ആ​ള്‍മാ​റാ​ട്ട​ം തടയും; ബ​യോ​മെ​ട്രി​ക് തി​രി​ച്ച​റി​യ​ല്‍ നി​യ​മ​ത്തി​ന് അം​ഗീ​കാ​രം

ദോ​ഹ: ബ​യോ​മെ​ട്രി​ക് വി​വ​ര​ശേ​ഖ​രം ഉ​പ​യോ​ഗ​പ്പെ​ടു​ത്തു​ന്ന​തി​നുള്ള ബ​യോ​മെ​ട്രി​ക് സി​ഗ്​നേ​ച്ച​ര്‍ കരട്​ നി​യ​മ​ത്തി​ന് മ​ന്ത്രി​സ​ഭ അം​ഗീ​കാ​രം ന​ല്‍കി. പ്ര​ധാ​ന​മ​ന്ത്രി ശൈഖ്​ അ​ബ്ദു​ല്ല ബി​ന്‍ നാ​സ​ര്‍ ബി​ന്‍ ഖ​ലീ​ഫ ആൽഥാനി​യു​ടെ അ​ധ്യ​ക്ഷ​ത​യി​ല്‍ അ​മീ​രി​ദീ​വാ​നി​ല്‍ മ​ന്ത്രി​സ​ഭാ യോ​ഗ​മാ​ണ് ക​ര​ടു​നി​യ​മ​ത്തി​ന് അം​ഗീ​കാ​രം ന​ല്‍കി​യ​ത്. ശൂ​റ കൗ​ണ്‍സി​ലി​​​െൻറ പ​രി​ഗ​ണ​ന​ക്ക്​ നി​യ​മം കൈ​മാ​റി. ആ​ള്‍മാ​റാ​ട്ട​ങ്ങ​ള്‍ ത​ട​യു​ക, സം​ശ​യാ​തീ​ത​മാ​യി വ്യ​ക്തി​ക​ളെ തി​രി​ച്ച​റി​യു​ക എന്നതാണ്​ നിയമത്തി​​െൻറ ലക്ഷ്യം. ഖ​ത്ത​റി​ലേ​ക്കു​ള്ള അ​ന​ധി​കൃ​ത കു​ടി​യേ​റ്റം ഇതിലൂടെ ത​ട​യു​ം. ​വി​പു​ല​മാ​യ ബ​യോ​മെ​ട്രി​ക് വി​വ​ര​ശേ​ഖ​ര​ണ​ത്തി​ന് അ​ധി​കൃ​ത​ര്‍ക്ക് അ​നു​മ​തി ന​ല്‍കു​ന്നതാണ്​ പു​തി​യ നി​യ​മം. ആ​ധു​നി​ക ശാ​സ്ത്ര, സാ​ങ്കേ​തി​ക വി​ദ്യ​ക​ളു​ടെ സ​ഹാ​യ​ത്തോ​ടെ ശ​ബ്ദം, കൃ​ഷ്ണ​മ​ണി, മു​ഖം, വി​ര​ല​ട​യാ​ളം, കൈ​പ്പ​ത്തി​ക​ള്‍, പ​ല്ലു​ക​ള്‍ എ​ന്നി​വ​യു​ടെ പ്ര​ത്യേ​ക​ത​ക​ളാ​ണ് ശേ​ഖ​രി​ക്കു​ക.

ആ​വ​ശ്യ​മെ​ങ്കി​ല്‍ ഇ​തി​ലേ​റെ ബ​യോ​മെ​ട്രി​ക് വി​വ​ര​ങ്ങ​ളും വ്യ​ക്തി​ക​ളി​ല്‍ നി​ന്ന്​ ശേ​ഖ​രി​ക്കാ​ന്‍ ക​ര​ടു​നി​യ​മം അ​ധി​കൃ​ത​ര്‍ക്ക് അ​നു​വാ​ദം ന​ല്‍കു​ന്നു​ണ്ട്. പാ​സ്പോ​ര്‍ട്ടു​ക​ള്‍ സം​ബ​ന്ധി​ച്ച 1993ലെ 14ാം ​ന​മ്പ​ര്‍ മ​ന്ത്രാ​ല​യ ഉ​ത്ത​ര​വി​ലെ ഏ​താ​നും വ്യ​വ​സ്ഥ​ക​ളു​ടെ ഭേ​ദ​ഗ​തി​യും ല​ഹ​രി വി​രു​ദ്ധ പോ​രാ​ട്ട ദേ​ശീ​യ സ​മി​തി സം​ബ​ന്ധി​ച്ച 2017ലെ 40ാം ​ന​മ്പ​ര്‍ നി​യ​മ​ത്തി​ലെ ഭേ​ദ​ഗ​തി​ക​ളും മ​ന്ത്രി​സ​ഭ അം​ഗീ​ക​രി​ച്ചു. ഇ​വ​യും ശൂ​റ​ാകൗൺസിലി​​െൻറ പ​രി​ഗ​ണ​ന​ക്ക്​ കൈ​മാ​റി. ഖ​ത്ത​റി​ലേ​ക്കു​ള്ള എ​ല്ലാ​വി​ധ ല​ഹ​രി​ക്ക​ട​ത്തും ത​ട​യാ​നും ഇ​തി​നാ​യി ആ​ഭ്യ​ന്ത​ര​മ​ന്ത്രാ​ല​യ​ത്തി​​​െൻറ നേ​തൃ​ത്വ​ത്തി​ല്‍ ആ​വ​ശ്യ​മാ​യ ന​യന​ട​പ​ടി​ക​ള്‍ സ്വീ​ക​രി​ക്കാ​നും പൊ​തു​ജ​നാ​രോ​ഗ്യ മ​ന്ത്രാ​ല​യ​വു​മാ​യി സ​ഹ​ക​രി​ച്ച് ല​ഹ​രി​ക്ക​ടി​മ​ക​ളാ​യ​വ​രു​ടെ ചി​കി​ല്‍സ​യും പു​ന​ര​ധി​വാ​സ​വും ഉ​റ​പ്പാ​ക്കു​ന്ന​തി​നു​മാ​ണ് 2017ലെ 40ാം ​ന​മ്പ​ര്‍ നി​യ​മ​ത്തി​ല്‍ ഭേ​ദ​ഗ​തി കൊ​ണ്ടു​വ​ന്ന​ത്. 2020, 21, 22, 23 വി​ദ്യാ​ഭ്യാ​സ വ​ര്‍ഷ​ങ്ങ​ളി​ലെ സ്കൂ​ള്‍ അ​വ​ധി​ദി​ന​ങ്ങ​ള്‍ സം​ബ​ന്ധി​ച്ച് വി​ദ്യാ​ഭ്യാ​സ ഉ​ന്ന​ത​വി​ദ്യാ​ഭ്യാ​സ മ​ന്ത്രാ​ല​യം സ​മ​ര്‍പ്പി​ച്ച നി​ര്‍ദേ​ശ​ത്തി​നും മ​ന്ത്രി​സ​ഭ അം​ഗീ​കാ​രം ന​ല്‍കിയിട്ടുണ്ട്​.