അടിയന്തരഘട്ടത്തിൽ ഡ്രോണുകൾ രക്ഷക്കെത്തും
text_fieldsദോഹ: അപകടങ്ങളിലടക്കം ഇനി ഡ്രോണുകൾ രക്ഷക്കെത്തും. എല്ലാ അടിയന്തര സാഹചര്യങ്ങളിലും വേഗത്തിലുള്ള ഇ ടപെടലിന് പൈലറ്റ് ഇല്ലാത്ത ഡ്രോണുകള് ഉപയോഗിക്കുമെന്ന് ആഭ്യന്തര മന്ത്രാലയം അറിയിച്ചു. റിമോട്ട് കണ്ട്രോളില് പ്രവര്ത്തിക്കുന്ന ഇവ ഉപയോഗിച്ച് വ്യക്തികളെ ഒരു സ്ഥലത്ത് നിന്നും മറ്റൊരിടത്തേക്ക് മാറ്റാനാകും. അടിയന്തരഘട്ടങ്ങളില് ഗതാഗതക്കുരുക്കിെൻറയും മറ്റും പ്രശ്നങ്ങളും ഇതോടെ ഉണ്ടാവില്ലെന്ന് മന്ത്രാലയം പ്രതിനിധി ലഫ്റ്റനൻറ് ഇസ്സ അല് കുബൈസി പറഞ്ഞു. മന്ത്രാലയത്തിെൻറ ഓപ്പറേഷന് റൂമില് നിന്നായിരിക്കും ഡ്രോണുകളുടെ നിയന്ത്രണം. ആഭ്യന്തര മന്ത്രാലയത്തിെൻറ പ്രവര്ത്തനങ്ങള് സുഗമമാക്കുന്നതിനും കൂടുതല് കാര്യക്ഷമമാക്കുന്നതിനും ഡ്രോണുകള് സഹായകമാകുമെന്നും അദ്ദേഹം കൂട്ടിച്ചേര്ത്തു. ദേശീയ ദിനാഘോഷത്തിെൻറ ഭാഗമായി ദര്ബുസ്സാഇയില് തുടരുന്ന പ്രദര്ശനത്തില് ആഭ്യന്തര മന്ത്രാലയത്തിെൻറ പവലിയനില് ഈ ഡ്രോണുകള് പ്രദര്ശിപ്പിച്ചിട്ടുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.