റയ്യാൻ സ്​റ്റേഡിയത്തിന് സുസ്​ഥിരത പുരസ്​കാരം

ദോഹ: 2022 ഫുട്​ബാൾ ലോകകപ്പി​​െൻറ പ്രധാന വേദികളിലൊന്നായ അൽ റയ്യാൻ സ്​റ്റേഡിയത്തിന് ആഗോള സുസ്​ഥിരത പുരസ്​കാ രം. ഗൾഫ് ഓർഗനൈസേഷൻ ഫോർ റിസർച്ച് ആൻഡ് ഡെവലപ്മ​​െൻറ് നൽകുന്ന റിപ്പോർട്ട് പ്രകാരമുള്ള ആഗോള സുസ്​ഥിരതാ വിലയിരുത്തൽ സംവിധാന (ജി.എസ്​.എ.എസ്​) ത്തി​​െൻറ ചതുർനക്ഷത്ര പദവിയാണ് റയ്യാൻ സ്​റ്റേഡിയത്തിനെ തേടിയെത്തിയത്. സുസ്​ഥിരതക്കും പരിസ്​ഥിതി സൗഹൃദത്തിനും സുപ്രീം കമ്മിറ്റി ഫോർ ഡെലിവറി ആൻഡ് ലെഗസിയുടെ പ്രതിബദ്ധതക്കുള്ള അംഗീകാരമാണ് റയ്യാൻ സ്​റ്റേഡിയത്തിന് ലഭിച്ചതെന്ന് റയ്യാൻ സ്​്റ്റേഡിയം െപ്രാജക്ട് മാനേജർ അബ്​ദുല്ല അൽ ഫിഹാനി പറഞ്ഞു.

രൂപരേഖ അനുസരിച്ചുള്ള നിർമ്മാണം പരിശോധിക്കുന്നതിനുള്ള മൂന്നാം കക്ഷിയുടെ അഞ്ച് ഘട്ടമായി നീണ്ടുനിൽക്കുന്ന ഓഡിറ്റിംഗാണ് അടുത്ത ചുവടുവെപ്പെന്ന് സുപ്രീം കമ്മിറ്റി സുസ്​ഥിരതാ, പരിസ്​ഥിതി മാനേജർ എൻജിനീയർ ബദൂർ അൽ മീർ പറഞ്ഞു. സ്​റ്റേഡിയം നിർമ്മാണം പൂർത്തിയായതിന് ശേഷം നടക്കുന്ന ചടങ്ങിൽ പുരസ്​കാരം സമ്മാനിക്കും. ലോകകപ്പിനായി നിർമ്മാണം പൂർത്തിയാക്കിയ ആദ്യ സ്​റ്റേഡിയമായ ഖലീഫ രാജ്യാന്തര സ്​റ്റേഡിയത്തിന് നേരത്തെ സുസ്​ഥിരതാ പുരസ്​കാരം ലഭിച്ചിരുന്നു. ആഗോള സുസ്​ഥിരതാ മാനദണ്ഡങ്ങൾ പാലിച്ചാണ് സുപ്രീം കമ്മിറ്റി ലോകകപ്പ് വേദികൾ നിർമ്മിക്കുന്നത്. ഖത്തർ ലോകകപ്പി​​െൻറ ക്വാർട്ടർ ഫൈനൽ മത്സരങ്ങൾക്ക് വേദിയാകുന്ന റയ്യാൻ സ്​റ്റേഡിയത്തി​​െൻറ നിർമ്മാണത്തിൽ ഉപയോഗിച്ചത് അധികവും പഴയ സ്​റ്റേഡിയത്തിൽ നിന്നുള്ള അസംസ്​കൃത വസ്​തുക്കൾ തന്നെയാണ്. ഇന്ത്യൻ കമ്പനിയായ ലാർസൻ ആൻഡ് ട്യൂേബ്രായും ഖത്തരി കമ്പനിയായ അൽ ബലാഗ് േട്രഡിംഗ് ആൻഡ് കോൺട്രാക്ടിംഗ് കമ്പനിയും ചേർന്നാണ് സ്​റ്റേഡിയം നിർമ്മിക്കുന്നത്.