വിദേശികൾക്കായി ഇ എ എ ഫൗണ്ടേഷൻ സ്കോളർഷിപ്പ്
text_fieldsദോഹ: രാജ്യത്താദ്യമായി വിദേശികൾക്ക് സ്കോളർഷിപ്പുമായി എജ്യുക്കേഷൻ ആൾ എബോവ് ഫൗണ്ടേഷൻ. ഇ എ എ ഫൗണ്ടേഷന് കീഴിലെ അൽ ഫഖൂറ പരിപാടിയുടെ ഭാഗമായാണ് സ്കോളർഷിപ്പ് നൽകുന്നത്. ഔഖാഫ്, ഇസ്ലാമികകാര്യ മന്ത്രാലയവുമായി സഹകരിച്ച് നടപ്പാക്കുന്ന സ്കോളർഷിപ്പ് പുതിയ വിദ്യാഭ്യാസ വർഷത്തിൽ ആരംഭിച്ചിട്ടുണ്ട്. ഖത്തർ യൂനിവേഴ്സിറ്റി, കോളേജ് ഓഫ് നോർത്ത് അത്ലാൻറിക് ഖത്തർ, സ്റ്റെൻഡൻ യൂനിവേഴ്സിറ്റി, കാൽഗരി യൂനിവേഴ്സിറ്റി എന്നീ സ്ഥാപനങ്ങളിൽ ഉന്നത പഠനം പൂർത്തിയാക്കിയ 17നും 25നും ഇടയിലുള്ള വിദേശികളായ വിദ്യാർഥികളുടെ ശാക്തീകരണം ലക്ഷ്യം വെച്ചാണ് സ്കോളർഷിപ്പ് പദ്ധതി നടപ്പാക്കുന്നത്.
ഇസ്ലാമിക സംസ്കാരത്തിൽ ഏറെ പ്രധാന്യത്തോടെ കാണുന്ന വഖ്ഫ് പദ്ധതിയുടെ ഭാഗമായാണ് പദ്ധതിയെന്നും സാമൂഹിക വളർച്ചയിൽ വഖ്ഫ് പദ്ധതിയുടെ പങ്ക് വലുതാണെന്നും മന്ത്രാലയത്തിലെ ഔഖാഫ് ജനറൽ അഡ്മിനിസ്േട്രഷൻ ഡയറക്ടർ ജനറൽ ഡോ. ഖാലിദ് ബിൻ മുഹമ്മദ് ബിൻ ഗാനിം ആൽഥാനി പറഞ്ഞു.സാമൂഹിക വളർച്ചയിൽ യുവാക്കളുടെ പങ്ക് നേരിട്ടെത്തിക്കുന്നതിനായുള്ള ഫൗണ്ടേഷെൻറ നിക്ഷേപമാണ് പദ്ധതിയെന്ന് ഇ എ എ സി ഇ ഒ ഫഹദ് അൽ സുലൈതി പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.