ആ​ഗോ​ള സ്വാ​ധീ​നം ശ​ക്തി​പ്പെ​ടു​ത്തി ഖ​ത്ത​ർ

ദോ​ഹ: ആ​​ഗോ​ള സോ​ഫ്റ്റ് പ​വ​ർ സൂ​ചി​ക​യി​ൽ വ​ൻ മു​ന്നേ​റ്റം ന​ട​ത്തി ഖ​ത്ത​ർ. ആ​​ഗോ​ള ഗ​വേ​ഷ​ണ സ്ഥാ​പ​ന​മാ​യ ബ്രാ​ൻ​ഡ് ഫി​നാ​ൻ​സ് പു​റ​ത്തു​വി​ട്ട 193 രാ​ജ്യ​ങ്ങ​ളു​ടെ പ​ട്ടി​ക​യി​ൽ 22ാം സ്ഥാ​ന​മാ​ണ് ഖ​ത്ത​ർ സ്വ​ന്ത​മാ​ക്കി​യ​ത്. അ​റ​ബ് മേ​ഖ​ല​യി​ൽ മൂ​ന്നാം സ്ഥാ​ന​വും. യു.​എ.​ഇ​യും സൗ​ദി​യു​മാ​ണ് യ​ഥാ​ക്ര​മം 10, 20 സ്ഥാ​ന​ങ്ങ​ളി​ൽ ഖ​ത്ത​റി​ന് മു​ന്നി​ലു​ള്ള ഗ​ൾ​ഫ് രാ​ജ്യ​ങ്ങ​ൾ.

ഒ​രു രാ​ജ്യ​ത്തി​ന്റെ സാം​സ്കാ​രി​കം, രാ​ഷ്ടീ​യം, വി​ദേ​ശ​ന​യം, സ​മ്പ​ദ്‌​വ്യ​വ​സ്ഥ, ന​യ​ത​ന്ത്രം, സാ​മൂ​ഹി​ക​സ്ഥി​ര​ത തു​ട​ങ്ങി​യ​വ​യാ​ണ് സോ​ഫ്റ്റ് പ​വ​റി​ന് ആ​ധാ​ര​മാ​കു​ന്ന​ത്. ബി​സി​ന​സ് നേ​താ​ക്ക​ൾ, ന​യ​രൂ​പ​ക​ർ​ത്താ​ക്ക​ൾ, സി​വി​ൽ സൊ​സൈ​റ്റി വ്യ​ക്തി​ക​ൾ എ​ന്നീ വി​ഭാ​ഗ​ത്തി​ൽ 1,73,000 പേ​രി​ൽ നി​ന്നു​ള്ള​വ​രു​ടെ ഉ​ൾ​ക്കാ​ഴ്‌​ച​ക​ളു​ടെ അ​ടി​സ്ഥാ​ന​ത്തി​ലാ​ണ് ബ്രാ​ൻ​ഡ് ഫി​നാ​ൻ​സ് സോ​ഫ്റ്റ് പ​വ​ർ സൂ​ചി​ക ത​യാ​റാ​ക്കി​യ​ത്. ആ​ഗോ​ള സ്വാ​ധീ​നം അ​ള​ക്കു​ന്ന നാ​ഷ​ൻ ബ്രാ​ൻ​ഡ് വാ​ല്യൂ​വി​ൽ 270 ബി​ല്യ​ൺ ഡോ​ള​റി​ന്റെ മൂ​ല്യ​മാ​ണ് ഖ​ത്ത​റി​നു​ള്ള​ത്.

ഗ്ലോ​ബ​ൽ സോ​ഫ്റ്റ് പ​വ​ർ സ്‌​കോ​റി​ൽ 100ൽ 54.5 ​മാ​ർ​ക്കും ഖ​ത്ത​ർ സ്വ​ന്ത​മാ​ക്കി. 79.5 എ​ന്ന സ്‌​കോ​റു​മാ​യി അ​മേ​രി​ക്ക പ​ട്ടി​ക​യി​ലെ ഒ​ന്നാം സ്ഥാ​നം നി​ല​നി​ർ​ത്തി. ചൈ​ന, യു.​കെ, ജ​പ്പാ​ൻ, ജ​ർ​മ​നി എ​ന്നി​വ​യാ​ണ് ആ​ദ്യ അ​ഞ്ചി​ൽ ഇ​ടം നേ​ടി​യ മ​റ്റു​രാ​ജ്യ​ങ്ങ​ൾ.