ഖ​ത്ത​ർ ദേ​ശീ​യ കാ​യി​ക ദി​നം; സ്പോർട്സ് ഈസ് ലൈഫ്

ദോ​ഹ: പാ​ഡ​ൽ ടെ​ന്നി​സ് റാ​ക്ക​റ്റു​മേ​ന്തി അ​മീ​ർ ​ശൈ​ഖ് ത​മീം ബി​ൻ ഹ​മ​ദ് ആ​ൽ ഥാ​നി, അ​ൽ നൂ​ർ ഇ​ൻ​സ്റ്റി​റ്റ്യൂ​ട്ടി​ലെ വി​ദ്യാ​ർ​ഥി​ക​ൾ​ക്കൊ​പ്പം ക​ളി​ച്ചും സൗ​ഹൃ​ദം പ​ങ്കു​വെ​ച്ചും പ്ര​ധാ​ന​മ​ന്ത്രി​യും വി​ദേ​ശ​കാ​ര്യ​മ​ന്ത്രി​യു​മാ​യ ശൈ​ഖ് മു​ഹ​മ്മ​ദ് ബി​ൻ അ​ബ്ദു​ർ​റ​ഹ്മാ​ൻ ആ​ൽ ഥാ​നി, ഖ​ത്ത​ർ ഫൗ​ണ്ടേ​ഷ​നു​കീ​ഴി​ൽ എ​ജു​ക്കേ​ഷ​ൻ സി​റ്റി​യി​ൽ ന​ട​ന്ന വി​വി​ധ കാ​യി​ക പ​രി​പാ​ടി​ക​ളി​ൽ സ​ജീ​വ​മാ​യി ശൈ​ഖ മൗ​സ ബി​ൻ​ത് നാ​സ​ർ, ലു​സൈ​ലി​ലെ ടീം ​ഖ​ത്ത​ർ വി​ല്ലേ​ജി​ലെ കാ​യി​കാ​ഘോ​ഷ​ങ്ങ​ൾ​ക്ക് നേ​തൃ​ത്വ​മാ​യി ഖ​ത്ത​ർ ഒ​ളി​മ്പി​ക് ക​മ്മി​റ്റി അ​ധ്യ​ക്ഷ​ൻ ശൈ​ഖ് ജു​ആ​ൻ ബി​ൻ ഹ​മ​ദ് ആ​ൽ ഥാ​നി, ഓ​ൾ​ഡ് ദോ​ഹ പോ​ർ​ട്ടി​ൽ അ​മ്പെ​യ്തു​കൊ​ണ്ട് സ​ജീ​വ​മാ​യി വി​ദ്യാ​ഭ്യാ​സ മ​ന്ത്രി ലു​ൽ​വ ബി​ൻ​ത് റാ​ശി​ദ് അ​ൽ ഖാ​തി​ർ...

അ​ങ്ങ​നെ രാ​ഷ്ട്ര നേ​താ​ക്ക​ൾ, മ​ന്ത്രി​മാ​ർ, മു​തി​ർ​ന്ന ഉ​ദ്യോ​ഗ​സ്ഥ​ർ, രാ​ജ​കു​ടും​ബാം​ഗ​ങ്ങ​ൾ, സൈ​നി​ക -പൊ​ലീ​സ് മേ​ധാ​വി​ക​ൾ എ​ല്ലാ​വ​രും മൈ​താ​ന​ങ്ങ​ളി​ലും പാ​ർ​ക്കു​ക​ളി​ലും ഒ​ന്നി​ച്ച് ഖ​ത്ത​റി​ന്റെ ദേ​ശീ​യ കാ​യി​ക​ദി​നം ആ​ഘോ​ഷ​മാ​ക്കി.

ചൊ​വ്വാ​ഴ്ച സൂ​ര്യ​ൻ ഉ​ദി​ച്ചു​യ​രും മു​മ്പു​ത​ന്നെ ഖ​ത്ത​റി​ലെ തെ​രു​വു​ക​ളും പാ​ർ​ക്കു​ക​ളും പൊ​തു ഇ​ട​ങ്ങ​ളും ക​ളി​സ്ഥ​ല​ങ്ങ​ളു​മെ​ല്ലാം സ​ജീ​വ​മാ​യി​രു​ന്നു. ഓ​രോ​രു​ത്ത​രു​ടെ​യും സ്വ​കാ​ര്യ​മാ​യ വ്യാ​യാ​മ​വും കാ​യി​ക പ​രി​ശീ​ല​ന​വും ​നാ​ടി​ന്റെ ആ​ഘോ​ഷ​മാ​യി​ത്ത​ന്നെ പൊ​തു​വേ​ദി​ക​ളി​ലെ​ത്തി​യ ദി​നം.

കാ​യി​ക​ക്ഷ​മ​ത​യി​ലൂ​ടെ ആ​രോ​ഗ്യ​ക​ര​മാ​യ ജീ​വി​ത​വും ആ​രോ​ഗ്യ​മു​ള്ള സ​മൂ​ഹ​വും എ​ന്ന സ​ന്ദേ​ശ​വു​മാ​യി രാ​ജ്യം​ത​ന്നെ ഇ​റ​ങ്ങി​യ​പ്പോ​ൾ നേ​തൃ​ത്വ​വു​മാ​യി അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ ഥാ​നി​യെ​ത്തി. റാ​സ് അ​ബ്രൂ​ക് റി​സോ​ർ​ട്ടി​ൽ ന​ട​ന്ന ദേ​ശീ​യ കാ​യി​ക ദി​ന​പ​രി​പാ​ടി​ക​ളി​ലാ​ണ് അ​മീ​ർ പ​​ങ്കെ​ടു​ത്ത​ത്.

ഖ​ത്ത​ർ പാ​ഡെ​ൽ ജൂ​നി​യ​ർ ടീം ​അം​ഗ​ങ്ങ​ൾ, ദു​ഖാ​ൻ പ്രൈ​മ​റി ബോ​യ്സ് സ്കൂ​ൾ വി​ദ്യാ​ർ​ഥി​ക​ൾ എ​ന്നി​വ​ർ​ക്കൊ​പ്പം പാ​ഡെ​ൽ ടെ​ന്നി​സ് റാ​ക്ക​റ്റേ​ന്തി അ​മീ​ർ അ​വ​രി​ൽ ഒ​രാ​ളാ​യി മാ​റി. കു​ട്ടി​ക​ളെ ഓ​മ​നി​ച്ചും അ​വ​രു​മാ​യി ക​ളി​ച്ചും പ്രോ​ത്സാ​ഹ​നം ന​ൽ​കി​യും അ​മീ​ർ ദേ​ശീ​യ കാ​യി​ക​ദി​നാ​ഘോ​ഷ​ത്തി​ൽ പ​​ങ്കു​ചേ​ർ​ന്നു.

കാ​ഴ്ച​പ​രി​മി​ത​രു​ടെ പ​ഠ​ന​കേ​ന്ദ്ര​മാ​യ അ​ൽ നൂ​ർ ഇ​ൻ​സ്റ്റി​റ്റ്യൂ​ട്ടി​ൽ സാ​മൂ​ഹി​ക വി​ക​സ​ന, കു​ടും​ബ മ​ന്ത്രാ​ല​യം നേ​തൃ​ത്വ​ത്തി​ൽ ന​ട​ന്ന പ​രി​പാ​ടി​യി​ലാ​ണ് പ്ര​ധാ​ന​മ​ന്ത്രി അ​തി​ഥി​യാ​യെ​ത്തി​യ​ത്. മ​ന്ത്രി ബു​ഥൈ​ന ബി​ൻ​ത് അ​ലി അ​ൽ ജാ​ബി​ർ നു​ഐ​മി​യും പ​​ങ്കെ​ടു​ത്തു.

ഖ​ത്ത​ർ സോ​ഷ്യ​ൽ വ​ർ​ക്ക് ഫൗ​ണ്ടേ​ഷ​ന് കീ​ഴി​ലെ ശ​ഫ​ല്ലാ​ഹ് സെ​ന്റ​ർ, അ​ൽ നൂ​ർ ഇ​ൻ​സ്റ്റി​റ്റ്യൂ​ട്ട്, ഡ്രീ​മ സെ​ന്റ​ർ എ​ന്നി​വ​ട​ങ്ങ​ളി​ൽ നി​ന്നു​ള്ള അം​ഗ​ങ്ങ​ൾ വി​വി​ധ പ​രി​പാ​ടി​ക​ളി​ൽ പ​ങ്കു​ചേ​ർ​ന്നു.

അ​മീ​രി ഗാ​ർ​ഡ് നേ​തൃ​ത്വ​ത്തി​ൽ ബ​ർ​സാ​ൻ ക്യാ​മ്പി​ൽ ഉ​ദ്യോ​ഗ​സ്ഥ​ർ, സൈ​നി​ക​ർ, അ​മീ​രി ഗാ​ർ​ഡി​ൽ നി​ന്നു​ള്ള സി​വി​ലി​യ​ന്മാ​ർ എ​ന്നി​വ​ർ​ക്കാ​യി ഫു​ട്ബാ​ൾ, കു​തി​ര​യോ​ട്ടം, പാ​ഡ​ൽ, ഓ​ട്ട മ​ത്സ​രം, ഫു​ട്ബാ​ൾ ഉ​ൾ​പ്പെ​ടെ മ​ത്സ​ര​ങ്ങ​ൾ സം​ഘ​ടി​പ്പി​ച്ചു.

‘ഒ​രി​ക്ക​ലും വൈ​ക​രു​ത്’ എ​ന്ന പ്ര​മേ​യ​ത്തി​ൽ വ്യാ​യാ​മ​ത്തി​ന്റെ​യും സ്​​പോ​ർ​ട്സി​ന്റെ​യും പ്രാ​ധാ​ന്യം ബോ​ധ്യ​പ്പെ​ടു​ത്തും വി​ധ​ത്തി​ലാ​യി​രു​ന്നു രാ​ജ്യ​ത്തി​ന്റെ വി​വി​ധ ഭാ​ഗ​ങ്ങ​ളി​ലാ​യി ദേ​ശീ​യ കാ​യി​ക​ദി​ന പ​രി​പാ​ടി​ക​ൾ അ​ര​ങ്ങേ​റി​യ​ത്.

എ​ജു​ക്കേ​ഷ​ൻ സി​റ്റി സ്റ്റേ​ഡി​യം, ലു​സൈ​ൽ സ്​​പോ​ർ​ട്സ് അ​റീ​ന, ബ​ർ​സാ​ൻ ഒ​ളി​മ്പി​ക് പാ​ർ​ക്ക്, അ​ൽ ബി​ദ്ദ പാ​ർ​ക്ക്, ദോ​ഹ തു​റ​മു​ഖം, ബ​ർ​ഹാ​ത് മു​ശൈ​രി​ബ്, മു​ശൈ​രി​ബ്, ഓ​ക്സി​ജ​ൻ പാ​ർ​ക്ക്, ക​താ​റ ക​ൾ​ച്ച​റ​ൽ വി​ല്ലേ​ജ്, പേ​ൾ ഖ​ത്ത​ർ, ജി​വാ​ൻ ഐ​ല​ൻ​ഡ്, അ​ൽ ഷ​ഹാ​നി​യ സ്​​പോ​ർ​ട്സ് ക്ല​ബ്, ഉം ​സ​ലാ​ൽ സ്​​പോ​ർ​ട്സ് ക്ല​ബ്, അ​ൽ ഖോ​ർ സ്​​പോ​ർ​ട്സ് ക്ല​ബ്, ആ​സ്പ​യ​ർ പാ​ർ​ക്ക് തു​ട​ങ്ങി രാ​ജ്യ​ത്തി​​ന്റെ വി​വി​ധ മേ​ഖ​ല​ക​ളി​ൽ ചെ​റു​തും വ​ലു​തു​മാ​യ കാ​യി​ക പ്ര​വ​ർ​ത്ത​ന​ങ്ങ​ളും വ്യാ​യാ​മ​വു​മാ​യി കാ​യി​ക ദി​നം ആ​ച​രി​ച്ചു.

കു​ട്ടി​ക​ളും കു​ടും​ബ​ങ്ങ​ളും മു​തി​ർ​ന്ന​വ​രു​മെ​ല്ലാം സ്​​പോ​ർ​ട്സ് വേ​ഷ​ങ്ങ​ളി​ൽ സം​ഗ​മി​ച്ച​പ്പോ​ൾ പു​തി​യ ക​ളി​ക​ൾ പ​രി​ശീ​ലി​പ്പി​ക്കാ​നും, വി​വി​ധ ക​ളി​ക​ൾ അ​റി​യാ​നും അ​വ​സ​ര​മൊ​രു​ക്കി​യി​രു​ന്നു. ഖ​ത്ത​ർ ഒ​ളി​മ്പി​ക് ക​മ്മി​റ്റി, കാ​യി​ക മ​ന്ത്രാ​ല​യം, സ്​​പോ​ർ​ട്സ് ഫോ​ർ ഓ​ൾ ഫെ​ഡ​റേ​ഷ​ൻ എ​ന്നി​വ​യു​ടെ നേ​തൃ​ത്വ​ത്തി​ൽ അ​ടി​സ്ഥാ​ന സൗ​ക​ര്യ​ങ്ങ​ളും സ​ജ്ജ​മാ​ക്കി.

ഹ​മ​ദ് മെ​ഡി​ക്ക​ൽ കോ​ർ​പ​റേ​ഷ​ൻ ഉ​ൾ​പ്പെ​ടെ ആ​രോ​ഗ്യ മേ​ഖ​ല സം​വി​ധാ​ന​ങ്ങ​ളും കോ​ർ​പ​റേ​റ്റു​ക​ൾ, ക​മ്പ​നി​ക​ൾ എ​ന്നി​വ​ർ ജീ​വ​ന​ക്കാ​ർ​ക്കും അ​വ​രു​ടെ കു​ടും​ബ​ങ്ങ​ൾ​ക്കു​മാ​യി വി​നോ​ദ​പ​രി​പാ​ടി​ക​ൾ സം​ഘ​ടി​പ്പി​ച്ചു. അ​തി​രാ​വി​ലെ തു​ട​ങ്ങി​യ കാ​ഴ്ച​ക​ൾ ഉ​ച്ച​വ​രെ നീ​ണ്ടു​നി​ന്നു.

പൊ​തു അ​വ​ധി ദി​ന​മാ​യ​തി​നാ​ൽ സ​ർ​ക്കാ​ർ, സ്വ​കാ​ര്യ മേ​ഖ​ല സ്ഥാ​പ​ന​ങ്ങ​ൾ അ​വ​ധി ന​ൽ​കി പൊ​തു ജ​ന​ങ്ങ​ളു​ടെ സാ​ന്നി​ധ്യം സ​ജീ​വ​മാ​ക്കി.