ഗ​സ്സ ക​ടു​ത്ത പ​ട്ടി​ണി​യി​ലേ​ക്കെ​ന്ന്​ ഖ​ത്ത​ർ വി​ദേ​ശ​കാ​ര്യ വ​ക്​​താ​വ്​

ദോ​ഹ: ഫ​ല​സ്​​തീ​ൻ ജ​ന​ത ഭ​ക്ഷ്യ​ക്ഷാ​മ​വും പ​ട്ടി​ണി​യു​മാ​യി ക​ടു​ത്ത ദു​രി​ത​ത്തി​ലാ​ണെ​ന്ന മു​ന്ന​റി​യി​പ്പു​മാ​യി ഖ​ത്ത​ർ വി​ദേ​ശ​കാ​ര്യ മ​ന്ത്രാ​ല​യം വ​ക്​​താ​വ്​ ഡോ. ​മാ​ജി​ദ് ബി​ൻ മു​ഹ​മ്മ​ദ് അ​ൽ അ​ൻ​സാ​രി. മൂ​ന്നു ല​ക്ഷ​ത്തി​ല​ധി​കം ആ​ളു​ക​ളാ​ണ് ഭ​ക്ഷ​ണം, മ​രു​ന്ന്, വെ​ള്ളം, വൈ​ദ്യു​തി എ​ന്നി​വ​യി​ല്ലാ​തെ വ​ട​ക്ക​ൻ ഗ​സ്സ​യി​ൽ ദു​രി​ത​പൂ​ർ​ണ​മാ​യ സാ​ഹ​ച​ര്യ​ങ്ങ​ളെ നേ​രി​ടു​ന്ന​തെ​ന്ന്​ ദോ​ഹ​യി​ൽ മാ​ധ്യ​മ​ങ്ങ​ളു​മാ​യി സം​സാ​രി​ക്ക​വെ അ​ദ്ദേ​ഹം പ​റ​ഞ്ഞു.

ഗ​സ്സ മു​ന​മ്പി​ൽ ന​ൽ​കു​ന്ന ഏ​ത് സ​ഹാ​യ​വും അ​വി​ടെ​യു​ള്ള​വ​ർ​ക്ക് ആ​വ​ശ്യ​മു​ള്ള​തി​ന്റെ ചെ​റി​യ ഒ​രു ഭാ​ഗം മാ​ത്ര​മാ​ണ്. 25 ല​ക്ഷ​ത്തോ​ളം പേ​ർ ആ​രോ​ഗ്യ​പ്ര​ശ്‌​ന​ങ്ങ​ൾ നേ​രി​ടു​ന്നു. ഗ​സ്സ മു​ന​മ്പി​ന്റെ തെ​ക്ക​ൻ ഭാ​ഗ​ത്തെ ത​മ്പു​ക​ളി​ൽ പ​ത്തു ല​ക്ഷ​ത്തോ​ളം പേ​രാ​ണ് ക​ടു​ത്ത ദു​രി​ത​ങ്ങ​ളി​ലൂ​ടെ ജീ​വി​തം ത​ള്ളി​നീ​ക്കു​ന്ന​തെ​ന്ന്​ അ​ദ്ദേ​ഹം വി​ശ​ദീ​ക​രി​ച്ചു.

ഗ​സ്സ​യി​ലേ​ക്ക് സ​ഹാ​യ​മെ​ത്തി​ക്കു​ന്ന​തി​നാ​യി ഈ​ജി​പ്തി​ലെ അ​ൽ അ​രീ​ഷി​ലേ​ക്ക് ഖ​ത്ത​ർ ആ​രം​ഭി​ച്ച എ​യ​ർ ബ്രി​ഡ്ജി​ലൂ​ടെ 80ല​ധി​കം വി​മാ​ന​ങ്ങ​ളി​ൽ സ​ഹാ​യ​മെ​ത്തി​ച്ചു ക​ഴി​ഞ്ഞു. എ​ന്നാ​ൽ, അ​വി​ടെ​നി​ന്ന് ല​ക്ഷ്യ​സ്​​ഥാ​ന​ത്തെ​ത്തി​ക്കു​ന്ന​തി​ന്​ വ​ലി​യ വെ​ല്ലു​വി​ളി​യാ​ണ് നേ​രി​ടു​ന്ന​ത്. ഇ​ത് ഗ​സ്സ​യി​ലെ സ്ഥി​തി​ഗ​തി​ക​ൾ കൂ​ടു​ത​ൽ വ​ഷ​ളാ​ക്കു​ന്നു. അ​ന്താ​രാ​ഷ്ട്ര നി​യ​മ​ങ്ങ​ളു​ടെ വ്യ​ക്ത​മാ​യ ലം​ഘ​ന​ത്തി​നെ​തി​രെ അ​ന്താ​രാ​ഷ്ട്ര സ​മൂ​ഹം ഗൗ​ര​വ​മാ​യി പ്ര​തി​ക​രി​ക്കേ​ണ്ട സ​മ​യം അ​തി​ക്ര​മി​ച്ചു.

റ​മ​ദാ​ൻ ആ​രം​ഭി​ക്കു​ന്ന​തി​നു മു​മ്പ് ഗ​സ്സ​യി​ൽ വെ​ടി​നി​ർ​ത്ത​ൽ സാ​ധ്യ​മാ​ക്കാ​ൻ ക​ഴി​യു​മെ​ന്നാ​ണ് പ്ര​തീ​ക്ഷി​ക്കു​ന്ന​തെ​ന്നും ഡോ. ​അ​ൽ അ​ൻ​സാ​രി പ​റ​ഞ്ഞു. നി​ര​വ​ധി ത​ട​സ്സ​ങ്ങ​ളും പ്ര​തി​സ​ന്ധി​ക​ളും മു​ന്നി​ലു​ണ്ട്. എ​ന്നാ​ൽ, ഇ​തു​വ​രെ​യു​ള്ള ച​ർ​ച്ച​ക​ളി​ൽ ശു​ഭ​പ്ര​തീ​ക്ഷ​യു​ണ്ട് -വി​ദേ​ശ​കാ​ര്യ വ​ക്താ​വ് സൂ​ചി​പ്പി​ച്ചു.