റേഡിയോ മലയാളം വാർഷികാഘോഷം തുടങ്ങി

ദോഹ: ഖത്തറിൽ ആദ്യം പ്രവർത്തനം തുടങ്ങി നമ്പർ വൺ റേഡിയോ സ്​റ്റേഷനായി മാറിയ റേഡിയോ മലയാളം 98.6 എഫ്.എം ഒന്നാം വാർഷികം ആഘോഷിച്ചു. ഐ.സി.സി പ്രസിഡൻറ്​ മിലൻ അരുൺ,വൈസ് പ്രസിഡൻറ്​ മണികണ്ഠൻ എന്നിവർ ചേർന്ന്​ ഒരു മാസത്തെ പരിപാടികൾ ഉദ്ഘാടനം ചെയ്​തു. റേഡിയോ മലയാളം വൈസ് ചെയർമാൻ കെ.സി അബ്​ദുൽ ലത്തീഫ്​ പങ്കെടുത്തു. ഒന്നാം വാർഷികത്തോടനുബന്ധിച്ച് ശ്രോതാക്കൾക്ക് വിസ്മയിപ്പിക്കുന്ന സമ്മാനങ്ങളാണ് ഒരുക്കിയിരിക്കുന്നത്. മത്സരങ്ങളിൽ വിജയിക്കുന്ന 25ലധികം പേർക്ക്​ വിദേശരാജ്യത്തേക്ക് അവതാരകർക്കൊപ്പം യാത്ര ചെയ്യാനുള്ള അവസരമാണ് ഇതിൽ പ്രധാനം. വാഗമൺ റിസോർട്ടിൽ ഒരു രാവും പകലും തികച്ചും സൗജന്യമായി തങ്ങാനുള്ള സമ്മാനക്കൂപ്പൺ വിജയികൾക്ക്​ നൽകി.