‘പറക്കും കണ്ണാശുപത്രി’ ദോഹയിലേക്ക്​

ദോഹ: ദോഹ ഹെൽത്ത്​കെയർ വാരത്തിന്​ മുന്നോടിയായി പറക്കും കണ്ണാശുപത്രി ദോഹയിലേക്ക്​ എത്തുന്നു. ഒാർബിസി​​​െൻറ വിമാന കണ്ണാശുപത്രി ഒക്​ടോബർ അവസാനമാണ്​ ദോഹ അന്താരാഷ്​ട്ര വിമാനത്താവളത്തിലെത്തുക. നവംബർ 12 വരെ ദോഹയിലുണ്ടാകുന്ന വിമാനത്തി​​​െൻറ ആതിഥേയർ ഖത്തർ എയർവേസ്​ ആണ്​. ആഗോള നേത്രാരോഗ്യ ചാരിറ്റിയായ ഒാർബിസി​​​െൻറ പറക്കും കണ്ണാശുപത്രി പൂർണമായും സജ്ജമാക്കിയ കാർഗോ വിമാനമാണ്​. നേത്രചികിത്സക്ക്​ ആവശ്യമായ എല്ലാവിധ ആരോഗ്യ ഉപകരണങ്ങളും ഒാപറേഷൻ തിയറ്ററും ഒരുക്കിയിട്ടുണ്ട്​.

ഇതോടൊപ്പം വർക്​ഷോപ്പുകൾക്കും ബോധവത്​കരണത്തിനുമായി വിമാനത്തിനുള്ളിൽ ക്ലാസ്​ മുറിയുമുണ്ട്​. എല്ലാ വർഷവും ഏഷ്യയിലെയും ആഫ്രിക്കയിലെയും ലാറ്റിനമേരിക്കയിലെയും വിവിധ രാജ്യങ്ങളിലെത്തുന്ന ഇൗ ‘പറക്കും കണ്ണാശുപത്രി’ ലോകോത്തര നേത്രാരോഗ്യ വിദഗ്​ധരെ ഉപയോഗിച്ച്​ പരിശീലനവും ചികിത്സയും ലഭ്യമാക്കുന്നുണ്ട്​. നേത്രാരോഗ്യത്തെ കുറിച്ച്​ ബോധവത്​കരണവും നടത്തുന്നു. വിമാനത്തിനുള്ളിൽ സ്വകാര്യ^ പൊതു സന്ദർശനങ്ങൾ അനുവദിച്ചാണ്​ ദോഹ ഹെൽത്ത്​കെയർ വാരത്തിൽ ഒാർബിസ്​ സംഘം പ്രവർത്തിക്കുക. ഹമദ്​ അന്താരാഷ്​ട്ര വിമാനത്താവളത്തിൽ ഒാർബിസി​​​െൻറ ഒരു ബൂത്തും പ്രവർത്തിക്കും.

ഖത്തർ ക്രിയേറ്റിങ്​ വിഷൻ ഇനീഷ്യേറ്റീവി​​​െൻറ ഭാഗമായി കൂടിയാണ്​ വിമാനം ദോഹയിലെത്തുന്നത്​. ഖത്തർ ഫണ്ട്​ ഫോർ ഡെവലപ്​മ​​െൻറി​​​െൻറ സാമ്പത്തിക പിന്തുണയിൽ ഒാർബിസി​​​െൻറ നേതൃത്വത്തിൽ ഇന്ത്യയിലെയും ബംഗ്ലാദേശിലെയും കുട്ടികൾക്ക്​ നേ​ത്ര സംരക്ഷണം ലഭ്യമാക്കുന്നുണ്ട്​. 2020 പകുതിയോടെ 56 ലക്ഷം കുട്ടികൾക്ക്​ നേത്ര ചികിത്സ ലഭ്യമാക്കുകയാണ്​ ലക്ഷ്യം. ലോകതലത്തിൽ ത​െന്ന നേത്രരോഗങ്ങളെ കുറിച്ച്​ ബോധവത്​കരണം നടത്തൽ സുപ്രധാനമാണെന്നും ഇൗ സാഹചര്യത്തിൽ ഒാർബിസ്​ വിമാനത്തിന്​ ദോഹയിൽ ആതിഥ്യമരുളുന്നതിൽ ഏറെ അഭിമാനമുണ്ടെന്നും ഖത്തർ എയർവേസ്​ സി.ഇ.ഒ അക്​ബർ അൽ ബാക്കിർ പറഞ്ഞു.