ഖ​ത്ത​റി​ന്റെ കാ​ർ​ഷി​ക കു​തി​പ്പ്​ അ​ഭി​ന​ന്ദ​നാ​ർ​ഹം -അ​മീ​ർ

ദോ​ഹ: കാ​ർ​ഷി​ക, ഭ​ക്ഷ്യ സു​ര​ക്ഷാ മേ​ഖ​ല​ക​ളി​ൽ ഖ​ത്ത​റി​ന്റെ പു​രോ​ഗ​തി​യെ പ്ര​ശം​സി​ച്ച്​ അ​മീ​ർ ശൈ​ഖ്​ ത​മീം ബി​ൻ ഹ​മ​ദ്​ ആ​ൽ ഥാ​നി. ക​താ​റ ക​ൾ​ച്ച​റ​ൽ വി​ല്ലേ​ജി​ൽ ന​ട​ക്കു​ന്ന അ​ന്താ​രാ​ഷ്​​ട്ര കാ​ർ​ഷി​ക പ്ര​ദ​ർ​ശ​ന​മാ​യ അ​ഗ്രി​ടെ​ക്​ സ​ന്ദ​ർ​ശി​ച്ച ശേ​ഷം സ​മൂ​ഹ മാ​ധ്യ​മ പ്ലാ​റ്റ്​​ഫോ​മാ​യ ‘എ​ക്​​സി’​ലാ​യി​രു​ന്നു രാ​ജ്യ​ത്തി​ന്റെ കാ​ർ​ഷി​ക, ഭ​ക്ഷ്യ സു​ര​ക്ഷ മേ​ഖ​ല​ക​ളി​ലെ നേ​ട്ട​ങ്ങ​ളെ അ​മീ​ർ പ്ര​ശം​സി​ച്ച​ത്.

കാ​ർ​ഷി​ക മേ​ഖ​ല​ക​ളി​ലെ വൈ​ദ​ഗ്​​ധ്യ​വും ഏ​റ്റ​വും മി​ക​ച്ച കാ​ർ​ഷി​ക രീ​തി​ക​ളും പ​ര​സ്​​പ​രം കൈ​മാ​റു​ന്ന​തി​നു​ള്ള ശ്ര​ദ്ധേ​യ​മാ​യ വേ​ദി​യാ​ണ്​ അ​ഗ്രി​ടെ​ക്​ പ്ര​ദ​ർ​ശ​ന​മെ​ന്ന്​ അ​മീ​ർ പ​റ​ഞ്ഞു. രാ​ജ്യ​ത്തി​ന്റെ കാ​ർ​ഷി​ക രം​ഗ​ത്തെ വ​ള​ർ​ച്ച സ​ന്തോ​ഷം ന​ൽ​കു​ന്ന​താ​ണെ​ന്നും സ​ന്ദ​ർ​ശ​ന​ത്തി​നു പി​ന്നാ​ലെ അ​മീ​ർ അ​റി​യി​ച്ചു.

കാ​ർ​ഷി​ക മേ​ഖ​ല​യു​ടെ വി​ക​സ​ന​ത്തി​നും നി​ക്ഷേ​പ​ങ്ങ​ൾ​ക്കും പി​ന്തു​ണ ന​ൽ​കു​ക​യെ​ന്നും​ ഖ​ത്ത​ർ ദേ​ശീ​യ വി​ഷ​ൻ 2030ന്റെ ​ല​ക്ഷ്യ​ങ്ങ​ളെ പ്ര​തി​ഫ​ലി​പ്പി​ക്കു​ന്ന​താ​ണ്​ അ​ഗ്രി​ടെ​ക്​ പ്ര​ദ​ർ​ശ​ന​മെ​ന്നും വ്യ​ക്​​ത​മാ​ക്കി.

അ​ഗ്രി​ടെ​ക്​ പ്ര​ദ​ർ​ശ​നം വ്യാ​ഴാ​ഴ്​​ച അ​മീ​ർ സ​ന്ദ​ർ​ശി​ച്ചു. പ്ര​ദ​ർ​ശ​ന​ത്തി​ൽ പ​ങ്കെ​ടു​ക്കു​ന്ന വി​വി​ധ രാ​ജ്യ​ങ്ങ​ളു​ടെ​യും സ്ഥാ​പ​ന​ങ്ങ​ളു​ടെ​യും പ​വ​ലി​യ​നു​ക​ൾ സ​ന്ദ​ർ​ശി​ച്ച അ​മീ​റി​ന്​ മു​ന്നി​ൽ നൂ​ത​ന കാ​ർ​ഷി​ക സം​വി​ധാ​ന​ങ്ങ​ളെ​ക്കു​റി​ച്ചും ഉ​ൽ​പാ​ദ​ന​ക്ഷ​മ​ത മെ​ച്ച​പ്പെ​ടു​ത്തു​ന്ന​തി​നും കാ​ർ​ഷി​ക മേ​ഖ​ല​യി​ലെ ന​വീ​ക​ര​ണ​വും സു​സ്ഥി​ര വി​ക​സ​ന മാ​ർ​ഗ​ങ്ങ​ളും സം​ബ​ന്ധി​ച്ച്​ പ്ര​ദ​ർ​ശ​ന​ത്തി​ൽ പ​ങ്കെ​ടു​ക്കു​ന്ന​വ​ർ വി​ശ​ദീ​ക​രി​ച്ചു.

ഈ ​വ​ർ​ഷ​ത്തെ പ്ര​ദ​ർ​ശ​ന​ത്തി​ലെ വി​ശി​ഷ്ടാ​തി​ഥി രാ​ജ്യ​മാ​യ യു.​എ.​ഇ പ​വ​ലി​യ​നും അ​മീ​ർ സ​ന്ദ​ർ​ശി​ച്ചു. അ​മീ​റി​നൊ​പ്പം നി​ര​വ​ധി മു​തി​ർ​ന്ന ഉ​ദ്യോ​ഗ​സ്ഥ​രും ഉ​ണ്ടാ​യി​രു​ന്നു.

ഫെ​ബ്രു​വ​രി നാ​ലി​ന്​ ആ​രം​ഭി​ച്ച പ്ര​ദ​ർ​ശ​നം ശ​നി​യാ​ഴ്​​ച സ​മാ​പി​ക്കും. ക​താ​റ​യി​ലെ ക​ൾ​ച്ച​റ​ൽ വി​ല്ലേ​ജ് ഫൗ​ണ്ടേ​ഷ​നി​ൽ ന​ട​ക്കു​ന്ന 12ാമ​ത്​ അ​ഗ്രി​ടെ​കി​ൽ 29 രാ​ജ്യ​ങ്ങ​ളി​ൽ നി​ന്നാ​യി 300​ഓ​ളം പ്ര​ദ​ർ​ശ​ക​രാ​ണ്​ പ​​ങ്കെ​ടു​ക്കു​ന്ന​ത്. നൂ​റോ​ളം പ്രാ​ദേ​ശി​ക സ്​​ഥാ​പ​ന​ങ്ങ​ളും പ​ങ്കാ​ളി​ക​ളാ​ണ്.

അ​ഗ്രി​ടെ​ക്കി​ൽ ഇ​ന്ത്യ​ൻ പ​വ​ിലി​യ​നും

ദോ​ഹ: ക​താ​റ ക​ൾ​ച്ച​റ​ൽ വി​ല്ലേ​ജി​ൽ ന​ട​ക്കു​ന്ന ഖ​ത്ത​ർ അ​ന്താ​രാ​ഷ്ട്ര കാ​ർ​ഷി​ക പ്ര​ദ​ർ​ശ​ന​ത്തി​ൽ ഇ​ന്ത്യ​ൻ സാ​ന്നി​ധ്യ​വും. ഹൈ​ഡ്രോ​പോ​ണി​ക്‌​സ്, ഹോ​ർ​ട്ടി​ക​ൾ​ച്ച​ർ, അ​ക്വാ​ക​ൾ​ച്ച​ർ കൃ​ഷി​രീ​തി​ക​ൾ, ഡ്രോ​ണു​ക​ളു​ടെ ഉ​പ​യോ​ഗം എ​ന്നി​വ​യു​ൾ​പ്പെ​ടെ​യു​ള്ള കാ​ർ​ഷി​ക സാ​ങ്കേ​തി​ക വി​ദ്യ​ക​ളി​ൽ ഇ​ന്ത്യ​യു​ടെ വൈ​ദ​ഗ്ധ്യം പ്ര​ദ​ർ​ശി​പ്പി​ക്കു​ന്ന കൗ​ണ്ട​റു​ക​ളാ​ണ് പ്ര​ദ​ർ​ശ​ന​ത്തി​ൽ ഇ​ന്ത്യ ഒ​രു​ക്കി​യ​ത്.

ഇ​ന്ത്യ​ൻ എം​ബ​സി​ക്ക് കീ​ഴി​ൽ പ്ര​വ​ർ​ത്തി​ക്കു​ന്ന ഇ​ന്ത്യ​ൻ ബി​സി​ന​സ്​ ആ​ൻ​ഡ് ​പ്ര​ഫ​ഷ​ന​ൽ കോ​ൺ​ഗ്ര​സ്​ (ഐ.​ബി.​പി.​സി) ഖ​ത്ത​റു​മാ​യി സ​ഹ​ക​രി​ച്ച്​ ന​ട​ത്തു​ന്ന പ​വ​ിലി​യ​നു​ക​ളു​ടെ ഉ​ദ്​​ഘാ​ട​നം ഇ​ന്ത്യ​ൻ അം​ബാ​സ​ഡ​ർ വി​പു​ൽ നി​ർ​വ​ഹി​ച്ചു. ഐ.​ബി.​പി.​സി പ്ര​സി​ഡ​ന്റ്​ താ​ഹ മു​ഹ​മ്മ​ദ്​ പ​​ങ്കെ​ടു​ത്തു.