ഖത്തർ യൂനിവേഴ്സിറ്റി–ആരോഗ്യ മന്ത്രാലയം ധാരണാപത്രം ഒപ്പുവെച്ചു
text_fieldsദോഹ: സാങ്കേതിക പരിജ്ഞാന കൈമാറ്റമടക്കമുള്ള മേഖലകളിൽ സഹകരണം ഉറപ്പാക്കുന്നതിെ ൻറ ഭാഗമായി ഖത്തർ യൂനിവേഴ്സിറ്റിയും പൊതുജനാരോഗ്യമന്ത്രാലയവും ധാരണാപത്രം ഒപ്പ ുവെച്ചു. ചടങ്ങിൽ ഖത്തർ യൂനിവേഴ്സിറ്റി റിസർച്ച് ആൻഡ് ഗ്രാജുവേറ്റ് സ്റ്റഡീസ് വിഭാഗം വൈസ് പ്രസിഡൻറ് പ്രഫ. മർയം അൽ മആദീദ്, ആരോഗ്യമന്ത്രാലയത്തിലെ മെഡിക്കൽ അഫേഴ്സ് അസി. സെക്രട്ടറി ജനറൽ ഡോ. സാലിഹ് അലി അൽ മർരി എന്നിവർ പങ്കെടുത്തു. ഖത്തർ യൂനിവേഴ്സിറ്റിയിലെയും മന്ത്രാലയത്തിലെയും വിവിധ വകുപ്പ് വൈസ് പ്രസിഡൻറുമാരും മുതിർന്ന ഉദ്യോഗസ്ഥരും ചടങ്ങിൽ സംബന്ധിച്ചു.
പൊതുതാൽപര്യപ്രകാരം പ്രദർശനങ്ങൾ സംഘടിപ്പിക്കുക, സർവകലാശാലാ വിദ്യാർഥികൾക്കായി തൊഴിലധിഷ്ഠിത പരിശീലനം നൽകുക, രാജ്യത്തെ പ്രായമായവരുടെ സാമൂഹിക ആരോഗ്യ മേഖലയുടെ വളർച്ചക്ക് സഹായകമാകും വിധത്തിൽ ഗവേഷണങ്ങൾ നടത്തുക, വിവിധ പ്രവർത്തനങ്ങൾ ലക്ഷ്യം വെച്ച് മന്ത്രാലയവും യൂനിവേഴ്സിറ്റിയും സംയുക്തമായി വർക്കിംഗ് കമ്മിറ്റി രൂപീകരിക്കുക തുടങ്ങില ലക്ഷ്യങ്ങൾ മുൻനിർത്തിയാണ് ധാരണാപത്രം. ചടങ്ങിൽ പ്രഫ. മർയം അൽ മആദീദ്, ഡോ. സാലിഹ് അലി അൽ മർരി, ഖത്തർ യൂനിവേഴ്സിറ്റി ആർട്ട്സ് ആൻഡ് സയൻസ് കോളേജ് െപ്രാഫസർ ഡോ. ഖൽതാം അൽ ഗാനെം തുടങ്ങിയവർ സംസാരിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.