മ​ധ്യേ​ഷ്യ​യു​മാ​യി സൗ​ഹൃ​ദം ശ​ക്ത​മാ​ക്കി ഖ​ത്ത​ർ

ദോ​ഹ: നാ​ലു ദി​നം​കൊ​ണ്ട് ​നാ​ലു രാ​ജ്യ​ങ്ങ​ൾ സ​ന്ദ​ർ​ശി​ച്ച്, വി​വി​ധ സ​ഹ​ക​ര​ണ ക​രാ​റു​ക​ളി​ൽ ഒ​പ്പു​വെ​ച്ച് അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി​യു​ടെ മ​ധ്യേ​ഷ്യ​ൻ പ​ര്യ​ട​നം പൂ​ർ​ത്തി​യാ​യി. ഉ​സ്ബ​കി​സ്താ​ൻ, ക​സാ​ഖ്സ്താ​ൻ, കി​ർ​ഗി​സ്താ​ൻ, ത​ജി​കി​സ്താ​ൻ എ​ന്നീ നാ​ലു രാ​ജ്യ​ങ്ങ​ളി​ലേ​ക്കാ​യി​രു​ന്നു അ​മീ​റി​ന്റെ നേ​തൃ​ത്വ​ത്തി​ൽ ഉ​ന്ന​ത​സം​ഘം പ​ര്യ​ട​നം ന​ട​ത്തി​യ​ത്.

വ്യാ​ഴാ​ഴ്ച രാ​വി​ലെ ക​സാ​ഖ്സ്താ​നി​ലെ അ​സ്താ​ന​യി​ൽ ന​ട​ന്ന അ​ന്താ​രാ​ഷ്ട്ര ഫോ​റ​ത്തി​ലും അ​മീ​ർ പ​​ങ്കെ​ടു​ത്തു. തു​ട​ർ​ന്നാ​യി​രു​ന്നു നാ​ലാ​മ​ത്തെ രാ​ജ്യ​മാ​യ ത​ജി​കി​സ്താ​നി​ലെ​ത്തി​യ​ത്. നി​ര​വ​ധി അ​ന്താ​രാ​ഷ്ട്ര സൗ​ഹൃ​ദ-​സ​ഹ​ക​ര​ണ ക​രാ​റു​ക​ളി​ൽ ഒ​പ്പു​വെ​ക്കു​ക​യും ത​ജി​കി​സ്താ​ൻ പ്ര​സി​ഡ​ന്റ് ഇ​മോ​മ​ലി റ​ഹ്മോ​നു​മാ​യി കൂ​ടി​ക്കാ​ഴ്ച ന​ട​ത്തു​ക​യും ചെ​യ്തു.

മ​ധ്യേ​ഷ്യ​ൻ രാ​ജ്യ​ങ്ങ​ളും ഖ​ത്ത​റും ത​മ്മി​ലെ ഉ​ഭ​യ​ക​ക്ഷി സൗ​ഹൃ​ദം കൂ​ടു​ത​ൽ ദൃ​ഢ​മാ​ക്കു​ന്ന​താ​യി​രു​ന്നു മ​ന്ത്രി​മാ​ർ ഉ​ൾ​പ്പെ​ടെ ഉ​ന്ന​ത സം​ഘ​ത്തി​നൊ​പ്പ​മു​ള്ള അ​മീ​റി​ന്റെ പ​ര്യ​ട​നം.

വി​വി​ധ അ​ന്താ​രാ​ഷ്ട്ര, സ​ഹ​ക​ര​ണ വി​ഷ​യ​ങ്ങ​ൾ ച​ർ​ച്ച​ചെ​യ്യു​ന്ന അ​സ്താ​ന ഫോ​റ​ത്തി​ന്റെ ഉ​ദ്ഘാ​ട​ന ച​ട​ങ്ങി​ലാ​യി​രു​ന്നു അ​മീ​ർ പ​​ങ്കെ​ടു​ത്ത​ത്. ഫോ​റ​ത്തി​ന് മു​മ്പാ​യി അ​സ്താ​ന​യി​ലെ അ​കോ​ര്‍ഡ പ്ര​സി​ഡ​ന്‍ഷ്യ​ല്‍ പാ​ല​സി​ല്‍ പ്ര​സി​ഡ​ന്റ് കാ​സിം ജോ​മ​ർ​ത് ത​ക​യേ​വു​മാ​യി കൂ​ടി​ക്കാ​ഴ്ച​യും ന​ട​ത്തി.

മേ​ഖ​ല​യി​ലെ​യും രാ​ജ്യാ​ന്ത​ര ത​ല​ത്തി​ലെ​യും പൊ​തു​താ​ല്‍പ​ര്യ​മു​ള്ള പ്ര​ധാ​ന വി​ഷ​യ​ങ്ങ​ളാ​ണ് ഇ​രു​വ​രും ച​ര്‍ച്ച ചെ​യ്ത​ത്. ഖ​ത്ത​റി​ലേ​ക്കു​ള്ള ക​യ​റ്റു​മ​തി 60 ഇ​നം ഉ​ല്‍പ​ന്ന​ങ്ങ​ളാ​ക്കി വ​ര്‍ധി​പ്പി​ക്കാ​നു​ള്ള ക​സാ​ഖ്സ്താ​ന്റെ താ​ല്‍പ​ര്യം കൂ​ടി​ക്കാ​ഴ്ച​യി​ല്‍ അ​മീ​റി​നോ​ട് ച​ര്‍ച്ച ചെ​യ്ത​താ​യി അ​സ്താ​ന ടൈം​സ് റി​പ്പോ​ര്‍ട്ട് ചെ​യ്തു. എ​ണ്ണ, വാ​ത​കം, ഖ​ന​നം, കാ​ര്‍ഷി​കം, മെ​ഡി​സി​ന്‍, ഫി​നാ​ന്‍സ് എ​ന്നീ മേ​ഖ​ല​ക​ളി​ല്‍ ഒ​ന്നി​ച്ചു​ള്ള പ​ദ്ധ​തി​ക​ള്‍ ന​ട​പ്പാ​ക്കു​ന്ന​തി​ലെ സാ​ധ്യ​ത​ക​ളും ച​ര്‍ച്ച​യാ​യി.

ഖ​ത്ത​റും ക​സാ​ഖ്സ്ഥാ​നും ത​മ്മി​ലു​ള്ള ന​യ​ത​ന്ത്ര ബ​ന്ധ​ത്തി​ന്റെ 30ാം വ​ര്‍ഷ​ത്തി​ല്‍ ഇ​രു രാ​ജ്യ​ങ്ങ​ളും ത​മ്മി​ലു​ള്ള ന​യ​ത​ന്ത്ര​ബ​ന്ധ​വും കൂ​ടു​ത​ല്‍ ഊ​ഷ്മ​ള​മാ​ക്കി​യാ​ണ് അ​മീ​ര്‍ അ​സ്താ​ന​യി​ല്‍നി​ന്ന് മ​ട​ങ്ങി​യ​ത്. തു​ട​ർ​ന്ന് ത​ജി​കി​സ്താ​നി​ലെ ദു​ഷാ​ൻ​ബെ പാ​ല​സി​ൽ പ്ര​സി​ഡ​ന്റ് ഇ​മൊ​മ​ലി റ​ഹ്മോ​നു​മാ​യി കൂ​ടി​ക്കാ​ഴ്ച ന​ട​ത്തി.

ഖ​ത്ത​റി​ന്റെ സാ​മ്പ​ത്തി​ക സ​ഹാ​യ​ത്തോ​ടെ നി​ർ​മി​ച്ച ത​ജി​കി​സ്താ​നി​ലെ ഇ​മാം അ​ബു ഹ​നീ​ഫ അ​ൽ നു​അ്മാ​ന്‍ ബി​ൻ താ​ബി​ത് പ​ള്ളി​യു​ടെ ഉ​ദ്ഘാ​ട​ന​വും അ​മീ​റും പ്ര​സി​ഡ​ന്റും ചേ​ര്‍ന്ന് നി​ര്‍വ​ഹി​ച്ചു. 2009ൽ ​നി​ർ​മാ​ണം ആ​രം​ഭി​ച്ച പ​ള്ളി​യു​ടെ ഉ​ദ്ഘാ​ട​ന​മാ​ണ് നി​ർ​വ​ഹി​ച്ച​ത്.

തി​ങ്ക​ളാ​ഴ്ച​യാ​യി​രു​ന്നു മ​ധ്യേ​ഷ്യ​ൻ രാ​ജ്യ​ങ്ങ​ളി​ലേ​ക്കു​ള്ള അ​മീ​റി​ന്റെ പ​ര്യ​ട​നം ആ​രം​ഭി​ച്ച​ത്.