ഖത്തറിൽ കോവിഡിനെ ആപ്പിലാക്കിയതിന്​ പിന്നിൽ മലയാളി ബുദ്ധിയും

ദോഹ: ഖത്തറിൽ കോവിഡിനെ ആപ്പിലാക്കിയതിന്​ പിന്നിൽ മലയാളിയും. സർക്കാറിനായി കോവിഡ്​ ആപ്പ്​ ആയ ‘ഇഹ്​തിറാസ്’​ വികസിപ്പിച്ച സംഘത്തിൽ കൊല്ലം കൈതക്കുഴി സ്വദേശിയായ ആല്‍ബി ജോയ് എന്ന സോഫ്​റ്റ്​വെയർ  എൻജിനീയറുമുണ്ട്​. നമുക്ക്​ കോവിഡു​ണ്ടോ, അല്ലെങ്കിൽ കോവിഡ്​ അരികിലുണ്ടോ എന്നറിയാൻ ജനങ്ങളെ സഹായിക്കാൻ സർക്കാർ പുറത്തിറക്കിയ ആപ്പാണ്​ ഇഹ്തിറാസ്​ (EHTERAZ). 

മേയ്​ 22 മുതൽ ഇതില്ലാതെ ഖത്തറിൽ ആരും പുറത്തിറങ്ങാൻ പാടില്ല. ലംഘിച്ചാൽ മൂന്നുവർഷത്തിൽ കൂടാത്ത തടവോ രണ്ട്​ ലക്ഷം റിയാലിൽ കൂടാത്ത പിഴയോ ഇതിൽ ഏതെങ്കിലും ഒന്നോ ആയിരിക്കും ശിക്ഷ. മന്ത്രാലയത്തി​െൻറ ഡാറ്റാബേസുമായി ബന്ധിപ്പിച്ച് മൊബൈലിലെ ജി.പി.എസ്​, ബ്ലൂടൂത്ത് എന്നിവ ഉപയോഗിച്ചാണ് ആപ്പി​​െൻറ പ്രവർത്തനം. 

ഫോണിൽ ഇത്​ ഡൗൺലോഡ്​ ചെയ്യുന്നതോടെ ഉപയോക്താവിന്​ രോഗം സംബന്ധിച്ച് എപ്പോഴും ജാഗ്രത മുന്നറിയിപ്പ് ലഭിക്കും. ബ്ലൂടൂത്ത്​ സാ​​ങ്കേതിക വിദ്യയാണ്​ പ്രധാനമായും ഇഹ്​തിറാസിൽ ഉപയോഗിക്കുന്നതെന്ന്​ ആൽബി പറയുന്നു. ഏപ്രിൽ ആദ്യത്തിലാണ്​ ആപ്പ്​  വികസിപ്പിക്കാൻ പ്രയത്​നം തുടങ്ങുന്നത്​. 

ജനങ്ങളുടെ സ്വകാര്യവിവരങ്ങൾ ഇതിലൂടെ ശേഖരിക്കുന്നില്ലെന്ന്​ സർക്കാർ നേരത്തെ തന്നെ വ്യക്​തമാക്കിയിരുന്നു. നമ്മുടെ ഒന്നര മീറ്റർ അടുത്തുകൂടി ​കഴിഞ്ഞ 14 ദിവസത്തിനുള്ളിൽ ഒരു കോവിഡ്​ രോഗി കടന്നുപോയിട്ടുണ്ടെങ്കിൽ ഇത്​ സംബന്ധിച്ച ജാഗ്രതനിർദേശം ആപ്പിലൂടെ ലഭിക്കും. കോവിഡ്​  പോസിറ്റീവായ രോഗി ഏതെങ്കിലും ആശുപത്രിയിൽ ചികിത്സിക്ക്​ എത്തുന്നതോടെയാണിത്​. ഉടൻ തന്നെ അയാളുടെ അടുത്തുകൂടി ഈ ദിനങ്ങളിൽ കടന്നുപോയ എല്ലാവർക്കും ജാഗ്രതാനിർദേശം ലഭിക്കും. 

അയാളുടെ ആപ്പിലെ ബാർകോഡി​​െൻറ നിറം ചുവപ്പാവുകയും ചെയ്യും. മറ്റുള്ളവരുടെ ആപ്പിലും നിറവ്യത്യാസം വന്നിരിക്കും. ഗ്രേ ആണ്​ ഒരാൾക്ക്​ കിട്ടുന്നതെങ്കിൽ നമ്മുടെ അടുത്തുകൂടി പോയ ഏതോ ഒരാൾ​ കോവിഡ്​ പോസിറ്റീവ്​ ആണ്​ എന്നാണർഥം. ഇതോടെ നമുക്ക്​  ജാഗ്രത പാലിച്ച്​ പുറത്തിറങ്ങാതെ വീട്ടിൽ തന്നെ കഴിയാം. 

വീട്ടിലുള്ളവർക്കടക്കം രോഗം നമ്മളാൽ പകരില്ലെന്ന്​ ഇതിലൂടെ ഉറപ്പിക്കാം. അതേസമയം ചുവപ്പ്​ ആണ്​ കളറെങ്കിൽ നമ്മളെ ആരോഗ്യപ്രവർത്തകർ ചികിത്സ കേന്ദ്രങ്ങളിലേക്ക്​ കൊണ്ടുപോകും, നമ്മളും പോസിറ്റീവ്​ ആയി എന്നർഥം. ഓറഞ്ച്​ നിറം ആണെങ്കിൽ നമ്മൾ സമ്പർക്കവിലക്കിലേക്ക്​ മാറും. ഡോ. ആൻമേരി ജെയിംസ്​ ആണ്​ ആൽബിയുടെ ഭാര്യ. മക്കൾ: ഡാന, ജറം. 

ഇഹ്​തിറാസ്​ ആപ്പിൽ വിവിധ വർണങ്ങൾ വരു​േമ്പാൾ

 

ആപ്പിൽ പച്ച കളർ ഉള്ളവർ മാത്രം പുറത്തിറങ്ങും, കോവിഡ്​ സമൂഹവ്യാപനഭീഷണി മാറും

ഇഹ്​തിറാസ്​ ആപ്പിൽ പച്ചക്കളർ ഉള്ളവർ മാത്രം ഖത്തറിൽ പുറത്തിറങ്ങുന്ന അവസ്​ഥ ഉടൻ വരും. അതായത്​ ചുവപ്പ്​, ഓറഞ്ച്​, ഗ്രേ എന്നീ വർണങ്ങൾ ആപ്പിൽ ഉള്ളവരൊന്നും പിന്നീട്​ രോഗം മാറുന്നതുവരെ പുറത്തിറങ്ങില്ല. പച്ച കളർ ഉള്ളവരെ മാത്രം പുറത്തിറങ്ങാൻ അനുവദിക്കും. 

ഇതോടെ കോവിഡി​​െൻറ സമൂഹവ്യാപനം നിലക്കുകയും പതിയേ രാജ്യം മുഴുവൻ കോവിഡ്​ മുക്​തമാകുകയും ​െചയ്യും. ഒരു മാളിലോ സിനിമ തിയറ്ററിലോ കടയിലോ പോകു​േമ്പാൾ ഉപഭോക്​താവി​​െൻറ ഇഹ്​തിറാസ്​ ആപ്പ്​ നോക്കിയിട്ട്​ പച്ച കളർ ഉള്ളവർക്ക്​ മാത്രം പ്രവേശനം കിട്ടും. 

ആളുകൾ കൂടുന്ന ഇടങ്ങളിൽ കോവിഡ്​ സംശയിക്കുന്ന ആരും ഇല്ലാതാകും. ആപ്പ്​ ഡൗൺലോഡ്​ ചെയ്യുന്ന ഫോണിൽ ബ്ലൂടൂത്ത്​ ഓൺ അല്ലെങ്കിലും നിശ്ചത സമയത്ത്​ അത്​​ തനിയെ ഓണാകും. ഗൂഗിൾ ​േപ്ല സ്​​​േറ്റാറിലും ആപ്പിളി​െൻറ ആപ്പ് സ്​റ്റോറിലും ആപ്പ്​ ലഭ്യമാണ്​. 
ഐ ഫോൺ 6 എസിന്​ (വേർഷൻ 13ന്​ മുകളിൽ) മുകളിലുള്ളതിലും ആൻഡ്രോയ്​ഡ്​ 5ഉം അതിന്​ മുകളിലുമുള്ള ഫോണുകളിലും മാത്രമേ ആപ്പ്​ ഡൗൺലോഡ്​ ചെയ്യാനാകൂ.