സീ​ഫാ​റേ​ഴ്സ് ദി​നം ആ​ച​രി​ച്ച് ഖ​ത്ത​ർ ഗ​താ​ഗ​ത മ​ന്ത്രാ​ല​യം

ദോ​ഹ: അ​ന്താ​രാ​ഷ്ട്ര ‘സീ​ഫാ​റേ​ഴ്സ്’ ദി​നാ​​ച​ര​ണ​ത്തി​ൽ പ​ങ്കു​ചേ​ർ​ന്ന് ഖ​ത്ത​ർ ഗ​താ​ഗ​ത മ​ന്ത്രാ​ല​യം. സ​മു​ദ്ര ഗ​താ​ഗ​ത​ത്തി​ൽ നി​ർ​ണാ​യ​ക പ​ങ്കു​വ​ഹി​ക്കു​ന്ന ക​പ്പ​ൽ ജീ​വ​ന​ക്കാ​ർ​ക്കു​ള്ള ആ​ദ​ര​മാ​യി എ​ല്ലാ വ​ർ​ഷ​വും ജൂ​ൺ 25നാ​ണ് അ​ന്താ​രാ​ഷ്ട്ര സീ​ഫാ​റേ​ഴ്സ് ദി​നം ആ​ച​രി​ക്കു​ന്ന​ത്.

ച​ര​ക്കു​നീ​ക്ക​വും യാ​ത്ര​ക്കാ​രു​ടെ സ​ഞ്ചാ​ര​വു​മാ​യി ക​ട​ൽ​ഗ​താ​ഗ​ത​ത്തി​ന്റെ ജീ​വ​നാ​ഡി​യാ​യ ക​പ്പ​ൽ ജീ​വ​ന​ക്കാ​ർ​ക്കു​ള്ള അ​ന്താ​രാ​ഷ്ട്ര സ​മൂ​ഹ​ത്തി​ന്റെ ആ​ദ​ര​മാ​ണ് ‘സീ​ഫാ​റേ​ഴ്സ് ദി​നം’. ഐ​ക്യ​രാ​ഷ്ട്ര​സ​ഭ നേ​തൃ​ത്വ​ത്തി​ൽ സ​ർ​ക്കാ​റു​ക​ൾ, ക​പ്പ​ൽ സം​ഘ​ട​ന​ക​ൾ, ക​മ്പ​നി​ക​ൾ, ക​പ്പ​ൽ ഉ​ട​മ​ക​ൾ, ജീ​വ​ന​ക്കാ​ർ എ​ല്ലാ​വ​രും ചേ​ർ​ന്നാ​ണ് ഈ ​ദി​നം ആ​ഘോ​ഷി​ക്കു​ന്ന​ത്.

അ​വ​ർ​ക്കു​ള്ള ആ​ദ​ര​മാ​യാ​ണ് ഗ​താ​ഗ​ത മ​ന്ത്രാ​ല​യം സൈ​ക്ലി​ങ് ഉ​ൾ​പ്പെ​​ടെ പ​രി​പാ​ടി​ക​ൾ സം​ഘ​ടി​പ്പി​ച്ച​ത്. വ​ക്റ ബ​സ് സ്റ്റേ​ഷ​നി​ൽ​നി​ന്നും ആ​രം​ഭി​ച്ച ഹ​മ​ദ് തു​റ​മു​ഖ​ത്ത് സ​മാ​പി​ച്ച സൈ​ക്ലി​ങ്ങി​ൽ ഗ​താ​ഗ​ത മ​ന്ത്രാ​ല​യ​ത്തി​ലെ​യും ക​പ്പ​ൽ ഗ​താ​ഗ​ത വി​ഭാ​ഗ​ത്തി​ലെ​യും ജീ​വ​ന​ക്കാ​ർ പ​​ങ്കെ​ടു​ത്തു. ഹ​മ​ദ് തു​റ​മു​ഖ​ത്തെ​ത്തി​യ സൈ​ക്ലി​ങ് റൈ​ഡി​നെ ന​ങ്കൂ​ര​മി​ട്ട ക​പ്പ​ലു​ക​ൾ സൈ​റ​ൺ മു​ഴ​ക്കി​യാ​ണ് വ​ര​വേ​റ്റ​ത്.