നിയമലംഘനങ്ങൾ തൊഴിലാളികൾ റിപ്പോർട്ട്​ ചെയ്യണം -മ​ന്ത്രാലയം

ദോഹ: തൊഴിലാളികളുടെ അവകാശങ്ങൾ ഉറപ്പാക്കാനും നിയമലംഘനങ്ങൾ തടയുന്നതിനും ശക്​തമായ നടപടികൾ സ്വീകരിക്കുന്നുണ്ടെന്ന്​ ഖത്തർ അഡ്​മിനിസ്​ട്രേറ്റീവ്​ ഡെവലപ്​മ​​െൻറ്​, തൊഴിൽ, സാമൂഹിക കാര്യ മന്ത്രാലയം. രാജ്യത്ത്​ തൊഴിലാളിയുടെ തൊഴിൽ സമയം നിശ്​ചയിച്ചുള്ള നിയമം നിലവിലുണ്ട്​. ഇത്​ കൃത്യമായി പാലിക്കണം. റിക്രൂട്ട്​മ​​െൻറ്​ ഫീസ്​ തൊഴിലാളിയിൽ നിന്ന്​ ഇൗടാക്കുന്നത്​ നിയമ വിരുദ്ധമാണെന്നും മന്ത്രാലയം വാർത്തക​ുറിപ്പിൽ വ്യക്​തമാക്കി. തങ്ങളുടെ അവകാശങ്ങൾ ലംഘിക്കപ്പെട്ടാൽ തൊളിലാളികൾ റിപ്പോർട്ട്​ ചെയ്യണം. നിയമം ലംഘിക്കുന്നവരെന്ന്​ സംശയിക്കുന്ന തൊഴിലുടമകളുടെ മേൽ ​​തൊഴിൽ പരിശോധന സംഘങ്ങൾ നിരന്തര നിരീക്ഷണം നടത്തുന്നുണ്ട്​. തൊഴിലാളികളുടെ അവകാശങ്ങൾ സംരക്ഷിക്കാൻ വൈവിധ്യമാർന്ന സംവിധാനങ്ങളാണ്​ രാജ്യത്ത്​ ഒരുക്കിയിരിക്കുന്നതെന്നും മന്ത്രാലയം വ്യക്​തമാക്കി.

ദോഹയിലെ ഒരു ഹോട്ടലിൽ സബ്​ കോൺട്രാക്​ടർക്ക്​ കീഴിലുള്ള സുരക്ഷാ ജീവനക്കാരും പൂന്തോട്ടത്തിലെ ജീവനക്കാരും കൂടുതൽ സമയം ജോലി ചെയ്യേണ്ടി വരുന്നതായും കുറഞ്ഞ​േവതനം പോലും ലഭിക്കുന്നില്ലെന്നും ചില പടിഞ്ഞാറൻ മാധ്യമങ്ങൾ റിപ്പോർട്ട്​ ചെയ്​ത സാഹചര്യത്തിലാണ്​ ഖത്തർ അഡ്​മിനിസ്​ട്രേറ്റീവ്​ ഡെവലപ്​മ​​െൻറ്​, തൊഴിൽ, സാമൂഹിക കാര്യ മന്ത്രാലയം നിലപാട്​ വ്യക്​തമാക്കിയത്​. അന്താരാഷ്​ട്ര തൊഴിൽ സംഘടനയുമായും തൊഴിലാളികളുടെ രാജ്യങ്ങളുമായും സഹകരിച്ച്​ ഖത്തറിലേക്ക്​ വരുന്നതിന്​ റിക്രൂട്ട്​മ​​െൻറ്​ ഫീസ്​ ഇൗടാക്കുന്നത്​ തടയുന്നതിനുള്ള നടപടികളും സ്വീകരിക്കുന്നുണ്ട്​. ഇതി​​​െൻറ ഭാഗമായി ഇന്ത്യ അടക്കം വിവിധ രാജ്യങ്ങളിൽ വിസ സേവന കേന്ദ്രങ്ങളും ആരംഭിക്കുന്നുണ്ട്​. ഒക്​ടോബറിൽ കൊളംബോയിൽ ആദ്യ കേന്ദ്രം പ്രവർത്തനം ആരംഭിച്ചുകഴിഞ്ഞു. രാജ്യത്തേക്ക്​ തൊഴിലുകൾക്കായി വരുന്നവർക്ക്​ എല്ലാവിധ നിയമസംവിധാനങ്ങളിലൂടെയും സംരക്ഷണം ഒരുക്കും. നിയമങ്ങൾ ലംഘിക്കുന്ന തൊഴിലുടമകളെ പ്രോസിക്യൂട്ട്​ ചെയ്യുമെന്നും മന്ത്രാലയം വാർത്താകുറിപ്പിൽ അറിയിച്ചു.