പരീക്ഷാക്രമക്കേട്​: വിദ്യാർഥികൾക്കെതിരെ കർശന നടപടി വരും

ദോ​ഹ: പൊ​തുപ​രീ​ക്ഷ​ക​ളി​ല്‍ വിവിധ തരത്തിലുള്ള ക്രമക്കേട്​ നടത്തുന്ന വി​ദ്യാ​ര്‍ഥി​ക​ള്‍ക്കെ​തി​രെ ക​ര്‍ശ​ന ന​ട​പ​ടി വരുന്നു. ഖ​ത്ത​ര്‍ വി​ദ്യാ​ഭ്യാ​സ മ​ന്ത്രാ​ല​യം പുറത്തിറക്കിയ ഉ​ത്ത​ര​വി​ലാണ്​ ഇതടക്കമുള്ള നിർദേശങ്ങൾ ഉള്ളത്​. ഖ​ത്ത​ര്‍ വി​ദ്യാ​ഭ്യാ​സ ഉ​ന്ന​ത വി​ദ്യാ​ഭ്യാ​സ മ​ന്ത്രി ഡോ. ​മു​ഹ​മ്മ​ദ് ബി​ന്‍ അ​ബ്ദു​ല്‍ വാ​ഹി​ദ് അ​ല്‍ഹ​മ്മാ​ദി​യാ​ണ് ഉ​ത്ത​ര​വ് പു​റ​ത്തി​റ​ക്കി​യ​ത്. വി​ദ്യാ​ര്‍ഥി​ക​ളു​മാ​യി ബ​ന്ധ​പ്പെ​ട്ട ര​ണ്ടു നി​യ​മ​ങ്ങ​ള്‍ ഭേ​ദ​ഗ​തി ചെ​യ്താ​ണിത്. നാ​ല് മു​ത​ല്‍ 12ാം ക്ലാ​സ്​ വരെയുള്ള കു​ട്ടി​ക​ള്‍ക്കാ​ണ് ഉ​ത്ത​ര​വ് ബാ​ധ​ക​മാ​കു​ന്ന​ത്. പ​രീ​ക്ഷ​യി​ല്‍ ത​ട്ടി​പ്പ് ന​ട​ത്തു​ന്ന​താ​യി ക​ണ്ടെ​ത്തു​ന്ന വി​ദ്യാ​ര്‍ഥിക​ള്‍ ക്ലാ​സി​ല്‍ പ​രാ​ജ​യ​പ്പെ​ട്ട​താ​യി ക​ണ​ക്കാ​ക്കും.‘ക്യാ​ന്‍സ​ല്‍ഡ്’ എ​ന്ന് സീ​ല്‍ ചെ​യ്യുന്നതോടെ ഇൗ വിദ്യാർഥിക്ക്​ ആ വി​ദ്യാ​ഭ്യാ​സ വ​ര്‍ഷ​ത്തെ പ​ഠ​നം ന​ഷ്​ട​പ്പെ​ടു​ക​യും ചെ​യ്യും.

പ​രീ​ക്ഷാ​ഹാ​ളി​ല്‍ വാ​ര്‍ത്താ​വി​നി​മ​യ​ത്തി​ന് ഉ​പ​യോ​ഗി​ക്കു​ന്ന വ​യ​റു​ള്ള​തോ അ​ല്ലാ​ത്ത​തോ ആ​യ ഉ​പ​ക​ര​ങ്ങ​ള്‍ കൊ​ണ്ടു​വ​ന്നാലും നടപടി വരും. ഇ​വ ഉ​പ​യോ​ഗി​ച്ചോ ഇ​ല്ല​യോ എ​ന്ന​ത് നോ​ക്കാ​തെയാണ്​ ന​ട​പ​ടി സ്വീ​ക​രി​ക്കുക. പ​രീ​ക്ഷ​യി​ലെ ചോ​ദ്യ​ങ്ങ​ള്‍ക്കും ഉ​ത്ത​ര​ങ്ങ​ള്‍ക്കും ഉ​പ​ക​രി​ക്കു​ന്ന രീ​തി​യി​ലു​ള്ള യാ​തൊ​രു ഉ​പ​ക​ര​ണ​ങ്ങ​ളും പ​രീ​ക്ഷാ ഹാ​ളി​ല്‍ കൈ​വ​ശം വെ​ക്കാ​ന്‍ പാ​ടി​ല്ല. പൊ​തു പ​രീ​ക്ഷാ സം​വി​ധാ​ന​ത്തെ ത​ക​ര്‍ക്ക​ണ​മെ​ന്ന ല​ക്ഷ്യ​ത്തി​ല്‍ സോ​ഷ്യ​ല്‍ മീ​ഡി​യ​യി​ല്‍ ഏ​തെ​ങ്കി​ലും ത​ര​ത്തി​ലു​ള്ള ക്യാ​മ്പ​യി​നി​ല്‍ പ​ങ്കെ​ടു​ക്കു​ന്ന വി​ദ്യാ​ര്‍ഥി​ക​ളെ​യും പ​രാ​ജ​യ​പ്പെ​ട്ട​താ​യി ക​ണ​ക്കാ​ക്കും. സ​മാ​ന​മാ​യ തെ​റ്റു​ക​ള്‍ ചെ​യ്ത​താ​യി ക​ണ്ടെ​ത്തി​യാ​ല്‍ 12ാം ക്ലാ​സി​ല്‍ പ​ഠി​ക്കു​ന്ന കു​ട്ടി​ക​ൾക്കെതിരെയും ഇ​തേ ശി​ക്ഷാരീ​തി​യാ​ണ് അ​വ​ലം​ബി​ക്കു​ന്ന​ത്. മു​ഴു​വ​ന്‍ വി​ഷ​യ​ങ്ങ​ളി​ലെ പ​രീ​ക്ഷ​യി​ലും പ​രാ​ജ​യ​പ്പെ​ട്ട​താ​യി ക​ണ​ക്കാ​ക്കു​ക​യും ക്യാ​ന്‍സ​ല്‍ഡ് സീ​ല്‍ പ​തി​ക്കു​ക​യും ചെ​യ്യും. തൊ​ഴി​ല്‍ ചെ​യ്യു​ന്ന വി​ദ്യ​ര്‍ഥി​യാ​ണ് ഇ​ത്ത​രം വ​ഞ്ചാ​നാ​പ​ര​മാ​യ സ​മീ​പ​നം സ്വീ​കി​രി​ച്ച​തെ​ങ്കി​ല്‍ തൊ​ഴി​ലു​ട​മ​യോ​ടും ന​ട​പ​ടി​യെ​ടു​ക്ക​ണ​മെ​ന്ന് നി​ര്‍ദേ​ശി​ച്ചി​ട്ടു​ണ്ട്.