ഖത്തറിലെ പള്ളികൾ ജൂൺ 15 മുതൽ തുറന്നു തുടങ്ങും

ദോഹ: ജൂൺ 15 മുതൽ ഖത്തറിലെ പള്ളികൾ നിയ​ന്ത്രണങ്ങൾക്ക്​ വിധേയമായി തുറക്കുമെന്ന്​ ഇസ്​ലാമിക കാര്യമന്ത്രാലയം  ഔഖാഫ്​ അറിയിച്ചു. അതേസമയം ജുമുഅ നമസ്​കാരം പള്ളികളിൽ നടക്കില്ല. അടുത്ത ഘട്ടമെന്ന നിലയിൽ ആഗസ്​റ്റ്​  മാസത്തിൽ 54 പള്ളികളിൽ ജുമുഅ നമസ്​കാരവും അനുവദിക്കും. സെപ്​റ്റംബറോടെ എല്ലാ പള്ളികളും തുറക്കുകയും  എല്ലായിടത്തും ജുമുഅ നമസ്​കാരമടക്കം നടക്കുകയും ചെയ്യും.

അതേസമയം തുറക്കുന്ന പള്ളികളിലെ അംഗശുദ്ധി വരുത്താനുള്ള ഇടങ്ങളും ബാത്ത്​ റൂമുകളും അടച്ചിടും. ഇതിനാൽ  നമസ്​കാരത്തിന്​ വരുന്നവർ വീടുകളിൽ നിന്ന്​ തന്നെ അംഗശുദ്ധി വരുത്തിയായിരിക്കണം പള്ളികളിൽ എത്തേണ്ടത്​.  നമസ്​കാരത്തിന്​ പള്ളികളിൽ നേരത്തേ വരരുത്​. ബാങ്കുവിളിക്കു​േമ്പാൾ മാത്രമേ പള്ളികൾ തുറക്കൂ.​ അതിന്​ മുമ്പ്​ പള്ളിയിൽ  പ്രവേശനം ഉണ്ടാകില്ല. പള്ളിക്കുള്ളിൽ രണ്ട്​ മീറ്റർ അകലത്തിൽ മാത്രമേ ഇരിക്കാൻ പാടുള്ളൂ.

ഗ്ലൗസ്​ ധരിച്ചാണെങ്കിൽ പോലും പരസ്​പരം ഹസ്​തദാനം ചെയ്യാൻ പാടില്ല. തുമ്മുേമ്പാഴും ചുമക്കു​േമ്പാഴും വായയും മൂക്കും  മൂടണം. പള്ളികൾക്കുള്ളിൽ ​പ്രവേശിക്കുന്നതിന്​ മുമ്പ്​ ഇഹ്​തിറാസ്​ ആപ്പ്​ മൊബൈലിൽ കാണിക്കണം. വരുന്നവർ സ്വന്തം  നമസ്​കാരപായ കൊണ്ടുവരണം. ഇത്​ മറ്റുള്ളവരുമായി പങ്കുവെക്കരുത്​. അവ പള്ളികളിൽ വെച്ച്​ പോകാനും പാടില്ല.  

പള്ളികളിൽ വരുന്നവർ മാസ്​ക്​ ധരിക്കണം. ഖുർആൻ സ്വന്തമായി കൊണ്ടുവരണം. അവ കൈമാറ്റം ചെയ്യാൻ പാടില്ല.  മൊബൈലിൽ നോക്കി ഖുർആൻ പാരായണവും പാടില്ല. നിലവിൽ രാജ്യത്തെ പള്ളികളെല്ലാം കോവിഡ്​പ്രതിരോധ  നടപടികളു​െട ഭാഗമായി അടച്ചിട്ടിരിക്കുകയാണ്​. ജൂൺ 15 മുതൽ തുടങ്ങി സെപ്​റ്റംബറോടെ ഘട്ടംഘട്ടമായി എല്ലാ കോവിഡ്​  നിയന്ത്രണങ്ങളും നീക്കുന്നതിൻെറ ഭാഗമായാണ്​ പള്ളികളും തുറക്കുന്നത്​.