ഖത്തർ- പീസ്​ ഇൻസ്​റ്റിറ്റ്യൂഷൻ പങ്കാളിത്തകരാറിൽ ഒപ്പുവെച്ചു

ദോഹ: ഖത്തറും ഇൻറർനാഷനൽ പീസ്​ ഇൻസ്​റ്റിറ്റ്യൂട്ടും (ഐ.പി.ഐ) തമ്മിൽ പങ്കാളിത്തകരാറിൽ ഒപ്പുവെച്ചു.

ന്യൂയോർക്കിലെ ഐക്യരാഷ്​ട്രസഭ ആസ്​ഥാനത്ത് ഖത്തറി​െൻറ സ്​ഥിരംസമിതി ഓഫിസിൽ നടന്ന ചടങ്ങിൽ ഖത്തറിനെ പ്രതിനിധാനംചെയ്​ത്​ ഐക്യരാഷ്​ട്രസഭയിലെ സ്​ഥിരം പ്രതിനിധി ശൈഖ അൽയാ അഹ്മദ് ബിൻത്​ സൈഫ് ആൽഥാനിയും ഐ.പി.ഐക്ക് വേണ്ടി പ്രസിഡൻറും സി.ഇ.ഒയുമായ പ്രിൻസ്​ സൈദ് ബിൻ റഅദ് അൽ ഹുസൈനും കരാറിൽ ഒപ്പുവെച്ചു.

ന്യൂയോർക് ആസ്​ഥാനമായി സ്വതന്ത്ര, അന്താരാഷ്​ട്ര സംഘടനയാണ് ഇൻറർനാഷനൽ പീസ്​ ഇൻസ്​റ്റിറ്റ്യൂട്ട്. സമാധാനവും സുരക്ഷയും സുസ്​ഥിര വികസനവും സ്​ഥാപിക്കുന്നതിനും ഉയർത്തിക്കൊണ്ടുവരുന്നതിലും പ്രവർത്തനം കേന്ദ്രീകരിച്ചിരിക്കുന്ന ഐ.പി.ഐ, 1970ലാണ് സ്​ഥാപിക്കപ്പെടുന്നത്. ലോകത്തുടനീളം സായുധ സംഘട്ടനങ്ങൾ ഇല്ലാതാക്കുന്നതിലും സമാധാനം പുനഃസ്​ഥാപിക്കുന്നതിലും ഐ.പി.ഐയുടെ പങ്ക് വലിയതാണ്. ആഫ്രിക്കയിലും മധ്യ പൗരസ്​ത്യ ഏഷ്യയിലും യൂറോപ്പിലും മധ്യേഷ്യയിലും പ്രവർത്തിക്കുന്നുണ്ട്.