അഞ്ചുവർഷം, 45 ബി​ല്യ​ണ്‍ റി​യാ​ൽ പദ്ധതികളുമായി അശ്​ഗാൽ

ദോ​ഹ: അ​ടു​ത്ത അ​ഞ്ചു​വ​ര്‍ഷ​ത്തി​നു​ള്ളി​ല്‍ 45 ബി​ല്യ​ണ്‍ റി​യാ​ലി​​​​െൻറ വിവിധ പ​ദ്ധ​തി​ക​ള്‍ ന​ട​പ്പാ​ക്കു​മെ​ന്ന് പൊ​തു​മ​രാ​മ​ത്ത് അ​തോ​റി​റ്റി(​അ​ശ്ഗാ​ല്‍). ഹൈ​വേ​ക​ള്‍, റോ​ഡു​ക​ള്‍, ഡ്രെ​യി​നേ​ജു​ക​ള്‍ എ​ന്നി​വ​യെ​ല്ലാം പ​ദ്ധ​തി​യി​ലു​ള്‍പ്പെ​ടും. ഏറ്റെടുത്ത പദ്ധതികളാക​െട്ട വൻവേഗത്തിലാണ്​ ലക്ഷ്യത്തിലെത്തിയത്​. ല​ക്ഷ്യ​മി​ട്ട 550 കി​ലോ​മീ​റ്റ​ര്‍ ഹൈ​വേ​യി​ല്‍ 400 കി​ലോ​മീ​റ്റ​റും പൂ​ര്‍ത്തീ​ക​രി​ച്ചു. 130 പ്ര​ധാ​ന ഇ​ൻറര്‍സെ​ക്ഷ​നു​ക​ളി​ല്‍ 85 എ​ണ്ണ​വും പൂ​ര്‍ത്തീ​ക​രി​ച്ചു. 100 പാ​ല​ങ്ങ​ളും ട​ണ​ലു​ക​ളും ന​ട​പ്പാ​ക്കി. ല​ക്ഷ്യ​മി​ട്ട 600 കി​ലോ​മീ​റ്റ​ര്‍ കാ​ല്‍ന​ട​പ്പാ​ല​ങ്ങ​ളി​ല്‍ 245 കി​ലോ​മീ​റ്റ​റും പൂ​ര്‍ത്തീ​ക​രി​ച്ചു. അ​ത്ര​ത​ന്നെ സൈ​ക്കി​ള്‍പാ​ത​ക​ളും നി​ര്‍മി​ച്ചു. അ​വ​ശേ​ഷി​ക്കു​ന്ന ഹൈ​വേ പ​ദ്ധ​തി​ക​ള്‍ക്കാ​യി 18 ബി​ല്യ​ണ്‍ റി​യാ​ല്‍ അ​നു​വ​ദി​ച്ചി​ട്ടു​ണ്ട്. ഇ​വ അ​ടു​ത്ത ര​ണ്ടു​വ​ര്‍ഷ​ത്തി​നു​ള്ളി​ല്‍ പൂ​ര്‍ത്തി​യാ​ക്കും. ദോ​ഹ​യി​ലും മ​റ്റു മേ​ഖ​ല​ക​ളി​ലും നി​ര​വ​ധി പ്രാ​ദേ​ശി​ക പ​ദ്ധ​തി​ക​ളും ന​ട​പ്പാ​ക്കി.

6700കി​ലോ​മീ​റ്റ​ര്‍ റോ​ഡ്, 3400കി​ലോ​മീ​റ്റ​ര്‍ സ്വി​വ​റേ​ജ് നെ​റ്റ്വ​ര്‍ക്ക് പൂ​ര്‍ത്തി​യാ​ക്കി. അ​ടു​ത്ത മൂ​ന്നു വ​ര്‍ഷ​ത്തി​നു​ള്ളി​ല്‍ പു​തി​യ കെ​ട്ടി​ട​ങ്ങ​ള്‍ക്കും പ​ദ്ധ​തി​ക​ള്‍ക്കു​മാ​യി ഏ​ഴു ബി​ല്യ​ണ്‍ ഖ​ത്ത​ര്‍ റി​യാ​ല്‍ അ​നു​വ​ദി​ച്ചി​ട്ടു​ണ്ട്. പ്രാ​ദേ​ശി​ക റോ​ഡു​ക​ള്‍ക്കാ​യി 20 മു​ത​ല്‍ 25 ബി​ല്യ​ണ്‍ റി​യാ​ല്‍ വ​രെ ചെ​ല​വ​ഴി​ക്കും. ഡ്രെ​യി​നേ​ജ് സം​വി​ധാ​ന​ങ്ങ​ള്‍ക്കാ​യി ഏ​ക​ദേ​ശം പ​ത്തു ബി​ല്യ​ണ്‍ റി​യാ​ല്‍ ചെ​ല​വ​ഴി​ക്കും. അ​ടു​ത്ത മൂ​ന്നു മു​ത​ല്‍ അ​ഞ്ചു​വ​ര്‍ഷ​ത്തി​നു​ള്ളി​ല്‍ 40 മു​ത​ല്‍ 45 ബി​ല്യ​ണ്‍റി​യാ​ലി​​​​െൻറ ടെ​ണ്ട​റു​ക​ള്‍ അ​നു​വ​ദി​ക്കു​ം. അ​ശ്ഗാ​ല്‍ ടെ​ക്നി​ക്ക​ല്‍ ഓ​ഫീ​സ് മാ​നേ​ജ​ര്‍ അ​ഹ​മ്മ​ദ് അ​ലി അ​ല്‍അ​ന്‍സാ​രിയാണ്​ ഇക്കാര്യം അറിയിച്ചത്​. നാ​ലാ​മ​ത് മു​ശ്ത​റ​യാ​ത് സ​മ്മേ​ള​ന​ത്തെ​ക്കു​റി​ച്ച് വി​ശ​ദീ​ക​രി​ക്കാ​ന്‍ ചേ​ര്‍ന്ന വാ​ര്‍ത്താ​സ​മ്മേ​ള​ന​ത്തി​ല്‍ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

അ​ശ്ഗാ​ലി​​​​െൻറ പ​ദ്ധ​തി​ക​ളി​ല്‍ എ​ല്ലാ ക​മ്പ​നി​ക​ള്‍ക്കും അ​വ​സ​ര​ങ്ങ​ള്‍ ല​ഭി​ക്കും. ഖ​ത്ത​ര്‍ ഡെ​വ​ല​പ്മെ​ൻറ്​ ബാ​ങ്കു(​ക്യു​ഡി​ബി)​മാ​യി സ​ഹ​ക​രി​ച്ച് സ്വ​കാ​ര്യ​മേ​ഖ​ല​യെ പി​ന്തു​ണ​ക്കാ​ന്‍ ന​ട​പ​ടി​ക​ള്‍ സ്വീ​ക​രി​ച്ചു​വ​രു​ന്നു​ണ്ട്​. 101 ദേ​ശീ​യ വ്യ​വ​സാ​യ ക​മ്പ​നി​ക​ളു​ടെ ന​വീ​ക​ര​ണം സാ​ധ്യ​മാ​യി​ട്ടു​ണ്ട്. അ​ശ്ഗാ​ല്‍ പ​ദ്ധ​തി​ക​ളി​ലെ ഉ​ത്്പ​ന്ന​ങ്ങ​ളു​ടെ പ്ര​ധാ​ന വി​ത​ര​ണ​ക്കാ​ര്‍ പ്രാ​ദേ​ശി​ക നി​ക്ഷേ​പ​ത്തോ​ടെ​യു​ള്ള ദേ​ശീ​യ ക​മ്പ​നി​ക​ളാ​ണ്. 132 ഉ​ത്പ​ന്ന​ങ്ങ​ളാ​ണ് ഇ​വ ഉ​ത്പാ​ദി​പ്പി​ക്കു​ന്ന​ത്​. ക​ഴി​ഞ്ഞ 20 മാ​സ​ത്തി​നി​ടെ അ​ശ്ഗാ​ലും അം​ഗീ​കൃ​ത ക​മ്പ​നി​ക​ളും ത​മ്മി​ലു​ള്ള ക​രാ​റു​ക​ളു​ടെ മൂ​ല്യം 1.8 ബി​ല്യ​ണ്‍ റി​യാ​ലി​ല​ധി​ക​മാ​യി​ട്ടു​ണ്ട്. പ്രാ​ദേ​ശി​ക വ്യ​വ​സാ​യ ക​മ്പ​നി​ക​ളെ​യും ക​രാ​റു​കാ​രെ​യും മാ​ത്ര​മ​ല്ല പ്രാ​ദേ​ശി​ക ക​ണ്‍സ​ള്‍ട്ടി​ങ് ക​മ്പ​നി​ക​ളെ​യും എ​ല്ലാ​ത്ത​രം സേ​വ​ന​ദാ​താ​ക്ക​ളെ​യും പി​ന്തു​ണ​ക്കുകയാണ്​ ചെയ്യുന്നത്​.മു​ശ്ത​റ​യാ​തി​ല്‍ അ​ശ്ഗാ​ല്‍ ഭാ​വി പ​ദ്ധ​തി​ക​ള്‍ അ​വ​ത​രി​പ്പി​ക്കും. ക​ഴി​ഞ്ഞ അ​ഞ്ചു​വ​ര്‍ഷ​ത്തി​നി​ടെ സു​പ്ര​ധാ​ന പ​ദ്ധ​തി​ക​ള്‍ പൂ​ര്‍ത്തീ​ക​രി​ക്കാ​ന്‍ അ​ശ്ഗാ​ലി​നാ​യി.