ഇന്ത്യക്കാരുടെ പങ്ക്​ മഹത്തരം, നന്ദി

ദോഹ: ഖത്തറി​​െൻറ വളർച്ചയിലും വികാസത്തിലും ഇന്ത്യക്കാരുടെ പങ്ക്​ മഹത്തരമാണെന്നും ഇത്​​ ഏറെ വിലമതിക്കുന്നതാ യും ഖത്തർ മ്യൂസിയംസ്​ ചെയർപേഴ്​സൺ ശൈഖ മയാസ പറഞ്ഞു. ദേശീയ മ്യൂസിയത്തി​​െൻറ ഉദ്​ഘാടനത്തോടനുബന്ധിച്ച്​ ഇന്ത്യൻ മാധ്യമങ്ങളോട്​ സംസാരിക്കുകയായിരുന്നു അവർ. 2019 എന്നത്​ ഖത്തർ^ഇന്ത്യ സാംസ്​കാരിക വർഷമാണ്​. നിരവധി പരിപാടികളാണ്​ ഇതി​​െൻറ ഭാഗമായി നടക്കുന്നത്​. ഇരുരാജ്യങ്ങളും തമ്മിലുള്ള ബന്ധവും മ്യൂസിയം പറയുന്നുണ്ട്​. നിരവധി ഇന്ത്യക്കാരും മ്യൂസിയം നിർമാണത്തി​​െൻറ വിവിധ മേഖലകളിലുമായി ബന്ധപ്പെട്ട്​ പ്രവർത്തിച്ചിട്ടുണ്ടെന്നും അവർ പറഞ്ഞു.