ഖത്തർ ഗ്യാസിന്​ സുസ്ഥിരത പുരസ്​കാരം

ദോഹ: മികച്ച പരിസ്ഥിതി സൗഹൃദ പ്രവർത്തനം കാഴ്​ചവെച്ചതിന്​ ഖത്തർ ഗ്യാസിന്​ സുസ്ഥിരത പുരസ്​കാരം. ഖത്തർ സുസ്ഥിര വാരത്തോട്​ അനുബന്ധിച്ച ഖത്തർ സസ്​റ്റയ്​നബിലിറ്റി അവാർഡിലാണ്​ ഖത്തർ ഗ്യാസി​​​െൻറ ജെട്ടി ബോയ്​ൽഒാഫ്​ ഗ്യാസ്​ (ജെ.ബി.ഒ.ജി) റിക്കവറി ഫെസിലിറ്റി പുരസ്​കാരം സ്വന്തമാക്കിയത്​. റാസ്​ലഫാൻ സിറ്റിയിൽ സ്ഥാപിച്ച ബർത്തുകളിൽ നിന്ന്​ കപ്പലുകളിലേക്ക്​ ദ്രവീകൃത പ്രകൃതി വാതകം ലോഡ്​ ചെയ്യു​േമ്പാഴുണ്ടാകുന്ന പാരിസ്ഥിതിക ആഘാതം പരമാവധി കുറയ്​ക്കുകയും ഉൗർജം സംരക്ഷിക്കുകയും ചെയ്യുന്നതിനാണ്​ ജെ.ബി.ഒ.ജി സാ​േങ്കതിക വിദ്യ ഏർപ്പെടുത്തിയത്​.

നേരത്തേ കപ്പലിലേക്ക്​ ലോഡ്​ ചെയ്യു​േമ്പാൾ കുറച്ച്​ എൽ.എൻ.ജി കത്തിച്ചുകളയുകയായിരുന്നുവെങ്കിൽ ജെ.ബി.ഒ.ജി സംവിധാനത്തിലൂടെ ഇതി​​​െൻറ അളവ്​ വലിയ തോതിൽ കുറക്കാൻ സാധിച്ചു. 2014 ഒക്​ടോബറിൽ സ്ഥാപിച്ച സംവിധാനത്തിലൂടെ ലോഡ്​ ചെയ്യു​േമ്പാൾ കത്തിച്ചുകളഞ്ഞിരുന്ന എൽ.എൻ.ജിയുടെ 90 ശതമാനവും തിരിച്ചുപിടിക്കാൻ സാധിച്ചു. ഇത്​ തിരിച്ച്​ പ്ലാൻറുകളിലേക്ക്​ എത്തിച്ച്​ ഫ്യുവൽ ഗ്യാസായോ എൽ.എൻ.ജി ആയോ മാറ്റുകയാണ്​ ചെയ്യുന്നത്​. പ്രതിവർഷം 1.6 ദശലക്ഷം ടണ്ണി​​​െൻറ കാർബൺ ബഹിർഗമനാണ്​ ഇതിലൂടെ തടയാൻ സാധിച്ചത്​. 1.75 ലക്ഷം കാറുകൾ ഉണ്ടാക്കുന്ന മലിനീകരണത്തിന്​ തുല്യമാണ്​ തടഞ്ഞത്​. ഇൗ സംവിധാനത്തിലൂടെ കാർബൺ പുറന്തള്ളൽ കുറയ്​ക്കാനുള്ള സർക്കാർ തീരുമാനത്തിനൊപ്പം നിൽക്കാനും ഖത്തർ ഗ്യാസിന്​ സാധിച്ചു.