നി​വ​യു​ടെ​യെ​ല്ലാം കാ​ര്യ​ത്തി​ല്‍ മി​ക​ച്ച റാ​ങ്കി​ങ് സ്വ​ന്ത​മാ​ക്കാ​ന്‍ ഹ​മ​ദി​നാ​യി​ട്ടു​ണ്ട്.

ലോ​ക​ത്തെ മി​ക​ച്ച വി​മാ​ന​ത്താ​വ​ള​ങ്ങ​ളു​ടെ പ​ട്ടി​ക​യി​ല്‍ 2014ലെ 75ാം ​സ്ഥാ​ന​ത്തു​നി​ന്നാ​ണ് ആ​ദ്യ നാ​ലി​ലേ​ക്ക് ഹ​മ​ദ് ഇ​ടം​പി​ടി​ച്ച​ത്. 2015ല്‍ 22ാം ​സ്ഥാ​ന​വും 2016ല്‍ ​പ​ത്താം സ്ഥാ​ന​വു​മാ​യി​രു​ന്നു. 2017ല്‍ ​ആ​റാം​സ്ഥാ​ന​ത്താ​യി​രു​ന്നു. ലോ​ക​ത്തി​ലെ മു​ന്‍നി​ര വ്യോ​മ​യാ​ന കേ​ന്ദ്ര​മാ​യി ഹ​മ​ദ് മാ​റു​ക​യാ​ണ്. നി​ര​വ​ധി രാ​ജ്യാ​ന്ത​ര പു​ര​സ്കാ​ര​ങ്ങ​ള്‍ ഹ​മ​ദ് രാ​ജ്യാ​ന്ത​ര​വി​മാ​ന​ത്താ​വ​ളം ഇ​തി​ന​കം സ്വ​ന്ത​മാ​ക്കി​യി​ട്ടു​ണ്ട്. ഇ​ത്ത​വ​ണ കൂ​ടു​ത​ല്‍ മി​ക​ച്ച പ്ര​ക​ട​നം കാ​ഴ്ച​വെ​യ്ക്കാ​നാ​യി. മി​ഡി​ല്‍ഈ​സ്റ്റി​ലെ മി​ക​ച്ച സ്്റ്റാ​ഫ് സ​ര്‍വീ​സി​നു​ള്ള(​ജീ​വ​ന​ക്കാ​രു​ടെ സേ​വ​നം) പു​ര​സ്കാ​രം തു​ട​ര്‍ച്ച​യാ​യ നാ​ലാം​ത​വ​ണ​യും എ​ച്ച്ഐ​എ സ്വ​ന്ത​മാ​ക്കി. നൂ​ത​ന​മാ​യ സൗ​ക​ര്യ​ങ്ങ​ള്‍ക്കും പ​ഞ്ച​ന​ക്ഷ​ത്ര ഉ​പ​ഭോ​ക്തൃ സേ​വ​ന​ങ്ങ​ള്‍ക്കും അ​ത്യാ​ധു​നി​ക​സൗ​ക​ര്യ​ങ്ങ​ളോ​ടെ​യു​ള്ള ടെ​ര്‍മി​ന​ലി​നും ല​ഭി​ച്ച അം​ഗീ​കാ​ര​മാ​ണി​ത്.