‘വീട്ടിൽ ശാന്തി നിറയു​േമ്പാൾ സമാധാനമുള്ള ലോകമുണ്ടാകുന്നു’

ദോഹ: മാനവ സംസ്കൃതിയുടെ ജ്വലിക്കുന്ന പ്രഥമ ഇടമായിരിക്കണം കുടുംബമെന്നും വീടകങ്ങളിൽ ശാന്തിയും സ്നേഹവും നിറയുമ്പോഴാണ് സമാധാനമുള്ള ലോകമുണ്ടാവുന്നതെന്നും ഫാമിലി കൗൺസിലറും ആശ്വാസ് കൗൺസിലിങ് സ​​െൻറർ കേരളയുടെ ഡയറക്ടറുമായ നാസറുദ്ദീൻ ആലുങ്ങൽ. സ​​െൻറർ ഫോർ ഇന്ത്യൻ കമ്മ്യൂണിറ്റി റയ്യാൻ സോണി​​​െൻറ ‘കൂടുംബം- ജീവിതം ഇമ്പമുള്ളതാക്കുക’ കാമ്പയിൻ സമാപന സമ്മേളനത്തിൽ പ്രമേയം അവതരിപ്പിക്കുകയായിരുന്നു അദ്ദേഹം.

ഐഡിയൽ ഇന്ത്യൻ സ്‌കൂളിൽ സമ്മേളനം സ​​െൻറർ ഫോർ ഇന്ത്യൻ കമ്മ്യൂണിറ്റി പ്രസിഡൻറ്​ കെ. സി. അബ്​ദ​ുൽ ലത്തീഫ് ഉദ്‌ഘാടനം ചെയ്​തു. പണ്ഡിതനും കലൂർ ദഅവാ മസ്ജിദ് ഇമാമുമായ ബഷീർ മുഹ്‌യുദ്ദീൻ ‘കുടുംബ ജീവിതത്തി​​​െൻറ ഖുർആനിക അടിത്തറ’ വിഷയത്തിൽ സംസാരിച്ചു. സോണൽ പ്രസിഡൻറ്​ മുഹമ്മദ് അലി ശാന്തപുരം അധ്യക്ഷത വഹിച്ചു. അൽ മദ്രസത്തുൽ ഇസ്​ലാമിയ ആക്ടിങ് പ്രിൻസിപ്പൽ സഫീർ മമ്പാട്‌, വിമൻസ് ഇന്ത്യ റയ്യാൻ സോൺ പ്രസിഡൻറ്​ ജൂബി സക്കീർ, യൂത്ത് ഫോറം റയ്യാൻ സോണൽ പ്രസിഡൻറ്​ അനൂപ് ഹസ്സൻ എന്നിവർ സംസാരിച്ചു. വാജിദ് അജ്‌മൽ ഖിറാഅത്ത്​ നടത്തി. സി.ഐ.സി. റയ്യാൻ സോൺ വൈസ് പ്രസിഡൻറ്​ അബ്​ദുൽ ഹമീദ് സ്വാഗതം പറഞ്ഞു.