ഖത്തറിൽ 216 പേർക്കുകൂടി കോവിഡ്​, 20 പേർക്ക്​ രോഗശമനം

ദോഹ: ഖത്തറിൽ ശനിയാഴ്​ച 216 പേർക്കുകൂടി പുതുതായി രോഗം സ്​ഥിരീകരിച്ചു. 20 പേർക്ക്​ കൂടി രോഗം ഭേദമായിട്ടുണ്ട്​. 247 പേരാണ്​ ആകെ രോഗമുക്​തി നേടിയത്​. 2475 പേരാണ്​ നിലവിലുള്ള രോഗികൾ.

പുതുതായി രോഗം ബാധിച്ചവർ നിലവിൽ മറ്റിടങ്ങളിൽ നിന്ന്​ ഖത്തറിൽ തിരിച്ചെത്തിയവരോ മുമ്പ്​ രോഗം സ്​ഥിരീകരിച്ചവരുമായി സമ്പർക്കത്തിൽ ഏർപ്പെട്ടവരോ ആണ്​. സ്വദേശികളും പ്രവാസികളും ഇതിൽ ഉൾ​െപ്പടും.