വിസാരഹിത ഖത്തർ യാത്ര: 14 മാസത്തിനിടെ എത്തിയത്​ പത്ത്​ ലക്ഷം പേർ

ദോഹ: ഒാൺഅറൈവൽ വിസ ഉപയോഗപ്പെടുത്തി രാജ്യത്ത്​ എത്തിയവരിൽ വൻവർധനവ്​. കഴിഞ്ഞ 14 മാസത്തിനിടെ പത്ത്​ ലക്ഷം ആളുകള ാണ്​ ഇൗ സൗകര്യം ഉപയോഗിച്ച്​ രാജ്യത്ത്​ എത്തിയത്​. എയർപോർട്ട്​ പാസ്​പോർട്ട്​സ്​ വകുപ്പ്​ ഡയറക്​ടർ ബ്രിഗ്രേഡിയർ മുഹമ്മദ്​ റാഷിദ്​ അൽ മസ്​റൂഇ ഇത്​ സംബന്ധിച്ച കൂടുതൽ കണക്കുകൾ പുറത്തുവിട്ടു. 2017 ആഗസ്​റ്റിനും 2018 ഒക്​ടോബറിനും ഇടയിൽ 958,810 ഒാൺഅറൈവൽ വിസയാണ്​ ഖത്തർ ആകെ അനുവദിച്ചത്​. ഒാൺഅറൈവൽ വിസ യാത്രക്കാരുടെ വരവ്​ കൂടുതൽ സുഗമമാക്കാനായി നിരവധി കാര്യങ്ങൾ സർക്കാർ ചെയ്​തിട്ടുണ്ട്​. വി​നോ​ദ സ​ഞ്ചാ​രി​ക​ള്‍ക്ക് വ​ള​രെ എ​ളു​പ്പ​ത്തി​ല്‍ രാ​ജ്യ​ത്തേ​ക്ക് പ്ര​വേ​ശി​ക്കാ​നു​ള​ള അ​വ​സ​ര​മാ​ണ് ഖ​ത്ത​ര്‍ ന​ല്‍കി​ വ​രു​ന്ന​ത്.

92 രാ​ജ്യ​ങ്ങ​ളി​ലെ പൗ​ര​ന്‍മാ​രെ ഖ​ത്ത​ര്‍ സ​ര്‍ക്കാ​ര്‍ മു​ന്‍കൂ​ര്‍ വി​സ സം​വി​ധാ​ന​ത്തി​ല്‍ നി​ന്ന് ഒ​ഴി​വാ​ക്കി​യി​ട്ടു​ണ്ട്. ഇ​തി​ല്‍ 47 രാ​ജ്യ​ങ്ങ​ളി​ലെ പൗ​ര​ന്‍മാ​ര്‍ക്ക് യാ​തൊ​രു ഫീ​സു​മി​ല്ലാ​തെ രാ​ജ്യ​ത്തെ പ്ര​വേ​ശ​ന ക​വാ​ട​ങ്ങ​ളി​ല്‍ നി​ന്ന് വി​സ ഓ​ണ്‍ അ​റൈ​വ​ല്‍ ന​ല്‍കു​ന്നു​ണ്ട്. ആ​റു​മാ​സം കാ​ലാ​വ​ധി​യു​ള്ള പാ​സ്പോ​ര്‍ട്ടും മടക്ക വി​മാ​ന ടി​ക്ക​റ്റും ഖ​ത്ത​റി​ലെ ഹോ​ട്ട​ല്‍ റി​സ​ര്‍വേ​ഷ​നും മാ​ത്ര​മേ ആ​വ​ശ്യ​മു​ള്ളൂ​വെ​ന്നും അ​ദ്ദേ​ഹം പ​റ​ഞ്ഞു. ഖ​ത്ത​റി​ലെ വി​നോ​ദ സ​ഞ്ചാ​ര മേ​ഖ​ല​യെ വ​ള​ര്‍ത്തു​ന്ന​തി​നാ​യാ​ണ് ഇ​ത്ത​രം സൗ​ക​ര്യ​ങ്ങ​ള്‍ ന​ല്‍കി​വ​രു​ന്ന​ത്. യാ​ത്രക്കാര്‍ ഇ​ഷ്​ട​പ്പെ​ടു​ന്ന ലോ​ക​ത്തെ മു​ന്‍നി​ര വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളു​ടെ പ​ട്ടി​ക​യി​ല്‍ ഖ​ത്ത​റി​നും ഇ​ടം ന​ല്‍കു​ക എ​ന്ന​താ​ണ് ല​ക്ഷ്യം. രാ​ജ്യ​ത്ത് പ്ര​വേ​ശി​ക്കു​ന്ന​വ​ര്‍ ഖ​ത്ത​ര്‍ ആ​ഭ്യ​ന്ത​ര മ​ന്ത്രാ​ല​യ​ത്തി​​​െൻറ സു​ര​ക്ഷാ ന​ട​പ​ടി​ക്ര​മ​ങ്ങ​ളാ​ണ് പി​ന്തു​ട​രേ​ണ്ട​ത്.

വ​ര്‍ധി​ച്ചുവ​രു​ന്ന വി​നോ​ദ​സ​ഞ്ചാ​രി​ക​ളെ സ്വീ​ക​രി​ക്കാ​ന്‍ എ​യ​ര്‍പോ​ര്‍ട്ടി​ലെ പാ​സ്പോ​ര്‍ട്ട് വ​കു​പ്പ് എ​ല്ലാ ത​യ്യാ​റെ​ടു​പ്പു​ക​ളും ന​ട​ത്തി​യി​ട്ടു​ണ്ട്. വ​കു​പ്പി​ല്‍ നി​ല​വി​ല്‍ 450 ജീ​വ​ന​ക്കാ​രു​ണ്ട്. എ​ല്ലാ​വ​രും ഖ​ത്ത​രി​ക​ളാ​ണ്. ഹ​മ​ദ് വി​മാ​ന​ത്താ​വ​ള​ത്തി​ല്‍ സ​ജ്ജ​മാ​ക്കി​യ ഇ ഗേറ്റ്​ സം​വി​ധാ​നം യാ​ത്ര​ക്കാ​രു​ടെ സു​ഗ​മ​മാ​യ പോ​ക്കി​നും വ​ര​വി​നും വ​ലി​യ സ​ഹാ​യ​മാ​ണ് ന​ല്‍കു​ന്ന​ത്. യാ​ത്ര​ക്കാ​ര്‍ക്ക് സ​മ​യം ലാ​ഭി​ക്കാ​നും ബു​ദ്ധി​മു​ട്ട് കു​റ​ക്കാ​നും വ​ലി​യ സ​ഹാ​യ​മാ​ണ് ഇ​ ഗേറ്റ്​ ന​ല്‍കുന്നത്​. ക​ഴി​ഞ്ഞ വ​ര്‍ഷം 24,66190 പേ​രാ​ണ് ഇ​ ഗേറ്റ്​ ഉ​പ​യോ​ഗ​പ്പെ​ടു​ത്തി​യ​ത്. യാ​ത്ര​ക്കാ​രു​ടെ എ​ണ്ണം അ​നു​ദി​നം വ​ര്‍ധി​ച്ചു​വ​രു​ന്ന പ​ശ്ചാ​ത്ത​ല​ത്തി​ല്‍ പു​തി​യ പാ​സ്പ​ര്‍ട്ട് കൗ​ണ്ട​റു​ക​ളി​ലെ തി​ര​ക്കും സ​മ​യ​വും കു​റ​ക്കാ​നു​ള്ള പു​തി​യ പ​ദ്ധ​തി​ക​ള്‍ ഉടൻ വരുമെന്നും അദ്ദേഹം പറഞ്ഞു.2017 ആഗസ്​റ്റ്​ മുതലാണ്​ ഇന്ത്യയടക്കമുള്ള 80 രാജ്യക്കാർക്ക്​ വിസയില്ലാതെ തന്നെ രാജ്യം സന്ദർശിക്കാനുള്ള സൗകര്യം ഖത്തർ സർക്കാർ ഒരുക്കിയത്​. പാസ്​പോർട്ടും വിമാനടിക്കറ്റുമുള്ള ആർക്കും വിസ ഇല്ലാതെ തന്നെ ഇങ്ങനെ എത്താം.

ദോഹ ഹമദ്​ വിമാനത്താവളത്തിൽ എത്തു​​േമ്പാൾ ഇവരുടെ പാസ്​പോർട്ടിൽ ‘ഒാൺ അറൈവൽ വിസ’ എന്ന മുദ്ര പതിക്കുകയാണ്​ ചെയ്യുക. ഇതിൽ ഇന്ത്യക്കാരായ യാത്രക്കാർക്കായി ഖത്തർ നടത്തിയ വിവിധ പരിഷ്​കരണങ്ങൾ നവംബർ 11 മുതൽ പ്രാബല്യത്തിൽ വന്നിരുന്നു​. ഇതുപ്രകാരം ഒാൺ അറൈവൽ വിസയിൽ എത്തുന്നവർക്ക്​ ഇനി ഒരു മാസം വരെ മാത്രമേ ഖത്തറിൽ തങ്ങാനാകൂ. മുമ്പ്​ ഇത്​ രണ്ടുമാസം ആയിരുന്നു. യാത്രക്കാർക്ക്​​ സ്വന്തം പേരിലുള്ള ​ബാങ്ക്​ ക്രെഡിറ്റ്​ കാർഡോ ഡെബിറ്റ്​ കാർഡോ​ ഉണ്ടായിരിക്കണം. ഖത്തറിൽ എത്തിയത്​ മുതൽ ആറ്​ മാസത്തെ കാലാവധിയുള്ള പാസ്​പോർട്ട്​ യാത്രക്കാരന്​​ ഉണ്ടായിരിക്കണം. ഖത്തറിൽ താമസത്തിന്​ ഹോട്ടൽ ബുക്ക്​ ചെയ്​തതി​​െൻറ രേഖയും ഇന്ത്യയിലേക്കുള്ള മടക്ക വിമാന ടിക്കറ്റും ഉണ്ടായിരിക്കണം എന്നീ പരിഷ്​കരണങ്ങളും നിലവിൽ വന്നിട്ടുണ്ട്​.