വരുന്നു, വൻ നിക്ഷേപ അവസരങ്ങൾ

ദോഹ: പ്രത്യേക സാമ്പത്തിക മേഖല സംബന്ധിച്ച സ്​ഥാപനമായ മനാതഖ്​ (ഇക്കണോമിക്​ സോൺസ്​ കമ്പനി) വൻ നിക്ഷേപ അവസരങ് ങളുമായി രംഗത്ത്​. ബിസിനസ്​ മേഖലയിലെയും നിക്ഷേപ മേഖലയിലെയും പുതിയ അവസരങ്ങൾ സംബന്ധിച്ച വിവരങ്ങൾ മനാതഖ്​ കമ്പനി ഡിസംബർ ആദ്യത്തോടെ പുറത്തുവിടും. രാജ്യത്തി​​​െൻറ വിവിധ ഭാഗങ്ങളിൽ പരന്നുകിടക്കുന്ന പ്രത്യേക സാമ്പത്തിക മേഖലകളിൽ 250 പുതിയ ​േപ്ലാട്ടുകൾ ഉണ്ട്​. ഇവിടെ പുതിയ പദ്ധതികൾ വരുമെന്നും ഇത്​ സുപ്രധാനമായ തീരുമാനമാണെന്നും മനാതഖ്​ ഉയർന്ന ഉദ്യോഗസ്​ഥനെ ഉദ്ധരിച്ച്​ ഖത്തർ വാർത്താ ഏജൻസി റിപ്പോർട്ട്​ ചെയ്​തു.

ജെരി അൽസമുർ, വഖ്​റ, ബിർകത്ത്​ അൽ അവാമിർ, അബ സലീൽ എന്നീ സാമ്പത്തിക മേഖലകളാണ്​ നിക്ഷേപകർക്ക്​ പുതിയ അവസരങ്ങൾ തുറന്നിട്ടിരിക്കുന്നത്​. വ്യാവസായിക വാണിജ്യമേഖലയുടെ വികസനത്തിന്​ വേണ്ടി മനാതഖ്​ നൽകുന്ന സേവനങ്ങൾ സംബന്ധിച്ച്​ വിശദീകരിക്കാൻ നടത്തിയ സെമിനാറിലാണ്​ ഇക്കാര്യം വെളിപ്പെടുത്തിയത്​. നിരവധി ഖത്തരി ബിസിനസ്​ പ്രമുഖരും മുതിർന്ന ഉദ്യേഗസ്​ഥരും സെമിനാറിൽ പ​െങ്കടുത്തു. ചടങ്ങിൽ കമ്പനിയുടെ പുതിയ ലക്ഷ്യങ്ങളും കാഴ്​ചപ്പാടുകളും നേട്ടങ്ങളും ഭാവിപദ്ധതികളും സംബന്ധിച്ച്​​ ബിസിനസ്​ ഡവലപ്​മ​​െൻറ്​ ഡയറക്ടർ ആദിൽ വാലി സംസാരിച്ചു.

വൻ സൗകര്യങ്ങളുമായി പ്രത്യേക സാമ്പത്തിക മേഖലകൾ
രാജ്യത്ത്​ വിവിധയിടങ്ങളിലുള്ള പ്രത്യേക സാമ്പത്തിക മേഖലകൾ വൻ സൗകര്യങ്ങളാണ്​ നിക്ഷേപകർക്ക്​ നൽകുന്നത്​. 748,000 സ്​ക്വയർ മീറ്ററിലാണ്​ ജെരി അൽ സമുർ ലോജിസ്​റ്റിക്​ പാർക്ക്​ ഉള്ളത്​. 10,000 സ്​ക്വയർ മീറ്ററിനും 36,000 സ്​ക്വയർ മീറ്ററിനും ഇടയിൽ വിസ്​തൃതിയുള്ള 21 ​േപ്ലാട്ടുകൾ ഇവിടെയുണ്ട്​. ഭക്ഷ്യമേഖല, ​േഗ്ലാബൽ വെയർഹൗസ്​, വാഹനങ്ങളുടെ ഉപകകരണങ്ങൾ, യന്ത്രങ്ങൾ, നിർമാണ വസ്​തുക്കൾ എന്നിവയുമായി ബന്ധപ്പെട്ട വിവിധ കാര്യങ്ങൾക്കുള്ളതാണിത്​. 3,732,457 സ്​ക്വയർ മീറ്ററിലാണ്​ വക്​റ ലോജിസ്​റ്റിക്​ പാർക്ക്​ ഉള്ളത്​. 327 ​േപ്ലാട്ടുകളാണിവിടെയുള്ളത്​. 4,154,880 സ്​ക്വയർ മീറ്ററിലാണ്​ ബിർകത്​ അൽ അവാമീർ ലോജിസ്​റ്റിക്​ പാർക്ക്​ ഉള്ളത്​. 1368 ​േപ്ലാട്ടുകൾ​ ഇവിടെയുണ്ട്​.

വൻ വ്യവസായ മേഖല, അലൂമിനിയം^സ്​റ്റീൽ പണിശാലകൾ, കപ്പൽ സേവനങ്ങൾ, കടൽ മേഖലയുമായി ബന്ധപ്പെട്ട ഉപകരണങ്ങൾ, നിർമാണ സാമഗ്രികൾ എന്നീ മേഖലകളിലാണ്​ ഇവിടെ സൗകര്യങ്ങൾ. അബാസലീലിൽ 298298.37 സ്​ക്വയർ മീറ്റർ വിസ്​തൃതിയാണുള്ളത്​. 1368 ​േപ്ലാട്ടുകളുണ്ട്​​. ഇലക്​ട്രോണിക്​സ്​, അച്ചടി, ഫാഷൻ, കല, ഭക്ഷ്യോൽപാദനം ​സൗകര്യങ്ങൾ ഇവിടെയുണ്ട്​. മി​ൈസദ്​ ഇൻഡസ്​ട്രിയൽ സോൺ 12 മില്ല്യൻ സ്​ക്വയർ മീറ്ററിലാണ്​ സംവിധാനിച്ചിരിക്കുന്നത്​​. ദോഹയുടെ തെക്ക്​ ഭാഗത്തായി ഹമദ്​​ തുറമുഖം കഴിഞ്ഞാണ്​ ഇൗ സോൺ ഉള്ളത്​. കോൺ​ക്രീറ്റ്​, നിർമാണ സാമഗ്രികൾ, പെട്രോകെമിക്കൽസ്​, പ്ലാസ്​റ്റിക്​സ്​, മെറ്റൽസ്​, മെഷിനറി, കെമിക്കൽ ഫെർട്ടി​െലെസേഴ്​സ്​ തുടങ്ങിയ മേഖലകളിലാണ്​ ഇവിടെയുള്ള സൗകര്യങ്ങൾ​.

ഒരുങ്ങുന്നത്​ നിക്ഷേപ സൗഹൃദാന്തരീക്ഷം
കമ്പനി നടത്തിയ പഠനത്തിൽ രാജ്യത്തെ വ്യവസായ വികസനത്തിനും വെയർഹൗസ്​ സജ്ജീകരണങ്ങൾക്കുമായി 27 മില്ല്യൻ സ്​ക്വയർ മീറ്റർ ഭൂമി കൂടി വേണമെന്ന്​ മനസിലായിട്ടുണ്ട്​. വെയർഹൗസുകൾക്കായി 23 മില്ല്യൺ സ്​ക്വയർ മീറ്റർ ഭൂമിയും വ്യവസായ ആവശ്യങ്ങൾക്കായി 12 മില്ല്യൻ സ്​ക്വയർ മീറ്റർ ഭൂമിയും നൽകാൻ മനാതഖ്​ കമ്പനി ഇതുവരെ നടപടിയെടുത്തിട്ടുണ്ട്​. പ്രാദേശിക കമ്പനികളെയും നിക്ഷേപകരെയും ആകർഷിക്കാൻ വേണ്ട നടപടികൾ കൂടുതലായി സ്വീകരിക്കും. സാമ്പത്തിക വൈവിധ്യവത്​കരണം പ്രോൽസാഹിപ്പിക്കുകയാണ്​ കമ്പനി ലക്ഷ്യമിടുന്നത്​. ലോകനിലവാരത്തിലുള്ള ബിസിനസ്​ അന്തരീക്ഷം രാജ്യത്ത്​ ഉണ്ടാക്കും.

ഇതുവഴി ആഭ്യന്തര-അന്താരാഷ്​ട്ര നിക്ഷേപകർക്ക്​ അവരുടെ ഉൽപന്നങ്ങൾ ഖത്തറിലേക്ക്​ എത്തിക്കാനാവശ്യമായ സൗകര്യമൊരുങ്ങും. ലോജിസ്​റ്റിക്​, വ്യവസായ മേഖലയിലെ സാധനങ്ങൾ സൂക്ഷിക്കാനുള്ള കേന്ദ്രവും അവരുടെ ഉൽപന്നങ്ങളും മറ്റും സംവിധാനിക്കാനുള്ള പ്രത്യേക പ്രവൃത്തി കേന്ദ്രവും അടക്കമുള്ള സൗകര്യങ്ങൾ നിക്ഷേപകർ ആവശ്യപ്പെടുന്നുണ്ട്​. ഇത്തരം സൗകര്യങ്ങൾ ആവശ്യത്തിന്​ ലഭിച്ചാൽ വിലക്കയറ്റം തടയാം. അനാവശ്യമായ മറ്റ്​ ചെലവുകളും കുറക്കാം. ഇത്തരം കേന്ദ്രങ്ങൾ നിർമിക്കുന്നതിന്​ സംരംഭകർക്ക്​ ജെരി അൽ സമുർ, വക്​റ, ബിർകത്ത്​ അൽ അവാമിർ, അബു സലീൽ എന്നിവിടങ്ങളിൽ ആവശ്യമായ ഭൂമി നൽകും.

വാടകനിരക്ക്​ ഇങ്ങനെ
വാടക നിരക്ക്​ സൗകര്യങ്ങളുടെ അടിസ്​ഥാനത്തിലാണ്​ നിശ്​ചയിച്ചിരിക്കുന്നത്​ എന്ന്​ മനാതക്​ അധികൃതർ പറയുന്നു. ലോജിസ്​റ്റിക്​​ മേഖലയിൽ സ്​ക്വയർ മീറ്റർ ഭൂമിക്ക്​ വർഷത്തിൽ 40 റിയാൽ ആണ്​ വാടക. അല്ലെങ്കിൽ മാസത്തിൽ സ്​ക്വയർ മീറ്ററിന്​ മൂന്ന്​ റിയാൽ. വ്യവസായിക മേഖലയിൽ ഇത്​ വർഷത്തിൽ മീറ്ററിന്​ 20 റിയാലാണ്​. മാസത്തിൽ മീറ്ററിന്​ 1.6 റിയാലുമാണ്​ വാടക നിരക്ക്​.