കാ​ർ​ഷി​ക പ്ര​ദ​ർ​ശ​ന​ത്തി​ൽ റെ​ക്കോ​ഡ് പ​ങ്കാ​ളി​ത്തം

ദോ​ഹ: ക​താ​റ ക​ൾ​ച്ച​റ​ൽ വി​ല്ലേ​ജി​ൽ സ​മാ​പി​ച്ച 12ാമ​ത് ഖ​ത്ത​ർ അ​ന്താ​രാ​ഷ്ട്ര കാ​ർ​ഷി​ക പ്ര​ദ​ർ​ശ​നം (അ​ഗ്രി​ടെ​ക്) പ​ങ്കാ​ളി​ത്തം കൊ​ണ്ട് റെ​ക്കോ​ഡ് കു​റി​ച്ചു. അ​ഞ്ചു ദി​വ​സ​ങ്ങ​ളി​ലാ​യി ന​ട​ന്ന പ്ര​ദ​ർ​ശ​ന​ത്തി​ൽ 97,000​​ത്തോ​ളം സ​ന്ദ​ർ​ശ​ക​രെ​ത്തി​യാ​ണ് ശ്ര​ദ്ധേ​യ​മാ​യ​ത്. 1069 സ്കൂ​ൾ വി​ദ്യാ​ർ​ഥി​ക​ളും ഇ​ത്ത​വ​ണ പ്ര​ദ​ർ​ശ​ന വേ​ദി​യി​ലെ​ത്തി​യി​രു​ന്നു.

29ല​ധി​കം രാ​ജ്യ​ങ്ങ​ളി​ൽ നി​ന്നു​ള്ള​വ​ർ പ​ങ്കെ​ടു​ത്ത ഈ ​വ​ർ​ഷ​ത്തെ അ​ഗ്രി​ടെ​ക് പ്ര​ദ​ർ​ശ​നം അ​ത്യാ​ധു​നി​ക കാ​ർ​ഷി​ക ക​ണ്ടു​പി​ടി​ത്ത​ങ്ങ​ൾ, ഗ​വേ​ഷ​ണം, ഉ​ൽ​പ​ന്ന​ങ്ങ​ൾ എ​ന്നി​വ പ്ര​ദ​ർ​ശി​പ്പി​ക്കു​ന്ന​തി​നും പ​രി​ച​യ​പ്പെ​ടു​ത്തു​ന്ന​തി​നു​മു​ള്ള ആ​ഗോ​ള വേ​ദി​യാ​യി മാ​റി. 356 പ്ര​ദ​ർ​ശ​ക​രും സ്ഥാ​പ​ന​ങ്ങ​ളും പ്ര​ദ​ർ​ശ​ന​ത്തി​ൽ പ​ങ്കെ​ടു​ത്തു. കൂ​ടാ​തെ 114 പ്രാ​ദേ​ശി​ക ഫാ​മു​ക​ളു​ടെ പ​ങ്കാ​ളി​ത്ത​വും പ്ര​ദ​ർ​ശ​ന​ത്തി​നെ​ത്തി​യി​രു​ന്നു.

22 രാ​ജ്യ​ങ്ങ​ളു​ടെ എം​ബ​സി​ക​ളും 50 പ്ര​ഭാ​ഷ​ക​രും 46 പാ​ന​ൽ ച​ർ​ച്ച​ക​ളും പ്ര​ദ​ർ​ശ​ന​ത്തി​ന്റെ ഭാ​ഗ​മാ​യി.സ​മാ​പ​ന ച​ട​ങ്ങി​ൽ മു​നി​സി​പ്പാ​ലി​റ്റി മ​ന്ത്രി അ​ബ്ദു​ല്ല ബി​ൻ ഹ​മ​ദ് ബി​ൻ അ​ബ്ദു​ല്ല അ​ൽ അ​തി​യ്യസം​ഭാ​വ​ന ന​ൽ​കി​യ സം​ഘാ​ട​ക സ​മി​തി അം​ഗ​ങ്ങ​ളെ​യും സ്‌​പോ​ൺ​സ​ർ​മാ​രെ​യും ആ​ദ​രി​ക്കു​ക​യും പ്ര​ശം​സി​ക്കു​ക​യും ചെ​യ്തു.