സെക്കൻറ്​ ഷിഫ്​റ്റ്​: ഇന്ത്യൻ സ്​കൂളുകൾ പ്രവേശന നടപടികൾ നിർത്തിവെച്ചു

ദോ​ഹ: സെക്കൻറ്​ ഷിഫ്​റ്റ്​ തുടങ്ങാൻ അനുമതി ലഭിച്ച ഇന്ത്യൻ സ്​കൂളുകൾ പ്രവേശന നടപടികൾ തൽക്കാലം നിർത്തിവെച്ചു. വി​ദ്യാ​ഭ്യാ​സ ഉന്നത വിദ്യാഭ്യാസ മ​ന്ത്രാ​ല​യ​ത്തി​ല്‍നി​ന്ന്​ തുടർതീരുമാനങ്ങളും സ്ഥി​രീ​ക​ര​ണവും ല​ഭി​ക ്കു​ന്ന​തു​വ​രെയാണ്​ ഇതെന്ന്​ സ്​കൂൾ അധികൃതർ പറയുന്നു. എം​ഇ​എ​സ്, ഐ​ഡി​യ​ല്‍ തുടങ്ങിയ ഇ​ന്ത്യ​ന്‍ സ്കൂ​ളു​ക​ളി​ലെ സാ​യാ​ഹ്​ന ഷി​ഫ്റ്റിലേക്കുള്ള നടപടികൾ ആണ്​ നി​ര്‍ത്തി​വെ​ച്ചത്​. ര​ണ്ടാം ഷി​ഫ്റ്റി​ലേ​ക്കു​ള്ള പ്ര​വേ​ശ​നം റ​ദ്ദാ​ക്കാ​ന്‍ മ​ന്ത്രാ​ല​യ​ത്തി​ല്‍നി​ന്ന്​ നി​ര്‍ദേ​ശം ല​ഭി​ച്ച​താ​യും ഇ​തു​മാ​യി ബ​ന്ധ​പ്പെ​ട്ട് വി​ദ്യാ​ഭ്യാ​സ​മ​ന്ത്രാ​ല​യ​ത്തി​ല്‍ നി​ന്നു​ള്ള കൂ​ടു​ത​ല്‍ നി​ര്‍ദേ​ശ​ങ്ങ​ള്‍ക്കാ​യി ര​ക്ഷി​താ​ക്ക​ള്‍ കാ​ത്തി​രി​ക്ക​ണ​മെ​ന്നും എം​ഇ​എ​സ് ഇ​ന്ത്യ​ന്‍ സ്കൂ​ള്‍ അ​റി​യി​ച്ചു. സാ​യാ​ഹ്ന ബാ​ച്ചി​ലേ​ക്കു​ള്ള ര​ജി​സ്ട്രേ​ഷ​ന്‍ പ്ര​വേ​ശ​ന പ​രീ​ക്ഷ​ക​ള്‍ റ​ദ്ദാ​ക്കി​യ​താ​യി ഐ​ഡി​യ​ല്‍ ഇ​ന്ത്യ​ന്‍ സ്കൂ​ള്‍ അ​ധി​കൃ​ത​ര്‍ വാ​ര്‍ത്താ​ക്കു​റി​പ്പി​ല്‍ വ്യ​ക്ത​മാ​ക്കി.

സ്കൂ​ളി​ലെ സാ​യാ​ഹ്ന ബാ​ച്ചി​ലേ​ക്കു​ള്ള പ്ര​വേ​ശ​നം ഫെ​ബ്രു​വ​രി 18 മു​ത​ല്‍ തു​ട​ങ്ങി​യി​രു​ന്നു. ഒ​ന്നു​മു​ത​ല്‍ ഒമ്പതു​വ​രെ ക്ലാ​സു​ക​ളി​ലേ​ക്ക് പ്ര​വേ​ശ​ന പ​രീ​ക്ഷ ന​ട​ത്തു​മെ​ന്ന് നേ​ര​ത്തെ അ​റി​യി​ച്ചി​രു​ന്നു. ഇ​താ​ണി​പ്പോ​ള്‍ റ​ദ്ദാ​ക്കി​യി​രി​ക്കു​ന്ന​ത്. ഇ​ന്ത്യ​ന്‍ സ്കൂ​ളു​ക​ളി​ലു​ള്‍പ്പ​ടെ സീറ്റുകൾ ലഭിക്കാതെ നിരവധി കുട്ടികൾ പുറത്തുനിൽക്കേണ്ട അവസ്​ഥയുള്ളതിനാലാണ്​ നാല്​ ഇന്ത്യൻ സ്​കൂളുകളിലടക്കം സെക്കൻറ്​ ബാച്ചു കൂടി ആരംഭിക്കാൻ വി​ദ്യാ​ഭ്യാ​സ​മ​ന്ത്രാ​ല​യം നേ​ര​ത്തെ അ​നു​മ​തി ന​ല്‍കി​യത്​. നി​ല​വി​ല്‍ സ്ക​ൂളു​ക​ളി​ല്‍ പ​ഠ​നം ന​ട​ത്തു​ന്ന വി​ദ്യാ​ര്‍ഥി​ക​ളു​ടെ ചില ര​ക്ഷി​താ​ക്കൾ ര​ണ്ടാം ഷി​ഫ്റ്റി​നെ​തി​രെ എ​തി​ര്‍പ്പ് പ്ര​ക​ടി​പ്പി​ച്ചി​രു​ന്നു. ഇക്കാര്യങ്ങൾ പറഞ്ഞ്​ വി​ദ്യാ​ഭ്യാ​സ​മ​ന്ത്രാ​ല​യത്തെ ചില ര​ക്ഷി​താ​ക്ക​ള്‍ സ​മീ​പി​ക്കു​ന്ന സ്ഥി​തി​യു​മു​ണ്ടാ​യി. അതേ സമയം സെക്കൻറ്​ ഷിഫ്​റ്റുമായി ബന്ധപ്പെട്ട കൂടുതൽ കാര്യങ്ങൾ വിദ്യാഭ്യാസമന്ത്രാലയം പരിശോധിച്ചുവരികയാണ്​. സായാഹ്​ന ബാച്ച്​ തുടങ്ങു​േമ്പാഴുള്ള വിവിധ ഘടകങ്ങളും പരിശോധിക്കുന്നുണ്ട്​. കുട്ടികൾക്ക്​ ആവശ്യത്തിന്​ സീറ്റ്​ ലഭിക്കുന്നതിനാണ്​ പ്രഥമ പരിഗണന നൽകുന്നത്​. എന്നാൽ ഫീസ്​ കുറഞ്ഞ സ്​കൂളുകളിലേക്ക്​ വിദ്യാർഥികൾ മാറുന്നതടക്കമുള്ള കാര്യങ്ങളും തുടർപരിശോധനയിൽ പരിഗണിക്കുന്നുണ്ട്​ എന്നാണ്​ അറിയുന്നത്​.