സ്​പോർട്​സ്​ മെഡിസിനിൽ അന്താരാഷ്​ട്ര സമ്മേളനം മേയിൽ

ദോഹ: ആസ്​പെയറിന്​ കീഴിലുള്ള ഒാർതോപീഡിക്​ ^സ്​പോർട്​സ്​ മെഡിസിൻ ആശുപത്രിയായ ആസ്​പറ്ററി​​​െൻറ നേതൃത്വത്ത ിൽ സ്​പോർട്​സ്​ മെഡിസിൻ വിഷയത്തിൽ അന്താരാഷ്​ട്ര സമ്മേളനം നടത്തുന്നു. സ്​പോർട്​സ്​ മെഡിസിനിലും വ്യായാമശാസ ്​ത്രമേഖലയിലും 2020ഒാടെ അന്താരാഷ്​ട്ര തലത്തിൽ ആസ്​പറ്ററിനെ ആഗോളതലത്തിലെ മുൻനിരക്കാരാക്കുകയാണ്​ ലക്ഷ്യം. മേയ ്​ മൂന്ന്​ മുതൽ അഞ്ചുവരെ ആസ്​പെയർ അക്കാദമിയിലാണ്​ സമ്മേളനം. ww.aspetar.com/events.aspx ഇൗ ലിങ്കിൽ കയറി രജിസ്​ഷ്രേൻ നടത്താം. ഫോൺ: +97455543390. പ്രാദേശികതലത്തിലും അന്താരാഷ്​ട്ര തലത്തിലുമുള്ള ഇൗ രംഗ​ത്തെ വിദഗ്​ധർ പ​െങ്കടുക്കും. ആരോഗ്യമേഖലയിലെ അംഗീകൃത ആളുകൾക്കാണ്​ പ​െങ്കടുക്കാൻ അവസരം.

ഡോക്​ടർമാർ, നഴ്​സുമാർ, ഫാർമസിസ്​റ്റ്​, ഫിസിയോതെറാപിസ്​റ്റുകൾ, പോഷകാഹാരമേഖലയിൽ പ്രവർത്തിക്കുന്നവർ, കാൽപാദവുമായി ബന്ധപ്പെട്ട ചികിൽസ നടത്തുന്നവർ എന്നിവരാണ്​ ഇൗ ഗണത്തിൽപെടുക. കായികമേഖലയിൽ ഗവേഷണം നടത്തുന്നവർ, കായികശാസ്​ത്രജ്​ഞർ, പരിശീലകർ എന്നിവർക്കും സമ്മേളനത്തിൽ പ​െങ്കടുക്കാം. ട്രാക്ക്​ ആൻറ്​ ഫീൽഡിലുള്ള അത്​ലറ്റുകൾ അടക്കമുള്ള 500 പ്രതിനിധികളെയാണ്​ പ്രതീക്ഷിക്കുന്നതെന്ന്​ ആസ്​പറ്റർ മെഡിക്കൽ എഡ്യുക്കേഷൻ ഡയറക്​ടറും ചെയർപേഴ്​സണുമായ ഡോ. പോൾ ഡിജ്ക്​സ്​ട്ര പറഞ്ഞു. ഇത്തരത്തിൽ ആദ്യമായാണ്​ ഒരു സമ്മേളനം ഖത്തറിൽ സംഘടിപ്പിക്കുന്നത്​. ഇൗ വർഷം ദോഹയിൽ ലോക അത്​ലറ്റിക്​സ്​ ചാമ്പ്യൻഷിപ്പ്​ നടക്കുകയാണ്​. സെപ്​റ്റംബർ^ഒക്​ടോബർ മാസങ്ങളിലാണിത്​. ദോഹ ഡയമണ്ട്​ ലീഗും ഇവിടെ നടക്കാൻ പോകുകയാണ്​. ഇതിനാൽ ഇത്തരമൊരു സമ്മേളനം എന്തുകൊണ്ടും പ്രധാനപ്പെട്ടതാണ്​. കായികമേഖലയിലെ വിവിധ കാര്യങ്ങൾ സമ്മേളനം ചർച്ചചെയ്യും. പ്രായോഗിക പരിശീലനങ്ങളും ക്ലാസുകളും ഉണ്ടാകും.

മൽസരങ്ങളിലെ പ്രകടനം, പരിശീലനം, പ്രത്യേക കാലാവസ്​ഥയിൽ കായികതാരങ്ങൾക്ക്​ അനുഭവ​െപ്പടുന്ന ശരീരവേദന, പൊതുവായ പരിക്കുകളും രോഗങ്ങളും, പിൻതുടയിലെ ഞരമ്പുമായി ബന്ധപ്പെട്ട പ്രശ്​നങ്ങൾ, എല്ലുമായി ബന്ധപ്പെട്ട പരിക്കുകൾ തുടങ്ങിയവ സംബന്ധിച്ച്​ പ്രത്യേക ക്ലാസുകൾ ഉണ്ടാകും. യാത്രാവേളകളിൽ കായിക താരങ്ങൾ എടുക്കേണ്ട മുൻകരുതലുകൾ, പോഷകാഹാരം എന്നിവ സംബന്ധിച്ചും വിദഗ്​ധർ ക്ലാസെടുക്കും. ഇതിന്​ പുറമേ 16 മറ്റ്​ പ്രായോഗിക സെഷനുകളിലും സമ്മേളനപ്രതിനിധികൾക്ക്​ പ​െങ്കടുക്കാൻ അവസരമുണ്ടാകും. ആസ്​പറ്റർ സ്​പോർട്​സ്​ സർജറി ട്രെയ്​നിങ്​ സ​​െൻററിലെ ക്ലിനിക്കൽ അനാട്ടമി ക്ലാസുകളിലും പ​െങ്കടുക്കാം. ലോകോത്തര കായിക ചികിൽസ, സൗകര്യങ്ങൾ, ശിൽപശാലകൾ, പ്രായോഗിക പരിശീലനം തുടങ്ങിയവയിൽ പ​െങ്കടുക്കാനുള്ള അസുലഭ അവസരമാണ്​ ആസ്​പറ്റർ സമ്മേളനമെന്ന്​ ബന്ധ​െപ്പട്ടവർ അറിയിച്ചു.