മൗ​റി​ത്താ​നി​യ​യി​ലും പ​ര്യ​വേ​ക്ഷ​ണ​ത്തി​ന് ഖ​ത്ത​ർ എ​ന​ർ​ജി

ദോ​ഹ: ദി​വ​സ​ങ്ങ​ൾ​ക്കു​ള്ളി​ൽ ഏ​ഷ്യ​ക്ക് പു​റ​ത്ത് എ​ണ്ണ-​പ്ര​കൃ​തി വാ​ത​ക പ​ര്യ​വേ​ക്ഷ​ണ​ത്തി​ൽ പു​തി​യ ക​രാ​റി​ൽ കൂ​ടി ഒ​പ്പു​വെ​ച്ച് ഖ​ത്ത​ർ എ​ന​ർ​ജി. ആ​ഫ്രി​ക്ക​ൻ രാ​ജ്യ​മാ​യ മൗ​റി​ത്താ​നി​യ​യു​ടെ പു​റം​ക​ട​ലി​ലാ​ണ് ഷെ​ല്ലു​മാ​യി ചേ​ർ​ന്ന് പു​തി​യ പ​ര്യ​വേ​ക്ഷ​ണം സം​ബ​ന്ധി​ച്ച് ക​രാ​റി​ൽ ഒ​പ്പു​വെ​ച്ച​ത്. മൗ​റി​ത്താ​നി​യ തീ​ര​ത്തു​നി​ന്നും 50 കി​ലോ​മീ​റ്റ​ർ അ​ക​ലെ 11,500 ച​തു​ര​ശ്ര കി​ലോ​മീ​റ്റ​ർ വി​സ്തൃ​തി​യി​ലു​ള്ള എ​ണ്ണ നി​ക്ഷേ​പ മേ​ഖ​ല​യി​ലാ​ണ് പു​തി​യ ഗ​വേ​ഷ​ണ​ങ്ങ​ൾ ന​ട​ക്കു​ന്ന​ത്.

സ​മു​ദ്രോ​പ​രി​ത​ല​ത്തി​ൽ​നി​ന്നും 50 മു​ത​ൽ 2000 മീ​റ്റ​ർ വ​രെ ആ​ഴ​ത്തി​ലാ​യി​രി​ക്കും ഇ​വി​ടെ പ​ര്യ​വേ​ക്ഷ​ണം ന​ട​ക്കു​ന്ന​ത്. സി 10 ​േ​ബ്ലാ​ക്ക് എ​ന്ന പേ​രി​ൽ അ​റി​യ​പ്പെ​ടു​ന്ന പ​ര്യ​വേ​ക്ഷ​ണ​ത്തി​ൽ ഖ​ത്ത​ർ എ​ന​ർ​ജി​ക്ക് 40 ശ​ത​മാ​ന​മാ​ണ് ഓ​ഹ​രി പ​ങ്കാ​ളി​ത്തം. 50 ശ​ത​മാ​നം അ​ന്താ​രാ​ഷ്ട്ര എ​ണ്ണ പ​ര്യ​വേ​ക്ഷ​ണ ക​മ്പ​നി​യാ​യ ഷെ​ല്ലി​നും 10 ശ​ത​മാ​നം മൗ​റി​ത്താ​നി​യ​ൻ ദേ​ശീ​യ ഓ​യി​ൽ ക​മ്പ​നി​യാ​യ എ​സ്.​എം.​എ​ച്ചി​നു​മാ​ണ്.

മൗ​റി​ത്താ​നി​യ​ൻ പു​റം​ക​ട​ലി​ലെ എ​ണ്ണ പ്ര​കൃ​തി വാ​ത​ക നി​ക്ഷേ​പ​ത്തി​ൽ കൂ​ടു​ത​ൽ ഗ​വേ​ഷ​ണം ന​ട​ത്തു​ന്ന​തി​ൽ പ​ങ്കാ​ളി​യാ​വു​ന്ന​ത് സ​ന്തോ​ഷ​ക​ര​വും പു​തി​യ ചു​വ​ടു​വെ​പ്പു​മാ​ണെ​ന്ന് ഖ​ത്ത​ർ എ​ന​ർ​ജി സി.​ഇ.​ഒ​യും ഊ​ർ​ജ സ​ഹ​മ​ന്ത്രി​യു​മാ​യ സ​അ​ദ് അ​ൽ ക​അ​ബി ക​രാ​ർ ഒ​പ്പു​വെ​ക്ക​ൽ ച​ട​ങ്ങി​ൽ പ​​ങ്കെ​ടു​ത്തു​കൊ​ണ്ട് പ​റ​ഞ്ഞു. ആ​ഫ്രി​ക്ക​ൻ മേ​ഖ​ല​യി​ൽ ഖ​ത്ത​ർ എ​ന​ർ​ജി​യു​ടെ മ​റ്റൊ​രു കാ​ൽ​വെ​പ്പാ​ണെ​ന്നും, പ​ര്യ​വേ​ക്ഷ​ണം വി​ജ​യ​ക​ര​മാ​യി പൂ​ർ​ത്തി​യാ​ക്കു​മെ​ന്ന പ്ര​തീ​ക്ഷ​യും അ​ദ്ദേ​ഹം പ​ങ്കു​വെ​ച്ചു. മൗ​റി​ത്താ​നി​യ​ൻ സ​ർ​ക്കാ​റി​ന്റെ പി​ന്തു​ണ​ക്കും, ഷെ​ൽ, എ​സ്.​എം.​എ​ച്ച് എ​ന്നി​വ​രു​മാ​യു​ള്ള പ​ങ്കാ​ളി​ത്ത​ത്തി​നും ന​ന്ദി അ​റി​യി​ച്ചു. ക​ഴി​ഞ്ഞ​യാ​ഴ്ച​യാ​യി കാ​ന​ഡ​യു​ടെ തീ​ര​മേ​ഖ​ല​യി​ൽ ര​ണ്ട് പ്ര​കൃ​തി​വാ​ത​ക-​എ​ണ്ണ പ​ര്യ​വേ​ക്ഷ​ണം സം​ബ​ന്ധി​ച്ച് എ​ക്സോ​ൺ മൊ​ബി​ലു​മാ​യി ഖ​ത്ത​ർ എ​ന​ർ​ജി പ​ങ്കാ​ളി​ത്ത ക​രാ​ർ ഒ​പ്പു​വെ​ച്ച​ത്. ല​ബ്ര​ഡോ​ർ, ന്യൂ​ഫൗ​ണ്ട്‍ലാ​ൻ മേ​ഖ​ല​ക​ളി​ലാ​ണ് പു​തി​യ ര​ണ്ട് ​േബ്ലാ​ക്കു​ക​ൾ.