ഖത്തർ നിലമ്പൂർ കൂട്ടം വാർഷികാഘോഷം ഇന്ന്

ദോഹ: ഖത്തർ പ്രവാസികളായ നിലമ്പൂരുകാരുടെ കൂട്ടായ്മ ‘ഖത്തർ നിലമ്പൂർ കൂട്ടം’ 12ാം വാർഷികാഘോഷത്തിന്റെ ഭാഗമായി സംഘടിപ്പിക്കുന്ന നിലമ്പൂർ പാട്ടുത്സവം -സീസൺ 12 ഇന്ന് വൈകീട്ട് നാലു മുതൽ ഐ.സി.സി അശോക ഹാളിൽ നടക്കും. നിലമ്പൂരിന്റെ കലാ -സാഹിത്യ -സാംസ്കാരിക പൈതൃകം അവതരിപ്പിച്ച് നിരവധി പരിപാടികൾ നടക്കും. നിലമ്പൂർ എം.എൽ.എ ആര്യാടൻ ഷൗക്കത്ത്, പിന്നണി ഗായിക സരിഗമപ ഫെയിം കീർത്തന, ചലച്ചിത്ര താരങ്ങൾ, സാംസ്കാരിക നായകർ തുടങ്ങി നാട്ടിലെയും ഖത്തറിലെയും കലാപ്രതിഭകൾ പാട്ടുത്സവത്തിന്റെ ഭാഗമാകും. നിലമ്പൂർ പാട്ടുത്സവത്തിലേക്ക് മുഴുവൻ ഖത്തർ പ്രവാസികളെയും സ്വാഗതം ചെയ്യുന്നതായി ഭാരവാഹികൾ അറിയിച്ചു.