പുക വലിക്കരുത്​, വലിയ വില കൊടുക്കേണ്ടി വരും

ദോ​ഹ: നാട്ടിലെ പരസ്യം ഖത്തറിലും സത്യമായി. സിഗരറ്റ്​ വലിച്ചാൽ ആരോഗ്യപ്രശ്​നങ്ങൾ ഒരുവശത്ത്​. പോരാത്തതിന്​ നാളെ മുതൽ കീശ കൂടുതൽ ചോരുകയും ചെയ്യും. സിഗ​ര​റ്റ് ഉ​ൾ​പ്പെ​ടെ​യു​ള്ള പു​ക​യി​ല ഉ​ൽ​പ​ന്ന​ങ്ങ​ൾ​ക്ക് നാ​ളെ മ ു​ത​ൽ ഇ​ര​ട്ടിയാണ്​ വി​ല. 2019ലെ ​പൊ​തു​ബ​ജ​റ്റ് പ്ര​കാ​രം പു​ക​യി​ല ഉ​ൽ​പ​ന്ന​ങ്ങ​ൾ​ക്ക് നൂ​റ് ശ​ത​മാ​നം നി​കു​തി വ​ർ​ധി​പ്പി​ക്കാ​നാ​ണ് അ​ധി​കൃ​ത​ർ തീ​രു​മാ​നി​ച്ചി​രി​ക്കു​ന്ന​ത്. വി​ല വ​ർ​ധി​ക്കു​ന്ന സാ​ഹ​ച​ര്യ​ത്തി​ൽ പു​ക​വ​ലി ശീ​ല​മാ​ക്കി​യ​വ​ർ ത​ങ്ങ​ളു​ടെ ഇ​ഷ്​​ട​ബ്രാ​ൻ​ഡ് തേ​ടി നെ​ട്ടോ​ട്ട​മോ​ടു​കയാണ്​. ക​ച്ച​വ​ട സ്​​ഥാ​പ​ന​ങ്ങ​ൾ കൃ​ത്രി​മ​മാ​യി ഉ​ൽ​പ​ന്ന​ങ്ങ​ളു​ടെ അ​പ​ര്യാ​പ്ത​ത സൃ​ഷ്​​ടി​ക്കു​ക​യാ​ണെന്ന പ​രാ​തി​യും ഉ​യ​രു​ന്നു​ണ്ട്. ആ​രോ​ഗ്യ​ത്തി​ന് ഹാ​നി​ക​ര​മാ​കു​ന്ന ഉ​ൽ​പ​ന്ന​ങ്ങ​ൾ​ക്ക് കൂ​ടു​ത​ൽ നി​കു​തി ഏ​ർ​പ്പെ​ടു​ത്തു​മെ​ന്ന് പൊ​തു​ബ​ജ​റ്റ് പ്ര​ഖ്യാ​പ​ന​ത്തി​നി​ടെ ധ​ന​കാ​ര്യ​മ​ന്ത്രാ​ല​യം വ്യ​ക്ത​മാ​ക്കി​യി​രു​ന്നു. സെ​ല​ക്ടീ​വ് ടാ​ക്സ്​ എ​ന്ന​യി​ന​ത്തി​ലാ​ണ് അ​ധി​ക നി​കു​തി ഏ​ർ​പ്പെ​ടു​ത്തു​ന്ന​ത്. സി​ഗ​ര​റ്റ് ഉ​ൾ​പ്പെ​ടെ​യു​ള്ള പു​ക​യി​ല ഉ​ൽ​പ​ന്ന​ങ്ങ​ൾ​ക്ക് നൂ​റ് ശ​ത​മാ​നം നി​കു​തി ചു​മ​ത്തു​മ്പോ​ൾ എ​ന​ർ​ജി ഡ്രി​ങ്കു​ക​ൾ, സോ​ഫ്റ്റ് ഡ്രി​ങ്കു​ക​ൾ എ​ന്നി​വ​ക്ക് 50 ശ​ത​മാ​നം നി​കു​തി​യാ​ണ് ചു​മ​ത്തി​യി​രി​ക്കു​ന്ന​ത്.

പു​തി​യ വി​ല നാ​ളെ മു​ത​ൽ പ്രാ​ബ​ല്യ​ത്തി​ൽ വ​രും. സി​ഗ​ര​റ്റി​ന് വി​ല ഇ​ര​ട്ടി​യാ​കു​മ്പോ​ൾ പ​ല​രും പു​ക​വ​ലി സം​ബ​ന്ധി​ച്ച് പു​ന​ർ​വി​ചി​ന്ത​ന​ം നടത്തുമെന്നാണ് പ്രതീക്ഷ. പു​ക​വ​ലി​ക്കു​ന്ന​ പലരും മ​ന്ത്രാ​ല​യ​ത്തിെ​ൻ​റ തീ​രു​മാ​ന​ത്തെ പ്ര​ശം​സി​ച്ച് രം​ഗ​ത്ത് വ​ന്ന​തും ആ​ശാ​വ​ഹ​മാ​യ മാ​റ്റ​മാ​ണ്. പു​ക​വ​ലി നി​ർ​ത്തു​ന്ന​ കാര്യം ആ​ലോ​ചി​ക്കേ​ണ്ടി വ​രു​മെ​ന്നാ​ണ് ചി​ല​ർ പ​റ​യു​ന്ന​ത്. ഇ​ര​ട്ടി വി​ല കൊ​ടു​ത്ത് ദി​വ​സ​വും സി​ഗ​ര​റ്റ് പാ​ക്ക​റ്റു​ക​ൾ വാ​ങ്ങു​ന്ന​ത് അ​പ്രാ​യോ​ഗി​ക​മാ​ണെ​ന്ന് മ​റ്റു ചി​ല​ർ പ​റ​യു​ന്നു. കു​റ​ഞ്ഞ വേ​ത​ന​ത്തി​ന് ജോ​ലി ചെ​യ്യു​ന്ന പു​ക​വ​ലി​ക്കാ​ർ​ മ​ന്ത്രാ​ല​യ തീ​രു​മാ​നം മൂലം ദുശ്ശീലം ഒഴിവാക്കാൻ സാധ്യതയുണ്ട്​. അ​തേ​സ​മ​യം, പു​തി​യ വി​ല​വ​ർ​ധ​ന മു​ന്നി​ൽ ക​ണ്ട് കൃ​ത്രി​മ​മാ​യി ഉ​ൽ​പ​ന്ന​ങ്ങ​ളു​ടെ ല​ഭ്യ​ത​ക്കു​റ​വ് സൃ​ഷ്​​ടി​ക്കു​ക​യാ​ണ് ക​ച്ച​വ​ട​ക്കാ​രെ​ന്ന് പ​രാ​തി​ക​ളും ഉണ്ട്​. സി​ഗ​ര​റ്റു​ൾ​പ്പെ​ടെ​യു​ള്ള പു​ക​യി​ല ഉ​ൽ​പ​ന്ന​ങ്ങ​ൾ​ക്ക് വി​ല വ​ർ​ധി​പ്പി​ക്കാ​നു​ള്ള ധ​ന​കാ​ര്യ​മ​ന്ത്രാ​ല​യ​ത്തിെ​ൻ​റ തീ​രു​മാ​ന​ത്തെ അ​ധി​ക ജ​ന​ങ്ങ​ളും ആ​രോ​ഗ്യ പ്ര​വ​ർ​ത്ത​ക​രും സ്വാ​ഗ​തം ചെ​യ്ത് രം​ഗ​ത്തെ​ത്തി​യി​ട്ടുണ്ട്​.