സേ​വ​ന​ങ്ങ​ളി​ൽ സാ​​ങ്കേ​തി​ക മി​ക​വു​മാ​യി മു​നി​സി​പ്പാ​ലി​റ്റി മ​ന്ത്രാ​ല​യം

ദോ​ഹ: ഭൂ​മി അ​നു​വ​ദി​ക്ക​ലും കെ​ട്ടി​ട പെ​ർ​മി​റ്റ് വി​ത​ര​ണ​വും വേ​ഗ​ത്തി​ലാ​ക്കാ​ൻ അ​ത്യാ​ധു​നി​ക ഡി​ജി​റ്റ​ൽ സം​വി​ധാ​ന​ങ്ങ​ൾ ഉ​പ​യോ​ഗ​​പ്പെ​ടു​ത്തി മു​നി​സി​പ്പാ​ലി​റ്റി മ​ന്ത്രാ​ല​യം.

സേ​വ​ന​ങ്ങ​ളു​ടെ ഗു​ണ​നി​ല​വാ​രം വ​ർ​ധി​പ്പി​ക്കു​ന്ന​തി​നും അ​ടി​സ്ഥാ​ന സൗ​ക​ര്യ​ങ്ങ​ൾ മെ​ച്ച​പ്പെ​ടു​ത്തു​ന്ന​തും ല​ക്ഷ്യ​മി​ട്ടു​ള്ള പ​രി​പാ​ടി​ക​ൾ മ​ന്ത്രാ​ല​യ​ത്തി​ന് കീ​ഴി​ൽ പു​രോ​ഗ​മി​ക്കു​ന്ന​താ​യി മു​നി​സി​പ്പാ​ലി​റ്റി മ​ന്ത്രി അ​ബ്ദു​ല്ല ബി​ൻ ഹ​മ​ദ് ബി​ൻ അ​ബ്ദു​ല്ല അ​ൽ അ​തി​യ്യ പ​റ​ഞ്ഞു.

ശൂ​റാ കൗ​ൺ​സി​ൽ യോ​ഗ​ത്തെ അ​ഭി​സം​ബോ​ധ​ന ചെ​യ്യു​ക​യാ​യി​രു​ന്നു അ​ദ്ദേ​ഹം. 2024-2030 കാ​ല​യ​ള​വി​ലേ​ക്കു​ള്ള മ​ന്ത്രാ​ല​യ​ത്തി​ന്റെ ന​യ​പ​രി​പാ​ടി​ക​ൾ യോ​ഗ​ത്തി​ൽ അ​ദ്ദേ​ഹം വി​ശ​ദീ​ക​രി​ച്ചു. രാ​ജ്യ​ത്തെ ഭ​ക്ഷ്യ​സു​ര​ക്ഷ പ​രി​ശോ​ധി​ക്കു​ന്ന​തി​നും മേ​ൽ​നോ​ട്ടം വ​ഹി​ക്കു​ന്ന​തി​നും ന​ഗ​ര​സ​ഭ​ക​ളു​ടെ പ​ങ്ക് ചൂ​ണ്ടി​ക്കാ​ട്ടി​യ അ​ദ്ദേ​ഹം, ഭ​ക്ഷ്യോ​ൽ​പ​ന്ന​ങ്ങ​ളു​ടെ ഗു​ണ​നി​ല​വാ​ര​വും സു​ര​ക്ഷി​ത​ത്വ​വും ഉ​റ​പ്പാ​ക്കാ​നു​ള്ള പ​ദ്ധ​തി​ക​ളും വ്യ​ക്ത​മാ​ക്കി.

അ​ടി​സ്ഥാ​ന സൗ​ക​ര്യ​ങ്ങ​ൾ വി​ക​സി​പ്പി​ക്കാ​നും പാ​ർ​പ്പി​ട ഭൂ​മി​ക​ൾ സ​ജ്ജ​മാ​ക്കാ​നു​മു​ള്ള മ​ന്ത്രാ​ല​യ​ത്തി​ന്റെ ശ്ര​മ​ങ്ങ​ളും അ​ദ്ദേ​ഹം വി​ശ​ദീ​ക​രി​ച്ചു. പൗ​ര​ന്മാ​ർ​ക്ക് പാ​ർ​പ്പി​ട ഭൂ​മി ഒ​രു​ക്കു​ന്ന​തു​മാ​യി ബ​ന്ധ​പ്പെ​ട്ട് ഭൂ​മി അ​നു​വ​ദി​ക്കാ​നു​ള്ള ന​ട​പ​ടി​ക്ര​മ​ങ്ങ​ൾ കാ​ര്യ​ക്ഷ​മ​മാ​ക്കാ​നും അ​നു​ബ​ന്ധ സേ​വ​ന​ങ്ങ​ൾ മെ​ച്ച​പ്പെ​ടു​ത്താ​നു​മു​ള്ള മ​ന്ത്രാ​ല​യ​ത്തി​ന്റെ ശ്ര​മ​ങ്ങ​ൾ അ​ദ്ദേ​ഹം ചൂ​ണ്ടി​ക്കാ​ട്ടി.