പ്രതിരോധ മന്ത്രി യു.എസ് ആഭ്യന്തര സുരക്ഷാ സെക്രട്ടറിയുമായി കൂടിക്കാഴ്ച നടത്തി
text_fieldsദോഹ: ഖത്തർ ഉപപ്രധാനമന്ത്രിയും പ്രതിരോധ വകുപ്പ് സഹമന്ത്രിയുമായ ഡോ.ഖാലിദ് ബിൻ മുഹമ്മദ് അൽഅത്വിയ്യ അമേരിക്കൻ ആഭ്യന്തര സുരക്ഷാ സെക്രട്ടറി ക്രിസ്റ്റീൻ നെൽസനുമായി വാഷിംഗ്ടണിൽ കൂടിക്കാഴ്ച നടത്തി. ഇരുരാജ്യങ്ങൾക്കുമിടയിലെ പരസ്പര സഹകരണ വിഷയങ്ങളുമായി ബന്ധപ്പെട്ട് ഇരു നേതാക്കളും ചർച്ച ചെയ്തു.
അമേരിക്കയിലെ ഖത്തർ അംബാസഡർ മിഷ്അൽ ബിൻ ഹമദ് ആൽഥാനി, ബ്രിഗേഡിയർ ജനറൽ മുഹമ്മദ് അബ്ദുൽ അസീസ് അന്നസ്വ്റ എന്നിവരും ചർച്ചയിൽ സംബന്ധിച്ചു. നേരത്തെ ഡോ.ഖാലിദ് അൽഅത്വിയ്യ അമേരിക്കൻ വിദേശകാര്യ സെക്രട്ടറിയുമായി ചർച്ച നടത്തിയിരുന്നു. മേഖലയിലെ ഏറ്റവും പുതിയ സംഭവ വികാസങ്ങൾ ഇരുനേതാക്കളും ചർച്ച ചെയ്തതായി ഖത്തർ വാർത്താ ഏജൻസി റിപ്പോർട്ട് ചെയ്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.