രാജ്യത്തെ ഏറ്റവും വലിയ സൗരോർജ പ്ലാൻറ്​: കരാർ ഉടൻ

ദോഹ: രാജ്യത്തെ ഏറ്റവും വലിയ സൗരോർജ പ്ലാൻറ്​ നിർമിക്കുന്നതിനുളള നടപടികൾക്ക്​ തുടക്കമാകുന്നു. ഖത്തർ ജനറൽ ഇലക്​ട്രിസിറ്റി ആൻറ്​ വാട്ടർ കോർപറേഷൻ (കഹ്​റാമ) ഇൗ വർഷം അവസാനിക്കും മുമ്പ്​ പൊതു ടെണ്ടർ വിളിക്കും. രാജ്യ​ത്ത്​ ആദ്യമായി വൻതോതിൽ ​ൈ​വദ്യുതി ഉൽപാദനം ലക്ഷ്യമിട്ട്​ നിർമിക്കുന്ന സൗരോർജ പ്ലാൻറാണിത്​. മൊത്തം 700 മെഗാവാട്ടാണ്​ പ്ലാൻറി​​​െൻറ ശേഷി. ആദ്യഘട്ടമായി 350 മെഗാവാട്ട്​ ഉൽപാദനം 2020ൽ ആരംഭിക്കുകയാണ്​ ലക്ഷ്യം. കഹ്​റാമ കേന്ദ്ര ഒാഫിസിൽ നടത്തിയ വാർത്തസമ്മേളനത്തിലാണ്​ പ്രസിഡൻറ്​ ഇസ്സ ബിൻ ഹിലാൽ അൽ കുവാരി ഇക്കാര്യങ്ങൾ വ്യക്​തമാക്കിയത്​.

ഉൗർജ ഉൽപാദന സ്രോതസ്സുകൾ വൈവിധ്യവത്​കരിക്കുന്നതിനൊപ്പം പുനരുപയോഗ ഉൗർജ ഉൽപാദനം വർധിപ്പിക്കലും പദ്ധതിയുടെ ലക്ഷ്യമാണ്​. 2022 ഒാടെ കുറഞ്ഞത്​ 700 മെഗാവാട്ട്​ ഉൽപാദിപ്പിക്കുകയുമാണ്​ ലക്ഷ്യം. ദോഹക്ക്​ പടിഞ്ഞാറായി അൽ ഖർസാഹ്​ പ്രദേശത്ത്​ പത്ത്​ ചതുരശ്ര കിലോമീറ്ററിലാണ്​ പദ്ധതി ആരംഭിക്കുന്നത്​. പൊതു-സ്വകാര്യ പങ്കാളിത്തത്തിൽ നിർമിച്ച്​ പ്രവർത്തിപ്പിച്ച്​ കൈമാറൽ രീതിയിലാണ്​ പദ്ധതി നടപ്പാക്കുക. 25 വർഷം പ്രവർത്തിപ്പിച്ചതിന്​ ശേഷം കഹ്​റാമക്ക്​ കൈമാറും. സിറാജ്​ എനർജിയാണ്​ പദ്ധതിയുടെ തന്ത്രപ്രധാന ദേശീയ നിക്ഷേപകർ. സൗരോർജ മേഖലയിലെയും സോളാർ പാനൽ നിർമാണത്തിലെയും ഏറ്റവും പുതിയ വികാസങ്ങൾ പഠിക്കുകയും ചെലവുകൾ കുറയുകയും ചെയ്​ത പശ്​ചാത്തലത്തിലാണ്​ പദ്ധതിയുമായി മുന്നോട്ടുപോകുന്നത്​.

സൗരോർജ ഉൽപാദനത്തിലൂടെ പ്രകൃതി വാതകത്തി​​​െൻറ ഉപയോഗം കുറക്കാമെന്നുള്ള പഠനങ്ങളും നടത്തിയതി​​​െൻറ അടിസ്ഥാനത്തിലാണ്​ പദ്ധതിയുമായി മുന്നോട്ടുപോകാൻ തീരുമാനിച്ചതെന്ന്​ കഹ്​റമ പ്രസിഡൻറ്​ ഇസ്സ ബിൻ ഹിലാൽ അൽ കുവാരി വ്യക്​തമാക്കി. അമീർ ശൈഖ്​ തമീം ബിൻ ഹമദ്​ ആൽഥാനിയുടെ മാർഗനിർദേശങ്ങൾ കണക്കിലെടുത്താണ്​ പദ്ധതിയുമായി മുന്നോട്ടുപോകുന്നത്​. പദ്ധതി നടപ്പാക്കുന്നതിനുള്ള പ്രാഥമിക യോഗ്യതകളിൽ 16 അന്താരാഷ്​ട്ര കമ്പനികൾ വിജയിച്ചിട്ടുണ്ട്​. താങ്ങാവുന്ന നിരക്കിൽ ​ൈവദ്യുതി, പ്രകൃതി വാതകം സംരക്ഷിക്കൽ, കാർബൺ പുറന്തള്ളൽ കുറക്കൽ എന്നിവയും പദ്ധതിയുടെ ലക്ഷ്യമാണ്​.