നമീബിയയിൽ വീണ്ടും എണ്ണ നിക്ഷേപം കണ്ടെത്തി ഖത്തർ എനർജി

ദോ​ഹ: ആ​ഫ്രി​ക്ക​ൻ രാ​ജ്യ​മാ​യ ന​മീ​ബി​യ​യു​ടെ പു​റ​ങ്ക​ട​ലി​ലെ പ​ര്യ​വേ​ക്ഷ​ണ​ത്തി​ൽ ​എ​ണ്ണ​യു​ടെ സാ​ന്നി​ധ്യം ക​ണ്ടെ​ത്തി ഖ​ത്ത​ർ എ​ന​ർ​​ജി സം​ഘം. ജോ​ങ്ക​ർ വ​ൺ എ​ക്‌​സ് പ​ര്യ​വേ​ക്ഷ​ണ കി​ണ​റി​ലാ​ണ് എ​ണ്ണ​നി​ക്ഷേ​പം തി​രി​ച്ച​റി​ഞ്ഞ​ത്.

2210 മീ​റ്റ​ർ ആ​ഴ​ത്തി​ലു​ള്ള ഉ​ൾ​ക്ക​ട​ലി​ൽ 6168 മീ​റ്റ​ർ ആ​ഴ​ത്തി​ലാ​ണ് ജോ​ങ്ക​ർ -1എ​ക്‌​സ് കി​ണ​ർ കു​ഴി​ച്ച​ത്. ഖ​ത്ത​ർ എ​ന​ർ​ജി​ക്ക് 45 ശ​ത​മാ​ന​വും ഷെ​ൽ ക​മ്പ​നി​ക്ക് 45 ശ​ത​മാ​ന​വും ന​മീ​ബി​യ​യി​ലെ നാ​ഷ​ന​ൽ പെ​ട്രോ​ളി​യം കോ​ർ​പ​റേ​ഷ​ൻ (നാം​കോ​ർ) 10 ശ​ത​മാ​ന​വും ഉ​ൾ​പ്പെ​ടു​ന്ന ക​ൺ​സോ​ർ​ട്ട്യ​മാ​ണ് ന​മീ​ബി​യ​ൻ പു​റം​ക​ട​ലി​ൽ പ​ര്യ​വേ​ക്ഷ​ണം ന​ട​ത്തു​ന്ന​ത്.

ന​മീ​ബി​യ​യി​ലെ ത​ങ്ങ​ളു​ടെ മൂ​ന്നാ​മ​ത്തെ എ​ണ്ണ ക​ണ്ടെ​ത്ത​ൽ സ​ന്തോ​ഷ​ക​ര​മാ​യ വാ​ർ​ത്ത​യാ​ണെ​ന്ന് ഖ​ത്ത​ർ എ​ന​ർ​ജി പ്ര​സി​ഡ​ന്റും സി.​ഇ.​ഒ​യും ഖ​ത്ത​ർ ഊ​ർ​ജ​കാ​ര്യ സ​ഹ​മ​ന്ത്രി​യു​മാ​യ സ​അ​ദ് ശ​രീ​ദ അ​ൽ ക​അ്ബി പ​റ​ഞ്ഞു.

പ​ങ്കാ​ളി​ക​ളാ​യ ഷെ​ല്ലി​നെ​യും നാം​കോ​റി​നെ​യും ഈ ​പ​ര്യ​വേ​ക്ഷ​ണ ശ്ര​മ​ങ്ങ​ളെ വ​ള​രെ​യ​ധി​കം പി​ന്തു​ണ​ച്ച ന​മീ​ബി​യ​ൻ സ​ർ​ക്കാ​റി​നെ​യും അ​ഭി​ന​ന്ദി​ക്കാ​ൻ ഈ ​അ​വ​സ​രം ഉ​പ​യോ​ഗി​ക്കു​ന്നു​വെ​ന്നും അ​ദ്ദേ​ഹം പ​റ​ഞ്ഞു. ന​മീ​ബി​യ​യു​ടെ ഓ​റ​ഞ്ച് ബേ​സി​നി​ൽ സ്ഥി​തി​ചെ​യ്യു​ന്ന ഗ്രാ​ഫ്-​വ​ൺ കി​ണ​റി​ലും വീ​ന​സ്-​വ​ൺ എ​ക്‌​സ് പ്രോ​സ്‌​പെ​ക്റ്റി​ലും 2022 ഫെ​ബ്രു​വ​രി​യി​ൽ എ​ണ്ണ ക​ണ്ടെ​ത്തി​യ​താ​യി ഖ​ത്ത​ർ എ​ന​ർ​ജി പ്ര​ഖ്യാ​പി​ച്ചി​രു​ന്നു.

മൂ​ന്ന് ലൈ​സ​ൻ​സു​ക​ളി​ലാ​യി ഖ​ത്ത​ർ എ​ന​ർ​ജി​ക്ക് ന​മീ​ബി​യ​ൻ പു​റം​ക​ട​ലി​ൽ 28327 ച​തു​ര​ശ്ര കി​ലോ​മീ​റ്റ​ർ വി​സ്തീ​ർ​ണ​മു​ള്ള പ​ര്യ​വേ​ക്ഷ​ണ കേ​ന്ദ്ര​മാ​ണു​ള്ള​ത്. ന​മീ​ബി​യ​യി​ൽ​നി​ന്ന് 270 കി​ലോ​മീ​റ്റ​ർ അ​ക​ലെ​യാ​ണ് ജോ​ങ്ക​ർ-1​എ​ക്‌​സ് എ​ന്ന​റി​യ​പ്പെ​ടു​ന്ന കി​ണ​ർ സ്ഥി​തി​ചെ​യ്യു​ന്ന​ത്.