മൂന്ന്​ മാസത്തിനിടെ ഹമദ്​ വിമാനത്താവളത്തിൽ 96.8 ലക്ഷ​ം യാത്രക്കാർ

ദോഹ: 2018​​​െൻറ മൂന്നാം ത്രൈമാസ പാദത്തിൽ ദോഹ ഹമദ്​ അന്താരാഷ്​ട്ര വിമാനത്താവളത്തി​േലക്ക്​ എത്തിയത്​ ഒരു കോടി​േയാളം യാത്രക്കാർ. ജൂലൈ, ആഗസ്​റ്റ്​, സെപ്​റ്റംബർ മാസങ്ങളിലായി 96.8 ലക്ഷം യാത്രക്കാരാണ്​ ഹമദ്​ വിമാനത്താവളം വഴി പോകുകയും വരുകയും ചെയ്​തത്​. 5,38,551 ടൺ കാർഗോയും ഇൗ കാലയളവിൽ കൈകാര്യം ചെയ്​തു. ജൂലൈ മാസത്തിൽ 34,01,880ഉം ആഗസ്​റ്റിൽ 34,59,518ഉം സെപ്​റ്റംബറിൽ 28,21,928ഉം യാത്രക്കാരാണ്​ ഹമദ്​ വിമാനത്താവളത്തെ ഉപയോഗപ്പെടുത്തിയത്​. 2018ലെ ആദ്യ ഒമ്പത്​ മാസത്തിൽ ആഗസ്​റ്റിലാണ്​ ഏറ്റവും കൂടുതൽ യാത്രക്കാർ ദോഹ വഴി വരുക​യും ​േപാകുകയും ചെയ്​തത്​. 2017ലെ മൂന്നാം പാദത്തെ അപേക്ഷിച്ച്​ ഇൗ വർഷം യാത്രക്കാരുടെ എണ്ണത്തിൽ 10.6 ശതമാനം വർധനവും രേഖപ്പെടുത്തിയിട്ടുണ്ട്​. ദോഹ വഴി 57,031 വിമാനങ്ങളാണ്​ ഇൗ മൂന്ന്​ മാസ കാലയളവിൽ സഞ്ചരിച്ചത്​. 2017നെ അപേക്ഷിച്ച്​ ദോഹ വിമാനത്താവളത്തിൽ ഇറങ്ങിയതും ഉയർന്നതുമായ വിമാനങ്ങളുടെ എണ്ണത്തിൽ 15.2 ശതമാനം വർധനവാണ്​ രേഖപ്പെടുത്തിയിട്ടുള്ളത്​.

ജൂലൈ മാസത്തിൽ 1,81,643 ടണ്ണും ആഗസ്​റ്റിൽ 1,75,585 ടണ്ണും സെപ്​റ്റംബറിൽ 1,81,322 ടണ്ണും കാർഗോയാണ്​ വിമാനത്താവളത്തിൽ കൈകാര്യം ചെയ്തത്​. യാത്രക്കാർ, വിമാനങ്ങൾ, കാർഗോ എന്നീ മേഖലകളിൽ എല്ലാം മികച്ച വളർച്ച കൈവരിച്ച ​ഹമദ്​ അന്താരാഷ്​ട്ര വിമാനത്താവളം ലോകതലത്തിൽ തന്നെ മുൻനിരയിലുള്ള യാത്രാ​േകന്ദ്രമായി മാറുകയാണ്​. യാത്രക്കാർക്ക്​ പ്രയാസങ്ങളില്ലാതെ എല്ലാ സേവനങ്ങളും ലഭ്യമാക്കുന്നതിലാണ്​ ശ്രദ്ധ പുലർത്തുന്നതെന്ന്​ ഹമദ്​ അന്താരാഷ്​ട്ര വിമാനത്താവളം ചീഫ്​ ഒാപറേറ്റിങ്​ ഒാഫിസർ ബദ്​ർ മുഹമ്മദ്​ അൽ മീർ പറഞ്ഞു. 2022 ലോകകപ്പ്​ ഫുട്​ബാളിന്​ കൂടുതൽ യാത്രക്കാർ എത്തുന്നത്​ പരിഗണിച്ച്​ വിമാനത്താവളത്തി​​​െൻറ ശേഷി ​വർധിപ്പിക്കുകയും പുത്തൻ സാ​േങ്കതിക വിദ്യകൾ ഉപയോഗപ്പെടുത്തുകയും ചെയ്യുന്നുണ്ട്​. 2022ഒാടെ പ്രതിവർഷം അഞ്ച്​ കോടി യാത്രക്കാരെ ഉൾക്കൊള്ളാനുള്ള ശേഷിയാണ്​ വിമാനത്താവളത്തിനുണ്ടാകുകയെന്നും അദ്ദേഹം പറഞ്ഞു.