കോവിഡ്​ ഭേദമായവർ തിരിച്ചെത്തിയത്​ ഉപ്പയില്ലാത്ത വീട്ടിലേക്ക്

ദോഹ: കോവിഡ്​ തീർത്ത പ്രതിസന്ധികളിൽ ഉഴലുകയാണ്​ ഗൾഫിലുള്ള എല്ലാ പ്രവാസികളും. ഓരോദിനവും ഉള്ളുലക്കുന്ന  കദനങ്ങളാണ്​ കേൾക്കുന്നത്​. ഖത്തറിൽ കഴിയുന്ന തൃശൂർ സ്വദേശികളായ കുടുംബത്തിലെ ഗൃഹനാഥൻെറ വേർപാട്​  പ്രവാസി മലയാളികളുടെയാകെ ദുഖമാവുകയാണ്​. തൃശൂർ കേച്ചേരി മുസ്​ലിയാംവീട്ടിൽ​ കുഞ്ഞിമുഹമ്മദ്​ അബ്​ദുൽ ജബ്ബാർ  (65) ആണ്​ ചൊവ്വാഴ്​ച ഖത്തറിൽ മരിച്ചത്​. കോവിഡ്​ സ്​ഥിരീകരിച്ച്​ 20 ദിവസമായി ചികിൽസയിലായിരുന്നു. 

ന്യുമോണിയയും  മൂർഛിച്ചതോടെ ചൊവ്വാഴ്​ച രാവിലെ 11 മണിയോടെയായിരുന്നു​ അന്ത്യം. കുടുംബത്തിലുള്ള മറ്റുള്ളവർക്കും കോവിഡ്​ സ്​ ഥിരീകരിച്ചിരുന്നു. ഭാര്യയും മക്കളുമടങ്ങുന്നവർ ക്വാറ​ൈൻറൻ കഴിഞ്ഞ്​ വീട്ടിൽ മടങ്ങിയെത്തിയ ദിവസമാണ്​ അബ്​ദുൽ  ജബ്ബാറിൻെറ വിയോഗവിവരവും ഇവരെ തേടിയെത്തിയത്​. 40 വർഷമായി ഖത്തർ പ്രവാസിയായ ഇദ്ദേഹം മുനിസിപ്പാലിറ്റി  വകുപ്പായ ബലദിയയിൽ ഉദ്യോഗസ്​ഥനായിരുന്നു. വിരമിച്ചശേഷവും കുടുംബത്തോടൊപ്പം ഖത്തറിൽ തന്നെ  കഴിയുകയായിരുന്നു. നല്ലൊരു കലാകാരൻ കൂടിയായ അദ്ദേഹം ആർട്ടിസ്​റ്റ്​ ജബ്ബാർ എന്ന പേരിലായിരുന്നു  അറിയപ്പെട്ടിരുന്നത്​. 

ഭാര്യ സാജിത മുമ്പ്​ ഹമദിൽ ജോലി ചെയ്​തിരുന്നു.
ആദ്യം ഹമദ്​ ആശുപത്രിയിലും പിന്നീട്​ ഹസംമിബൈരീക്​ കോവിഡ്​ ആശുപത്രിയിലുമായിരുന്നു ജബ്ബാർ ചികിൽസയിൽ  കഴിഞ്ഞിരുന്നത്​. മൃതദേഹം കോവിഡ്​ നടപടികൾ പൂർത്തീകരിച്ച്​ ഖത്തറിൽ ഖബറടക്കും.

മക്കളായ റീജ, അജ്​നാസ്​, അജ്​മൽ എന്നിവർ ഹമദ്​ മെഡിക്കൽ കോർപറേഷനിൽ ജോലി ചെയ്യുന്നു. ഹനാൻ ദോഹ  എം.ഇ.എസ്​ സ്​കൂൾ വിദ്യാർഥിനിയാണ്​. മാതാവ്​ സാജിതക്കും മക്കളായ അജ്​നാസ്​, അജ്​മൽ, ഹനാൻ, അജ്​നാസിൻെറ  ഭാര്യ, മകൾ എന്നിവർക്കും കോവിഡ്​ സ്​ഥിരീകരിച്ചിരുന്നു. തുടർന്ന്​ ഇവർ ക്വാറ​ൈൻറനിൽ കഴിയുകയായിരുന്നു, പിതാവ്​  ആശുപത്രിയിൽ ചികിൽസയിലും. ചൊവ്വാഴ്​ചയാണ്​ എല്ലാവരും രോഗമുക്​തി നേടി ക്വാറ​ൈൻറൻ പൂർത്തിയാക്കി വീട്ടിലേക്ക്​  മടങ്ങിയെത്തിയത്​. അബ്​ദുൽ ജബ്ബാറിൻെറ മറ്റൊരു മകൾ ഷീജ ദുബൈയിലാണ്​. ജാമാതാക്കൾ: സലീം, ഷാനവാസ്​,  ഫെമിന, സമീമ.