ഖത്തർ കരുത്തിൽ ലോകകപ്പ്​ നിയന്ത്രിക്കാൻ വനിതാ റ​ഫ​റി​മാർ

ദോ​ഹ: ഖത്തർ നൽകിയ കരുത്തിൽ ലോകകപ്പ്​ വനിതാഫുട്​ബാൾ നിയന്ത്രിക്കാൻ വനിതാറഫറിമാർ. ജൂ​ണ്‍ ഏ​ഴു മു​ത​ല്‍ ജൂ​ലൈ ഏ​ഴു വ​രെ ഫ്രാ​ന്‍സി​ല്‍ ആണ്​ ഫി​ഫ വ​നി​താ ലോ​ക​ക​പ്പ്​ നടക്കുന്നത്​. ഇതിന്​ മു​ന്നോ​ടി​യാ​യുള്ള മ​ത്സ​ര​ങ് ങ​ള്‍ നി​യ​ന്ത്രി​ക്കു​ന്ന വ​നി​താ റ​ഫ​റി​മാ​രു​ടെ മെ​ഡി​ക്ക​ല്‍ സ്ക്രീ​നി​ങ് സെ​ഷ​ന്‍ ആസ്​പെയറി​​െൻറ കീഴിലുള്ള കായിക ആശുപത്രിയായ ആ​സ്പെ​റ്റ​റി​ല്‍ കഴിഞ്ഞ ദിവസം പൂ​ര്‍ത്തി​യാ​യി. അ​മേ​രി​ക്ക, കാ​ന​ഡ, മെ​ക്സി​ക്കോ, ഫ്രാ​ന്‍സ്, ജ​ര്‍മ്മ​നി, ഉ​ക്രെ​യ്ന്‍, ചൈ​ന, ജ​പ്പാ​ന്‍, കൊ​റി​യ, ഓ​സ്ട്രേ​ലി​യ, ന്യൂ​സി​ല​ന്‍ഡ്, എ​ത്യോ​പ്യ, കെ​നി​യ, റു​വാ​ണ്ട രാ​ജ്യ​ങ്ങ​ളി​ല്‍ നി​ന്നു​ള്ള റ​ഫ​റി​മാ​രാ​യിരുന്നു ഇത്​. ഫി​റ്റ്ന​സ് ലെ​വ​ല്‍, സാ​ങ്കേ​തി​ക ശേ​ഷി, ഫു​ട്ബോ​ളി​നെ​ക്കു​റി​ച്ചു​ള്ള മ​ന​സി​ലാ​ക്ക​ല്‍ എ​ന്നി​വ​യെ​ല്ലാം അ​ടി​സ്ഥാ​ന​പ്പെ​ടു​ത്തി​യാ​ണ് ലോ​ക​ക​പ്പ് മ​ത്സ​ര​ങ്ങ​ള്‍ നി​യ​ന്ത്രി​ക്കു​ന്ന​തി​നുള്ള റ​ഫ​റി​മാ​രെ തെ​ര​ഞ്ഞെ​ടു​ക്കു​ന്ന​ത്.

അ​തിനാൽ ആ​സ്പെ​റ്റ​റി​ലെ ആ​രോ​ഗ്യ​പരിശോധന അ​നി​വാ​ര്യ​മാ​ണ്. നാ​ലു മ​ണി​ക്കൂ​ര്‍ ദൈ​ര്‍ഘ്യ​മു​ള്ള സ​മ​ഗ്ര​മാ​യ പ​രി​ശോ​ധ​നയാണിത്​. ഫി​ഫ സെ​മി​നാ​റു​ക​ളി​ല്‍ പ​ങ്കെ​ടു​ക്കു​ന്ന​തി​നാ​യാ​ണ് റ​ഫ​റി​മാ​ര്‍ ദോ​ഹ​യി​ലെ​ത്തി​യ​ത്. രാ​ജ്യാ​ന്ത​ര പ്ര​ശ​സ്ത​നാ​യ മു​ന്‍ റ​ഫ​റി​യും ഫി​ഫ റ​ഫ​റീ​സ് ക​മ്മി​റ്റി ചെ​യ​ര്‍മാ​നു​മാ​യ പീ​യ​ര്‍ല്യൂ​ജി കോ​ളീ​ന ഇ​വ​ര്‍ക്കൊ​പ്പം ആ​സ്പെ​റ്റ​റി​ലു​ണ്ടാ​യി​രു​ന്നു. ഹൃദയപരിശോധന, വി​ശ​ദ​മാ​യ മെ​ഡി​ക്ക​ല്‍ ഇ​ന്‍ജ്വ​റി ചോ​ദ്യാ​വ​ലി, ല​ബോ​റ​ട്ട​റി പ​രി​ശോ​ധ​ന​ക​ള്‍, പ​ല്ലു​ക​ളി​ലെ പ​രി​ശോ​ധ​ന​യും വി​ല​യി​രു​ത്ത​ലും, ബ​യോ​ഡെ​ക്സ് മ​സി​ല്‍ വി​ല​യി​രു​ത്ത​ല്‍, ഫി​സി​യോ​തെ​റാ​പ്പി ഫ​ംഗ്​ഷന​ല്‍ അ​സ​സ്മെ​ൻറ്​, സ്പി​റോ​മെ​ട്രി, കാ​ഴ്ചാ കൃ​ത്യ​താ വി​ല​യി​രു​ത്ത​ല്‍, പൊ​തു​വാ​യ ആ​രോ​ഗ്യ മാം​സ​പേ​ശി​ക​ളു​ടെ​യും അ​സ്ഥി​ക​ളു​ടെ​യും പ​രി​ശോ​ധ​ന തു​ട​ങ്ങിയ വി​വി​ധ ഘ​ട്ട​ങ്ങ​ളായിരുന്നു ഉണ്ടായിരുന്നത്​. 27 റ​ഫ​റി​മാ​രും 48 അ​സി​സ്​റ്റൻറ്​ റ​ഫ​റി​മാ​രും ഉ​ള്‍പ്പ​ടെ 75പേ​ര്‍ പ​ങ്കെ​ടു​ത്തു.