ദോഹ മെട്രോ: 35 ട്രെയിനുകൾ കൂടി വാങ്ങുന്നു

​േദാഹ: ദോഹ മെട്രോ പദ്ധതിക്ക്​ വേണ്ടി ഖത്തർ റെയിൽ​േവസ്​ കമ്പനി 35 ​െട്രയിനുകൾ കൂടി വാങ്ങുന്നു. ഇ​തോടെ മൊത്തം ട്രെയിനുകളുടെ എണ്ണം 110 ആയി ഉയരും. ​2022 ഫുട്​ബാൾ ലോകകപ്പ്​, മെട്രോ വികസനം തുടങ്ങിയവ പരിഗണിച്ച്​ സന്ദർശകർക്കും യാ​ത്രക്കാർക്കും കൂടുതൽ സൗകര്യം ഏർപ്പെടുത്തുന്നതി​​​െൻറ ഭാഗമായാണ്​ കൂടുതൽ ട്രെയിനുകൾ വാങ്ങാനുള്ള ധാരണപത്രത്തിൽ ഒപ്പുവെച്ചത്​. പത്ത്​ ലക്ഷത്തിലധികം സന്ദർശകർ എത്തുമെന്ന്​ ​പ്രതീക്ഷിക്കുന്ന 2022 ഫുട്​ബാൾ ലോകകപ്പിൽ മെട്രോ സംവിധാനത്തി​​​െൻറ ശേഷി ഉയർത്തുകയാണ്​ അധിക ട്രെയിനുകൾ വാങ്ങുന്നതിലൂടെ ലക്ഷ്യമിടുന്നത്​. ​െമട്രോയുടെ ഒന്നാം ഘട്ടം നിർമാണം പൂർത്തിയായ ശേഷം വിപുലീകരണം നടത്തു​ന്നതിനും ഇവ പ്രയോജനപ്പെടും. ഗതാഗത വാർത്താവിനിമയ മന്ത്രി ജാസിം സൈഫ്​ അഹ്​മദ്​ അൽ സുലൈത്തി,

സുപ്രീം കമ്മിറ്റി ഫോർ ​െഡലിവറി ആൻറ്​ ലെഗസി സെക്രട്ടറി ജനറൽ ഹസൻ അൽ തവാദി, ഖത്തർ റെയിൽ മാനേജിങ്​ ഡയറക്​ടറും ചീഫ്​ എക്​സിക്യൂട്ടീവ്​ ഒാഫിസറുമായ അബ്​ദുല്ല അബ്​ദുൽ അസീസ്​ അൽ സുബൈ, ദ കിൻകി ശര്യോ കമ്പനി ബോർഡ്​ ഡയക്​ടർ ഹിഡെകി ഹതായ്​ എന്നിവരുടെ സാന്നിധ്യത്തിലാണ്​ കരാർ ഒപ്പുവെച്ചത്​. നമ്മൾ നേടാൻ ലക്ഷ്യമിടുന്ന സമഗ്ര ഗതാഗത പദ്ധതിയു​ടെ ആണിക്കല്ലാണ്​ ദോഹ മെട്രോ പദ്ധതിയെന്ന്​ മന്ത്രി ജാസിം സൈഫ്​ അഹ്​മദ്​ അൽ സുലൈത്തി പറഞ്ഞു. പുതിയ ട്രെയിനുകൾ വാങ്ങ​ുന്നത്​ വലിയ തോതിൽ യാത്രക്കാരെ ഉൾക്കൊള്ളാൻ സഹായകമാകും. ലോകകപ്പ്​ സമയത്ത്​ സന്ദർശകർക്കും ഫുട്​ബാൾ ആരാധകർക്കും മികച്ച അനുഭവമാണ്​ ഖത്തർ റെയിലി​​​െൻറ പദ്ധതികൾ സമ്മാനിക്കുകയെന്ന്​ ഹസൻ അൽ തവാദി പറഞ്ഞു. ദോഹ മെട്രോയുടെ 90 ശതമാനത്തോളം ​നിർമാണം പൂർത്തിയായതായി ഖത്തർ അടുത്തിടെ വ്യക്​തമാക്കിയിരുന്നു. 37 സ്​റ്റേഷനുകളുടെയും സിവിൽ ജോലികൾ പൂർത്തിയാകുകയും ചെയ്​തിട്ടുണ്ട്​.

മെട്രോയിൽ പോകാം, ടാക്​സിയിൽ സഞ്ചരിക്കാം ടാക്​സി നിരക്കിൽ ഇളവിന്​ കരാർ ഒപ്പിട്ടു
ദോഹ: ദോഹ മെട്രോ റെയിൽ യാത്രക്കാർക്ക്​ ടാക്​സി യാത്രക്ക്​ നിരക്കിളവിന്​ അവസരം. മുവാസലാത്തും ഖത്തർ റെയിലും ഒപ്പിട്ട കരാർ പ്രകാരമാണ്​ കർവ ടാക്​സി സർവീസ്​ ഉപയോഗിക്കുന്ന ​െമട്രോ യാത്രക്കാർക്ക്​ ഇളവ്​ ലഭിക്കുക. സ്​റ്റേഷനിലേക്ക്​ വരുന്നതിനും പോകുന്നതിനും ടാക്​സി നിരക്കിൽ ഇളവ്​ ലഭിക്കും. ഗതാഗത വാർത്താവിനിമയ മന്ത്രി ജാസിം സൈഫ്​ അഹ്​മദ്​ അൽ സുലൈത്തി, ഖത്തർ റെയിൽ മാനേജിങ്​ ഡയറക്​ടറും ചീഫ്​ എക്​സിക്യൂട്ടീവ്​ ഒാഫിസറുമായ അബ്​ദുല്ല അബ്​ദുൽ അസീസ്​ അൽ സുബൈ, മുവാസലാത്ത്​ മാനേജിങ്​ ഡയറക്​ടറും ചീഫ്​ എക്​സിക്യൂട്ടീവ്​ ഒാഫിസറുമായ ഖാലിദ്​ നാസർ അൽ ഹൈൽ എന്നിവരുടെ സാന്നിധ്യത്തിലാണ്​ കരാർ ഒപ്പുവെച്ചത്​. മെട്രോ യാത്ര ​േപ്രാത്സാഹിപ്പിക്കുകയും യാത്രികർക്ക്​ പൂർണ ഗതാഗത സൗകര്യം ഒരുക്കുകയുമാണ്​ ഇതിലൂടെ ലക്ഷ്യം വെക്കുന്നതെന്ന്​ അബ്​ദുല്ല അബ്​ദുൽ അസീസ്​ അൽ സുബൈ പറഞ്ഞു.