Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightQatarchevron_rightഖത്തർ:...

ഖത്തർ: വന്യജീവിസൗന്ദര്യം ഒപ്പിയെടുത്ത്​ മൽസരം; മുസഫർ അലിക്ക് രണ്ടാം സ്​ഥാനം  

text_fields
bookmark_border
ഖത്തർ: വന്യജീവിസൗന്ദര്യം ഒപ്പിയെടുത്ത്​ മൽസരം; മുസഫർ അലിക്ക് രണ്ടാം സ്​ഥാനം  
cancel
camera_alt?????????? ???????? ????????????? ?????????? ?????? ??????? ????? ?????? ????? �??????? ????? ??? ??????? ???????????????

ദോഹ: മുനിസിപ്പാലിറ്റി പരിസ്​ഥിതി മന്ത്രാലയം കഴിഞ്ഞ വർഷം ഒക്ടോബറിൽ സംഘടിപ്പിച്ച പരിസ്​ഥിതി വന്യജീവി ഫോ​​ ട്ടോഗ്രഫി മത്സര വിജയികളെ പ്രഖ്യാപിച്ചു. ഖത്തരിയായ മുഹമ്മദ് ഈസ അൽ കുവാരി ഒന്നാം സ്​ഥാനം (11,000 റിയാൽ) കരസ്​ഥമാക്കിയപ്പോൾ മലയാളിയായ മുസഫർ അലി പറമ്പത്ത് രണ്ടാം സ്​ഥാനം (9000 റിയാൽ) നേടി. ടോഹ് നെൻഗായി ലെൻഗ് മൂന്നാം സ്​ഥാനവും (7000  റിയാൽ) നേടി.

ഖത്തറിലെ ഇർകിയ ഫാമിൽ നിന്ന്​ പകർത്തിയ മൂങ്ങവര്‍ഗത്തില്‍ പെട്ട പക്ഷി തൻെറ കുഞ്ഞിന് തീറ്റയായി എലിയെ നൽകുന്ന ഫോട്ടോയാണ് മുസഫര്‍ അലിക്ക്​ അവാര്‍ഡ് നേടിക്കൊടുത്തത്. 10 വർഷമായി ഖത്തറിൽ ഉരീദുവിൽ ജോലി ചെയ്യുകയാണ്​. മെക്കാനിക്കൽ എഞ്ചിനീയർ ആണ്. കണ്ണൂർ ജില്ലയിലെ പാനൂർ കൈവേലിക്കൽ സ്വദേശിയാണ്. ഭാര്യ:  ഹിഷാന. മകള്‍: റീഷ് ലീന്‍. 

ഖത്തർ ഫോട്ടോഗ്രഫിക് സൊസൈറ്റിയുമായി സഹകരിച്ച് മന്ത്രാലയത്തിന് കീഴിലെ പരിസ്​ഥിതി വകുപ്പ് സംഘടിപ്പിച്ച  മത്സരത്തിൽ ആകെ 32 വിജയികളാണ് തെരഞ്ഞെടുക്കപ്പെട്ടത്. ഫോട്ടോഗ്രഫി വിഭാഗത്തിൽ 20 പേർക്ക് ടോപ് അവാർഡുകളും 10 പേർക്ക് സ്​പെഷ്യൽ അവാർഡുകളും സമ്മാനിച്ചു. വീഡിയോ വിഭാഗത്തിൽ രണ്ട്​ അവാർഡുകളാണ്  നൽകിയത്.

മത്സരത്തിൽ 502 പേരാണ് പങ്കെടുത്തത്. 1037  ഫോട്ടോകൾ മത്സര വിഭാഗത്തിനായി ലഭിച്ചു. 65 വീഡിയോകളും ലഭിച്ചു.
മലയാളികളായ മുഹമ്മദ് അഷ്റഫ്, മുഹമ്മദ് സാജിത്, അബ്ദുസ്സലീം എന്നിവർ യഥാക്രമം എട്ട്, ഒമ്പത്, പത്ത് സ്​ഥാനങ്ങളിലെത്തി. 3000 റിയാലാണ് ഇവർക്ക് ലഭിച്ചത്. ശ്രീജിത്ത് ശ്രീധരൻ, ശബീർ അലി, ജൈസൽ, ഷിറാസ്​ അബ്ദുല്ല  എന്നിവരും സമ്മാനം നേടിയവരിൽ ഉൾപ്പെടുന്നു.

 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:qatarmalayalam
News Summary - qatar photo contest
Next Story