ഖിഫ് ഫുട്ബാള്‍ വാസ് വയനാടിന്​ ജയം

ദോഹ: 12ാമത്​ ഖിഫ്​ ഫുട്​ബാളിൽ വാസ്​ വയനാടിന്​ ജയം. കെ.എം.സി.സി കോഴിക്കോടിനെ ഏകപക്ഷീയമായ ഒരു ഗോളിനാണ്​ തോൽപിച്ചത്​. കളിയുടെ 37ാം മിനിറ്റിൽ 14ാം നമ്പർ താരം ഫൈസൽ നേടിയ ഗോളിാണ്​ വാസ്​ വയനാടിന്​ ജയം നേടിക്കൊടുത്തത്​.മത്സരത്തി​​െൻറ ആരംഭം കെ.എം.സി.സി കോഴിക്കോടി​​െൻറ ആക്രമണത്തോടെയായിരുന്നു. ത​ുടക്കത്തിൽ തന്നെ എതിർ പ്രതിരോധം മറികടന്നെങ്കിലും ഗോളിയെ കീഴടക്കാൻ കോഴി​ക്കോടൻ താരങ്ങൾക്കായില്ല. തുടർന്ന്​ ഇരു ടീമുകളും ആക്രമിച്ചുകളിച്ചെങ്കില​ും ആദ്യ പകുതിയിൽ ഗോൾ വീണില്ല. ഇതിനിടെ മത്സരം അൽപം പരുക്കനാകുകയും വാസ്​ വയനാടി​​െൻറ രണ്ട്​ താരങ്ങൾക്ക്​ മഞ്ഞക്കാർഡ്​ ലഭിക്കുകയും ചെയ്​തു. ഇതിനിടെ 37ാം മിനിറ്റിൽ ഫൈസൽ ലക്ഷ്യം കണ്ടതോടെ തിരിച്ചടിക്കാനുള്ള ശ്രമത്തിലായിരുന്നു കോഴിക്കോട്​. തുടർച്ചയായ ആക്രമണങ്ങൾക്ക്​ ശ്രമിച്ചെങ്കിലും ഗോൾ മാത്രം അകന്നുനിന്നതോടെ വാസ്​ വയനാട്​ വിജയം ഉറപ്പാക്കുകയായിരുന്നു.