ഫൈനലിന്​ അരികിൽ ഖത്തർ വീണു; ദക്ഷിണകൊറി​യയോട്​ തോറ്റത്​ 3-1ന്​

ദോഹ: 2019ൽ നടക്കുന്ന അണ്ടർ 20 ലോകകപ്പിൽ കളിക്കാൻ യോഗ്യത നേടിയതി​​െൻറ ആഹ്ലാദവും ആവേശവും മനസ്സിൽ നിറച്ച്​ എ.എഫ്​.സി അണ്ടർ ചാമ്പ്യൻഷിപ്പി​​െൻറ ഫൈനൽ ലക്ഷ്യമിട്ട്​ ഇറങ്ങിയ ഖത്തരികൾക്ക്​ ഒടുവിൽ കാലിടറി. ഗ്രൂപ്പ്​ സ്​റ്റേജിലും ക്വാർട്ടർഫൈനലിലും കാഴ്​ചവെച്ച പോരാട്ടവീര്യത്തിന്​ സെമിഫൈനലിൽ ഇടിവ്​ സംഭവിച്ചപ്പോൾ ശക്​തരായ ദക്ഷിണ കൊറിയ ഫൈനലിൽ കടന്നു. ഇന്തോനേഷ്യയിൽ നടക്കുന്ന ടൂർണ​െമൻറി​​െൻറ സെമിഫൈനലിൽ ഖത്തറിനെ ഒന്നിനെതിരെ മൂന്ന്​ ഗോളുകൾക്ക്​ തോൽപിച്ചാണ്​ കൊറിയക്കാർ ഫൈനലിൽ ഇടം നേടിയത്​. കഴിഞ്ഞ മത്സരങ്ങളിലെല്ലാം ഗോളടിച്ച്​ കൂട്ടിയ ഖത്തരി താരങ്ങൾക്ക്​ ഇന്നലെ ലക്ഷ്യം കാണുന്നതിൽ പിഴച്ചതാണ്​ പരാജയത്തിന്​ കാരണം. 51 ശതമാനം സമയവും പന്ത്​ കൈവശം വെച്ചെങ്കിലും ഗോളിലേക്ക്​ ലക്ഷ്യം വെക്കാൻ സാധിച്ചില്ല.

ആദ്യ പകുതിയിൽ തന്നെ മൂന്നു ഗോളുകൾ നേടിയ ദക്ഷിണ കൊറിയ ഖത്തരികളെ മാനസികമായി തളർത്തുകയും ചെയ്​തു. ദക്ഷിണ കൊറിയക്കായി സീ ജിൻ ജിയോൺ ഇരട്ട ഗോളുകൾ നേടിയപ്പോൾ വാൻ സാങ്​ ഇയോം ഗോൾപട്ടിക പൂർത്തിയാക്കി. ലീ ജിയേക്ക്​ നേടിയ സെൽഫ്​ ഗോളാണ്​ ഖത്തറി​​െൻറ തോൽവി ഭാരം കുറച്ചത്​. ഗെലോറെ ബുങ്​ കർണോ സ്​റ്റേഡിയത്തിൽ മത്സരം തുടങ്ങി 23ാം മിനിറ്റിൽ തന്നെ സീ ജിൻ ദക്ഷിണ കൊറിയയെ മുന്നിലെത്തിച്ചു. മത്സരത്തിൽ ഒപ്പമെത്താനുള്ള ഖത്തറി​​െൻറ ശ്രമങ്ങൾക്കിടെ വീണ്ടും സീ ജിൻ ഖത്തർ വലക്കണ്ണികൾ കുലുക്കി. അപ്പോൾ മത്സരം അര മണിക്കൂർ പിന്നിട്ടി​േട്ട ഉണ്ടായിരുന്നുള്ളൂ. ഖത്തറി​​െൻറ തിരിച്ചുവരവ്​ പ്രതീക്ഷിച്ച്​ കാത്തിരുന്നവരെ നിരാശരാക്കി ആദ്യ പകുതി അവസാനിക്കുന്നതി​​െൻറ തൊട്ടുമുമ്പ്​ വീണ്ടും വല കുലുങ്ങി.

ഒന്നാം പകുതിയുടെ ഇഞ്ച്വറി ടൈമിൽ വാൻ സാങ്​ ഇയോം ആണ്​ ഖത്തറി​​െൻറ പ്രതീക്ഷകളുടെ മേൽ അവസാന ആണി അടിച്ചത്​. മൂന്ന്​ ഗോളുകളുടെ കടവുമായി ഇറങ്ങിയ അന്നാബികൾക്ക്​ പ്രതീക്ഷയുമായി 52ാം മിനിറ്റിൽ ദക്ഷിണ കൊറിയയുടെ ലീ ജിയേക്ക്​ സ്വന്തം വല കുലുക്കി. തുടർന്നും ഖത്തർ ആക്രമണം ശക്​തമാക്കാൻ ശ്രമിച്ചെങ്കിലും ദക്ഷിണ കൊറിയൻ പ്രതിരോധത്തെയും ഗോളിയെയും മറികടക്കാനുള്ള ശേഷിയുണ്ടായിരുന്നില്ല. 90ാം മിനിറ്റിൽ നാസർ അൽ അഹ്​റക്ക്​ ചുവപ്പുകാർഡ്​ കണ്ട്​ പുറത്തുപോയതോടെ പത്തുപേരുമായാണ്​ ഖത്തർ കളി അവസാനിപ്പിച്ചത്​. മറ്റൊരു സെമിഫൈനലിൽ ജപ്പാനെ രണ്ടു ഗോളുകൾക്ക്​ തോൽപിച്ച സൗദി അ​േറബ്യയാണ്​ ഫൈനലിൽ ദക്ഷിണ കൊറിയയുടെ എതിരാളികൾ.