You are here

സ്വദേശിവൽകരണം ഊർജിതമാക്കി ഖത്തർ

  • ഖത്തരികൾക്ക് ജോലിക്കായി പുതിയ ഒൺലൈൻ പോർട്ടൽ

21:14 PM
15/07/2020

ദോഹ: വിവിധമേഖലകളിൽ രാജ്യം സ്വദേശിവത്​കരണം ഊർജിതമാക്കുന്നു. സ്വദേശിവൽകരണത്തി​െൻറ ഭാഗമായി  ഖത്തരികൾക്ക് അനുയോജ്യമായ തൊഴിൽ കണ്ടെത്തുന്നതിന് പ്രാപ്തമാക്കുന്ന പുതിയ ഒൺലൈൻ പോർട്ടൽ ഉടൻ ആരംഭിക്കുമെന്ന് ഭരണവികസന, തൊഴിൽ സാമൂഹിക മന്ത്രാലയം അഡ്മിനിസ്​േട്രറ്റീവ് വിഭാഗം അസി. അണ്ടർ സെക്രട്ടറി  അബ്ദുല്ല മുസല്ലം അൽ ദോസരി വ്യക്തമാക്കി.

സ്വകാര്യ കമ്പനികളിൽ കൂടി ജോലി കണ്ടെത്താൻ വിധത്തിലുള്ള സംവിധാനമാണ് ഒരുക്കുകയെന്നും അൽ ദോസരി  അറിയിച്ചു. ഖത്തർ സർക്കാർ ഉടമസ്​ഥതയിലുള്ളതും സർക്കാർ പിന്തുണയോടെ പ്രവർത്തിക്കുന്നതുമായ കമ്പനികളിൽ 60  ശതമാനം ഖത്തരികളെ ഉൾപ്പെടുത്തണമെന്ന കരട് തീരുമാനം നടപ്പിലാക്കുന്നതുമായി ബന്ധപ്പെട്ടാണ് പുതിയ ഒൺലൈൻ  പോർട്ടൽ ആരംഭിക്കുന്നത്. റിട്ടയർമ​െൻറ്–പെൻഷൻ നിയമവുമായി ബന്ധപ്പെട്ട് പ്രവർത്തിക്കുന്ന കമ്പനികളിലും ഖത്തരി ഉടമസ്​ഥതയിലുള്ള  കമ്പനികളിലും 60 ശതമാനം ഖത്തരികളുടെ നിയമനം നടപ്പാക്കുന്നതുമായി ബന്ധപ്പെട്ട കരട് തീരുമാനത്തെ സംബന്ധിച്ച്  മന്ത്രാലയ ആസ്​ഥാനത്ത് നടന്ന വാർത്താസമ്മേളനത്തിലാണ് അദ്ദേഹം ഇക്കാര്യം വ്യക്തമാക്കിയത്.

കമ്പനികളിൽ ജോലി ചെയ്യുന്നതിനാവശ്യമായ യോഗ്യത ഉണ്ടായിരിക്കെ പുറത്തു നിന്നുള്ള തൊഴിൽ കരാറുകൾ  അനുവദിക്കുകയില്ലെന്നും അദ്ദേഹം ചൂണ്ടിക്കാട്ടി. ഖത്തർ സർക്കാറിൻെറ ഉടമസ്​ഥതയിലുള്ളതോ പങ്കാളിത്തമുള്ളതോ ആയ മേഖലകളിലും കമ്പനികളിലും ഖത്തരികളായ  ജോലിക്കാരുടെ എണ്ണം അറുപത്​ ശതമാനമാക്കി ഉയർത്താനുള്ള നിയമത്തിൻെറ കരടിന്​ മന്ത്രിസഭ കഴിഞ്ഞ ദിവസം അംഗീകാരം നൽകിയിരുന്നു​. 

സ്വകാര്യമേഖലയിലെ സ്​ഥാപനങ്ങളിലും കമ്പനികളിലും ഖത്തരികളുടെയും വിദേശികളു​െടയും അനുപാതം നിശ്​ചയിക്കാനുള്ള തീരുമാനത്തിനും​ മന്ത്രിസഭ അംഗീകാരം നൽകിയിട്ടുണ്ട്​. ഭരണവികസന തൊഴിൽ സാമൂഹികകാര്യ മന്ത്രിയാണ്​ ഇതുസംബന്ധിച്ച കരട്​ അവതരിപ്പിച്ചത്​. ഇതുപ്രകാരം സർക്കാർ ഉടമസ്​ഥതയിലുള്ളതോ സർക്കാർ നിക്ഷേപമുള്ളതോ ആയ സ്​ഥാപനങ്ങളിൽ ഖത്തരികളായ ​ േജാലിക്കാരുടെ എണ്ണം 60 ശതമാനമാക്കി വർധിപ്പിക്കും. മൊത്തം രാജ്യത്തിൻെറ മാനവവിഭവശേഷിയിൽ ഖത്തരികളുടെ  എണ്ണം എൺപത്​ ശതമാനമായി വർധിപ്പിക്കാനും കരട്​നിയമം ശുപാർശ ​െചയ്യുന്നുണ്ട്​.

തൊഴിൽ മേഖല സ്വദേശിവത്​കരിക്കു​​േമ്പാഴും ഖത്തരികളുടെ അനുപാതം ഉയർത്തു​േമ്പാഴും ഖത്തരി സ്​ത്രീകളുടെ മക്കളെയും ഖത്തരി പൗരൻമാരായി പരിഗണിക്കും. ഭരണ വികസന തൊഴിൽ സാമൂഹ്യകാര്യ മന്ത്രാലയത്തിൽ ഖത്തരിവൽക്കരണത്തിനായി നീക്കിവെക്കപ്പെട്ട  തൊഴിലുകളിൽ സ്വദേശികളല്ലാത്തവരെ നിയമിക്കുന്നതിൽ നിന്ന് ബന്ധപ്പെട്ട അധികാരികളെ വിലക്കുകയും ചെയ്യുന്നുണ്ട്​.  നേരത്തേ തന്നെ രാജ്യത്ത്​ വിവിധ മേഖലകളിൽ സ്വദേശിവത്​കരണം സജീവമാണ്​.
 

Loading...
COMMENTS