വഖ്​റയിൽ പുതിയ പെട്രോൾ സ്​റ്റേഷൻ

ദോഹ: വഖ്​റയിൽ വുഖൂദ്​ പുതിയ പെട്രോൾ സ്​റ്റേഷൻ തുറന്നു. ഇതോടെ വുഖൂദി​​​െൻറ മൊത്തം പെട്രോൾ സ്​റ്റേഷനുകളുടെ എണ്ണം 78 ആയി. വഖ്​റ 2 ബൈപ്പാസ്​ റോഡിലാണ്​ പുതിയ പെട്രോൾ സ്​റ്റേഷൻ സ്​ഥാപിച്ചത്​. പുതിയ കേന്ദ്രം തുടങ്ങിയതിൽ ഏറെ സന്തോഷമുണ്ടെന്ന്​ സി.ഇ.ഒ എഞ്ചിനീയർ സആദ്​ റാഷിദ്​ അൽ മുഹന്നദി പറഞ്ഞു. രാജ്യത്ത്​ വർധിച്ചുവരുന്ന ഇന്ധന ആവശ്യകത മുൻനിർത്തി കൂടുതൽ പെട്രോൾ സ്​റ്റേഷനുകൾ വിവിധയിടങ്ങളിൽ സ്​ഥാപിക്കും. മികച്ച ഗുണമേൻമയുള്ള പെട്രോളിയം ഉൽപന്നങ്ങൾ ഉപഭോക്​താക്കൾക്ക്​ ലഭ്യമാക്കാൻ പ്രതിഞ്​ജാബദ്ധമാണെന്നും അദ്ദേഹം പറഞ്ഞു.

പുതിയ പെട്രോൾ സ്​റ്റേഷന്​ 15,000 സ്​ക്വയർ മീറ്റർ പരിധിയിൽ സേവനം ലഭ്യമാക്കാൻ കഴിയും. ഒമ്പത്​ ഇന്ധന നിറക്കൽ സംവിധാനങ്ങൾ ഇവിടെ ഉണ്ട്​. 24 മണിക്കൂറും സേവനം ലഭ്യമാണ്​. സിദ്​റ സ്​റ്റോർ, കാർ വാഷ്​, ഒായിൽ ചേഞ്ച്​, ടയർ അറ്റകുറ്റപ്പണി, പാചകവാതക വിൽപന, ഒായിൽ വിൽപന, ഡീസൽ ഉൽപന്നങ്ങളുടെ വിൽപന എന്നീ സൗകര്യങ്ങളും പുതിയ സ്​റ്റേഷനിൽ ഉണ്ട്​. വിവിധയിടങ്ങളിൽ 18 പുതിയ പെട്രോൾ സ്​റ്റേഷനുകൾ കൂടി തുറക്കാനുള്ള ഒരുക്കത്തിലാണ്​ വുഖൂദ്​. ഇൗ വർഷം തന്നെ ഇതിൽ മിക്കതും തുറന്നുപ്രവർത്തിപ്പിക്കാനാണ്​ ലക്ഷ്യമിടുന്നത്​. ഒമ്പത്​ സ്​റ്റേഷനുകൾ സ്​ഥാപിക്കുന്നതുമായി ബന്ധപ്പെട്ട ലേലം വിളിക്കുന്ന നടപടികൾ പുരോഗമിക്കുകയാണ്​. 14 എണ്ണം രൂപരേഖ തയാറാക്കുന്ന ഘട്ടത്തിലാണെന്നും അദ്ദേഹം പറഞ്ഞു.