ജി.സി.സി. ഭക്ഷ്യ ഇറക്കുമതി മാനദണ്ഡം രാജ്യത്ത്​ ഏപ്രില്‍ മുതല്‍ പ്രാബല്യത്തില്‍ വര​ും

ദോഹ: ഇറക്കുമതി ചെയ്യുന്ന ഭക്ഷ്യ വസ്തുക്കളിന്മേല്‍ നിയന്ത്രണമേര്‍പ്പെടുത്തുന്നതിനുള്ള ജിസിസി ഗൈഡ് ഏപ്രില്‍ മുതല്‍ നടപ്പാക്കും. പൊതു ആരോഗ്യ മന്ത്രാലയം അയിച്ചതാണ്​ ഇക്കാര്യം. 
മികച്ച അന്താരാഷ്​ട്ര മാനദണ്ഡങ്ങള്‍ക്കനുസൃതമായി   ഉന്നത നിലവാരമുള്ള ഭക്ഷ്യ സുരക്ഷ ഉറപ്പാക്കുകയാണ് ഗൈഡ് നടപ്പാക്കുന്നതിലൂടെ മന്ത്രാലയം ലക്ഷ്യമിടുന്നത്. അതിനൊപ്പം ഭക്ഷ്യവസ്തുക്കളുടെ ഇറക്കുമതി നിയന്ത്രിക്കുന്നതിനുള്ള അടിസ്ഥാന സാങ്കേതിക നടപടികളും ജി.സി.സി. ഭക്ഷ്യ ഗൈഡ് അവതരിപ്പിക്കുന്നുണ്ടെന്ന് പൊതുജനാരോഗ്യ മന്ത്രാലയത്തിലെ ഭക്ഷ്യസുരക്ഷ -പരിസ്ഥിതി ആരോഗ്യ വിഭാഗം ഡയറക്ടര്‍ വസ്സാന്‍ അബ്​ദുല്ല അല്‍ ബാക്കിര്‍ വ്യക്തമാക്കി. അതേസമയം വ്യക്തിഗത ഉപയോഗത്തിനായുള്ള ഭക്ഷ്യവസ്തുക്കളിൽ ഇത് ബാധകമല്ലെന്നും വ്യക്തമാക്കിയിട്ടുണ്ട്​. ഇറക്കുമതി ചെയ്യുന്ന ഉത്പന്നങ്ങളില്‍ നിര്‍മാണ വിവരങ്ങളും നല്‍കിയിരിക്കണം. 
 പ്രാദേശിക വിപണിയില്‍ എത്തുന്നതിനുമുമ്പ് ഇറക്കുമതി ചെയ്യുന്ന ഭക്ഷണസാധനങ്ങളുടെ നിയന്ത്രണങ്ങള്‍ക്കുവേണ്ട ഏറ്റവും പ്രധാനപ്പെട്ട തത്വങ്ങളാണ് ഗൈഡില്‍ ഉള്‍പ്പെടുത്തിയിരിക്കുന്നതെന്ന​ും അദ്ദേഹം പറഞ്ഞു. 
ഇത് എല്ലാ ജിസിസി രാജ്യങ്ങളിലും ഒരേസമയം നടപ്പിലാക്കാന്‍ തീരുമാനമായിട്ടുണ്ട്.  ഇറക്കുമതി ചെയ്യുന്ന ഉത്പന്നങ്ങള്‍ക്ക് മതപരമായ വ്യവസ്ഥകള്‍  (ഹലാല്‍) പാലിക്കുന്നുവെന്ന സര്‍ട്ടിഫിക്കറ്റ് വേണം. 
കസ്​റ്റംസ് ഡിക്ലറേഷന്‍, വാണിജ്യ രജിസ്‌ട്രേഷന്‍, ആരോഗ്യ സുരക്ഷാ സര്‍ട്ടിഫിക്കറ്റ്, ഹലാല്‍ വ്യവസ്ഥകള്‍ പ്രകാരമാണ് ഇറച്ചി മുറിച്ചതെന്നതിന്റെ തെളിവ്  എന്നിവയും  ഭക്ഷ്യ ഉത്പന്നങ്ങളുടെ ഇറക്കുമതിക്ക് ഹാജരാക്കണം. 
 പരിശോധന സമയത്തും കസ്​റ്റംസ് ക്ലിയറന്‍സ് സമയത്തും ബന്ധപ്പെട്ട എല്ലാ രേഖകളും ഹാജരാക്കാത്ത ഭക്ഷ്യ ഉത്പന്നങ്ങള്‍ ജപ്തി ചെയ്യുമെന്നും അധികൃതർ അറിയിച്ചു. 
കയറ്റുമതി ചെയ്യുന്ന രാജ്യത്തി​​െൻറ ആരോഗ്യസര്‍ട്ടിഫിക്കറ്റ് ഇല്ലാതെ  ഇറക്കുമതി ചെയ്യുന്ന സാധനങ്ങളുടെ  ഇറക്കുമതി നിരോധിക്കുകയും അവയെ കരിമ്പട്ടികയില്‍ ഉൾപ്പെടുത്തുകയും ചെയ്യുമെന്നും മ​ന്ത്രാലയം അറിയിച്ചിട്ടുണ്ട്​.