വന്യജീവി നിയമലംഘനങ്ങൾ നിരീക്ഷിക്കാൻ ഇനി േഡ്രാണുകളും

കൃഷിയിടങ്ങൾ, പച്ചപ്പ് നിറഞ്ഞ പ്രദേശങ്ങൾ, സംരക്ഷിത പ്രദേശങ്ങൾ എന്നിവിടങ്ങളിലാണ് േഡ്രാണുകൾ ഉപയോഗിക്കുക
ദോഹ: രാജ്യത്തെ വന്യജീവി നിയമലംഘനങ്ങൾ നിരീക്ഷിക്കാൻ േഡ്രാണുകൾ ഉപയോഗിക്കാനുള്ള പദ്ധതിയിലാണെന്ന് മുനിസിപ്പാലിറ്റി പരിസ്​ഥിതി മന്ത്രാലയം അറിയിച്ചു. കൃഷിയിടങ്ങൾ, പച്ചപ്പ് നിറഞ്ഞ പ്രദേശങ്ങൾ, സംരക്ഷിത പ്രദേശങ്ങൾ എന്നിവിടങ്ങളിലാണ് ഫ്ലൈയിംഗ് എൻവയൺമ​​െൻറ് ഇൻസ്​പെക്ടർ എന്ന് പേരിട്ട േഡ്രാണുകൾ ഉപയോഗിക്കാൻ മന്ത്രാലയത്തി​​െൻറ തീരുമാനം. രാജ്യത്തി​​െൻറ വിവിധ മേഖലകളിൽ േഡ്രാണുകൾ ഉപയോഗിക്കുന്നതി​​െൻറ പ്രായോഗികത സംബന്ധിച്ച് പഠനം നടത്തുന്നതിന് പ്രത്യേക സംഘത്തെ മന്ത്രാലയത്തിന് കീഴിലുള്ള വന്യജീവി സംരക്ഷണ വിഭാഗം നിയമിച്ചിട്ടുണ്ട്.

മന്ത്രാലയത്തി​​െൻറ വിവിധ പ്രവർത്തനങ്ങളിൽ ആധുനിക സാങ്കേതികവിദ്യ ഉപയോഗിക്കുന്നതി​​െൻറയും പേപ്പർ വ്യവഹാരങ്ങൾ ഒഴിവാക്കുന്നതി​​െൻറയും ഭാഗമായാണ് അത്യാധുനിക പരിശോധന സങ്കേതങ്ങൾ അവതരിപ്പിക്കുന്നത്. പൈലറ്റില്ലാ വിമാനത്തിലുപയോഗിക്കുന്ന സാങ്കേതികവിദ്യ തന്നെയായിരിക്കും മന്ത്രാലയത്തി​​െൻറ പറക്കും പരിശോധനകളിലും ഉൾപ്പെടുത്തുകയെന്നും വന്യജീവി നിയമലംഘനങ്ങൾ വേഗത്തിലും കൃത്യതയിലും കണ്ടെത്തുന്നതിന് ഇത് ഏറെ സഹായിക്കുമെന്നും മന്ത്രാലയം വ്യക്തമാക്കി. േഡ്രാണുകൾ ഉപയോഗിക്കുന്നതി​​െൻറ മുന്നോടിയായുള്ള സാങ്കേതിക തടസ്സങ്ങൾ മറികടക്കാൻ ബന്ധപ്പെട്ട അതോറിറ്റികളുമായി മന്ത്രാലയം സഹകരിച്ചുവരികയാണ്. മാലിന്യങ്ങൾ തള്ളുക, അനുവാദമില്ലാതെ വാഹനങ്ങൾ പ്രവേശിപ്പിക്കുക, മരങ്ങൾ മുറിക്കുക, പുൽത്തകിടികൾ നശിപ്പിക്കുക തുടങ്ങിയ നിയമലംഘനങ്ങൾ േഡ്രാൺ വഴി കണ്ടെത്തുമെന്നും മന്ത്രാലയം അറിയിച്ചു.